ขอความรู้ ขั้นตอนถวายไข่ต้ม พระอนุสาวรีย์พญามังรายณ์มหาราชด้วยครับ

[crlove]

ขอความรู้ ขั้นตอนถวายไข่ต้ม พระอนุสาวรีย์พญามังรายณ์มหาราย์ด้วยครับ
เนื่องจากผมเคยตั้งจิต อธิฐาน ขอให้องค์ท่านช่วยดลบันดาล ขอให้ได้สมดังปราถนา
ว่ามีขั้นตอนอย่างไรบ้าง ใช้อะไรบ้าง เวลาไหนสมเหตุ บ้างครับ

[nantong]

ไหว้สา
ผม ขอบอกเป๋นแนวตาง บ่ ดายหนา  ว่า  หื้อยะประมาณ นี้
ต้มไข่ ไว้หม่าค่ำก่อนวันเลี้ยง  หรือ หม่าแจ้ง หม่าเจ้าวันเลี้ยง เป๋นก๋าร จัดดา(ตระเตรียม)
จัดตูป  เตียน  ไฟแชก  ข้าวตอก  ดอกไม้ ของหอม หม้าป๊าวหน่อม(หนุ่ม)
หาก  หยะแป๋งน้ำผะผาย ของตาน หรือ หดอนุสาวรีย์ ของ เปิ่น กะดา  เข้าหมิ้น  ส้มป่อย  น้ำสะอาด พร้อม สลุง(ขัน)
ดา ถ้วย สะโตก ไปใส่ไข่ ที่แกะถวาย  ต่าน และ บริวาร ของ ต่าน ตวย
ซอส  น้ำป๋า เกื๋อ น้ำกิ๋น  ข้าวนึ่ง  อาจมีน้ำพริก  ของกิ๋น อย่างอื่นนอกเหนือจาก ตั้งใจ๋แต่เดิมเตี่ยมมาแหม ยิ่งดี
ฮอดไปแถว เวลาใดกะได้ ยิ่งหม่าเจ้าเต่าใด ยิ่งดี  อากาศ บ่ ฮ้อน  หม่าค่ำกะยะได้หนา

ต๋ามเตียน 2 แถ้ง จิตูป 9 ดอก  วางข้าวตอก  ดอกไม้  แป๋งน้ำไว้สละ  สะหลง  แล้วดาสะโตก  เอาไข่ ออกวาง ในถ้วย ปอกหื้อเปิ่น ปอสมกวร เอาน้ำป๋า ซอส หรือ เกื๋อ ใส่ไว้ตวย คนหม่าเก่า  เขาอาจ บ่ เกยกับ น้ำป๋า  น้ำซอส
ฮำฮิ  ฮำไฮ หื้อเปิ่น มาฮับฮู้  ของกิ๋น  ของตาน
 
อาจตั้งต้น นะโม สามจบ  แล้ว ว่า
สาตุ๊ ๆ ๆ  ไหว้สาบาทเจ้า  ป่อผญามังราย เป๋น เจ้า ต๋นใหญ่  ต๋นหลวง ล้ำเลิศ ผะเสิฐ กว่าป่อผญาตังหลาย
บัดนี้  หมายมี  ผู้ข้าพ์ มีนามมะก๋ร ว่า นาย...........................(ชื่อ  พร้อม นามสกุล) 
ได้ จัดบุปผา  ราจะ ข้าวตอก  ดอกไม้ (ถ้าไม่มี  ไม่ต้อง ว่า ตามนี้)
ไข่ต้ม ของกิ๋น  ของลำ  มายื่น  มายง  มาปูจา  ป่อผญาเจ้า
ต๋าม ตี่ ผู้ข้าพ์  ได้ตั้งสัจจะ  วาจ๋า  เอาไว้  ว่า  เมื่อ สำเร็จ  ดัง ผ๋าถะนา ตี่ได้ ............................
(สิ่งที่ทำสำเร็จไปแล้ว)
เมื่อ  ป่อผญาเจ้า   ได้ฮู้   ก็  ขอป่อผญาเจ้า  จุ่งมาฮับเอา โปจะนาอาหาร  ข้าวตอก(ถ้ามี) ดอกไม้
ไข่ต้ม หม่าป๊าว(ถ้ามี) เป็นเก๊า
ว่าแถวต๋อนนี้  หื้อ แกะไข่ไปตวย ใส่ซอส  น้ำป๋า อ่อยเกื๋อ  กะลิกข้าว เป๋นกำ ๆ บิไข่  ใส่บนกำข้าว ใส่แหมถ้วยนึ่ง  จ้ำน้ำพริก ตวย ของกิ๋นอื่น ถ้ามีเอาไป กะยะเจ่นกั๋น  ถอกน้ำกิ๋น ใส่แก้ว หื้อเปิ่นได้กิ๋น  ได้แอ้ม กั๋นเปิ่นแก๊น
ยะแบบว่า  มีเปิ่นมากิ๋นแต๊ ๆ
ตั้งจิตเจินเปิ่นมาฮับ  มากิ๋น  หรือ ออกปากฮำฮิ  ฮำไฮ เบา ๆ ว่า ลำน่อ ๆ เจ้าป่อผญาเจ้า ฯลฯ เป๋นต้น

ปอ ตูป ใก้ หยะหมด  กะดาน้ำ ถวาย เปิ่น แบบเฮาอิ่มข้าว น๊อ
หาก เฮามีรถ ติดเครื่องเสียง  อาจหาเพลงบรรเลงล้านนาหม่าเก่า ม่วน ๆ
แห่ก๋องอืด  ก๊อง  ก๋อง เป่าปี่  เป่าแน ใน งานมงกล มาเปิด

 ห้ามเอา หน่งน๊ง แห่ผี  อวมงกล กะแล้วกั๋น

แล้วอย่าลืม  เลี้ยงเปิ่นแล้ว  แป๋งดา ของเหลือ  หื้อ  บริวาร  ขุนตะหาร ของ ต่าน หลังป่อผญาอิ่มแล้ว

หลังจากหั้น  บอก ฮำฮิ  ฮำไฮ  ว่า

บัดนี้  ผู้ข้าพ์ ผู้เป๋น ลูก หลาน  กะขอ เอาของซาก  ของเหลือ  ของ  ป่อผญาเจ้า
 เอาไปกิ๋น  เอาไปแบ่ง  หื้อเป๋นของติ๊บ  ของสวรรค์
 เป๋นยา  เป๋นโจค  เป๋นไจย
อย่าได้ มีปิษ  มีมัย  แก่  ลูก  แก่หลานเนอ  ป่อผญาเจ้า เนอ

ผม ขอสมมา  หากแนะนำ  บ่ ถูก  บ่ ต้อง  บ่ เป๋นตี่เปิงใจ๋     
ไผฮู้กะมาฮอม  มาเสริมเจ่มเน้อ

[nantong]

น้ำเข้าหมิ้น  ส้มป่อย  เอาสละ ของตาน ตี่ดา แล้วเอาสละ ผะผาย ใส่อนุสาวรีย์ ระหว่าง ฮำฮิ  ฮำไฮ  หรือ ต๋อนใด กะได้

โทรอู้ผมได้ ตลอดเน้อ ฯ

[nantong]

ถ้ามี  หมาก  เมี่ยง ปูรี  เหล้าขาว  เหล้าแดง เตยได้ยิ่งดี