กำถาม ไอ้ดำ ขึ้นขี่ ไอ้จี่ ขึ้นขับ ฯ

[nantong]

อะหยังเอาะ

ไอ้ดำ  ขึ้นขี่      ไอ้จี่   ขึ้นขับ     ตะหละปัด  เกิ้งหน้า    เอาผ้ามัดแอว    ตะแหลว  ปิดก้น

ตอบ ยัง บ่ ได้ มาถาม กำใบ้ กะได้ หนา  จ๋าว่า  ใข่ฮู้

[nantong]

ไหว้สา
เขย กำถาม  เป๋นก๋าร นึ่งข้าวนึ่ง คับ  
 ไอ้ดำ เป๋น หม้อนึ่งดำ ๆ  ไอ้จี่  เป๋น ไหนึ่ง   ต๋าหละปัด เกิ้งหน้า  มีสานไม่ไผ่ เป๋นฝาปิด    
 เอาผ้ามัดแอว  คือ ผ้าจุ๊บน้ำ แวดไหนึ่ง     ตะแหลว ปิดก้น คือ ไม้เจาะฮู มีต๋าห่าง อย่าง ตะแหลว มีอยู่ ก้นไห

[Kimjongsug]

คำถามมันต้องเริ่มที่ว่า ช้างสามขา ก่อนก้าครับ พ่อเคยเอามาถามผมตอนเด็กๆ เริ่มว่า
"จ้างสามขา ไอ่กุรุดำขึ้นขี่ ไอ่ยี่ขึ้นถัด ตะละปัดเกิ้งหน้า เอาผ้าปันแอว ตะแหล่วตึ้ดก้น"

[nantong]

ไหว้สา
กำถาม นี้  แม่เกยมาถาม เมื่อยามละอ่อน คับ  ผมอาจจ๋ำมา บ่ หมด  ผิดเพี้ยนได้
ปอ ต่านว่ามา  ผม กะว่า  ผมอาจลืม กำตางหน้าไป
ของผม  อาจเป๋น  ม้าสามขา  ไอ้ดำขึ้นขี่ ฯ  กะจ๋ำ บ่ได้ 

ยินดีหลาย ๆ คับ มาฮ่วม เอาของหม่าเก่า มาเสวนากั๋นใหม่