อวยพรปีใหม่ทุกท่านทุกคนครับ
ขอเจิญเทพเทวา จุ่งมาทั่วทิศ สถิตอยู่ฟ้า อวยชัย
หื้อหมู่ปี่น้อง เปื่อนป้องไกล้ไกล๋ นึกคิดสิ่งใด สมใจ๋ถ้วนหน้า
อายุวัณณัง พลังแก่กล้า ทรัพสินโภคา ลาภะ
สุขก๋ายสุขใจ๋ อยู่ในธรรมมะ พบปะแต่ผู้ คนดี
ด้านเงินทองนั้น เข้าขั้นเศรษฐี ลาภยศทวี สุขีเตี่ยงมั่น
กึ๊ดสังอันได หื้อได้ดั่งอั้น เงินหมื่นเงินปัน มากนัก
จะอยู่จะไป คนไดก่อฮัก ประจักษ์ทั่วหน้า จุ๊คน
ตั้งแต่วันนี้ อย่ามีขัดสน เทพไท้เบื้องบน บันดลจ่วยตุ้ม
ทำก๋านงานได ไผไผโอบอุ้ม เป๋นหหมู่เป๋นจุม พร่ำพร้อม
สุขสามประก๋าร ประสานนอบน้ม มีใจ๋โอบอ้อม อารี
ทุกวันค่ำเจ้า อย่าเศร้าโศกี๋ เกษมเปรมปรีดิ์ ในปี๋ไปหน้า
สุขก๋ายสุขใจ๋ เจริญไปหน้า หื้อมีลาภา สุดปี๋เสี้ยงถ้าน สุดปี๋เสี้ยงถ้าน