ไปถ่ายฮูปวันเตรียมงานบวงสรวงอนุสาวรีย์พระเจ้าติโลกราชมาหื้อผ่อก่อน

[taekeuk_poomse]

วันนี้ออกไพกิ๋นเข้าตอน เลย แว๊บๆไป แอ่วผ่อเปิ้นจัดเตรียมงาน บวงสรวง อนุสาวรีย์พระเจ้าติโลกราช ตี้วัดเจ็ดยอด (โพธารามมหาวิหาร) เจียงใหม่ งานเพิ่นจะมีวันพูก (อังคาร ที่ 1 ธันวาคม 2552) ไผไค่เอาไพ ปริ้นท์ลงกระดาษแล้วใส่กรอบปู่จา กะได้เน้อ เป็นสิริมงคลดีนักแล
เดียววันพูกจะถ่ายมาหื้อผ่อแถม....(ถ้ามีเวลาไพ หนา) แต่ถ้าไผได้ไพ กะรบกวนถ่ายมาลงหื้อผ่อโตยกะได้ครับ จักเป็นพระคุณจ๊าดนักจ๊าดหลาย

ขออภัยมือใหม่ ถ่ายสะเปะสะปะ ไปเร่ย จะไปว่ากั๋นเน้อออออ เดียวเตื้อหน้าจะเอาผลงานฝึกหัดมาลงหื้อผ่อใหม่












ตุ๊เจ้า ศรัทธา กับล่ะอ่อนนักเฮียร เปิ้นจ่วยก๋ารจ่วยงาน กั๋นทึดๆ เฮาบ่าได้จ่วยหยังเปิ้นซักน้อย














แว่ไปไหว้ขอโชคลาภพระอุปคุต ซักหน้อยเต๊อะ ส้า......ธุ

[เชียงรายพันธุ์แท้]

สุดยอดเลยครับ พระเจ้าติโลกราช

[warriors]

King TiLokraj The Great

สุดยอดๆ ครับ มหาราชผู้ยิ่งใหญ่

ราชประวัติพระองค์ดูคล้ายกับมหากษัตริย์ของโลกสองพระองค์นะครับ พระเจ้าอเลกซานเดอร์มหาราช กับพระเจ้าอโศกมหาราช ท่านว่ามะ อิอิ

[taekeuk_poomse]

King TiLokraj The Great

สุดยอดๆ ครับ มหาราชผู้ยิ่งใหญ่

ราชประวัติพระองค์ดูคล้ายกับมหากษัตริย์ของโลกสองพระองค์นะครับ พระเจ้าอเลกซานเดอร์มหาราช กับพระเจ้าอโศกมหาราช ท่านว่ามะ อิอิ

ใช่ครับ ผมติดใจ ประวัติศาสตร์ตอนหนึ่งที่ เค้าว่า

"ต่อมากองทัพหน้าเชียงใหม่ไปตีเมืองปากยม (พิจิตร) จับเจ้าเมืองปากยมรูปงามได้ พระเจ้าติโลกราช ทรงต้องพระทัย จะนำตัวไปยังเชียงใหม่ แต่ถูกทัดทานจากพระยายุทธิษเสฐียร (อดีตเจ้าเมืองพิษณุโลกที่มาสวามิภักดิ์) ว่า ถ้านำตัวเจ้าเมืองปากยมกลับเชียงใหม่ ให้ ฆ่า "ข้าเสียเถอะ" พระเจ้าติโลกราช ถนอมน้ำใจ จึง สั่งประหารชีวิต เจ้าเมืองปากยมผู้ รูปงาม เสีย ณ ที่นั้น (มีความเห็นจากนักวิชาการบางท่านว่า พระเจ้าติโลกราช มีลักษณะบางอย่างคล้ายคลึงพระเจ้าอเลกซานเดอร์มหาราช (ในภาพยนตร์) คือ มีความรักทั้งเพศหญิง และเพศชาย (ไม้ป่าเดียวกัน+เสือใบ??!!) "

ซะงั้น........!!!!??



 ในพระหัตถ์ของพระองค์มีพระแสงดาบด้วย เล่าลือกันว่า เป็น "ดาบสรี๋กัญไจย" ดาบที่ มีอานุภาพ และความศักดิ์สิทธิ์เทียบเท่า  "พระขรรค์ไชยศรี" ของพระบรมไตรโลกนาถ กษัตริย์แห่งกรุงศรีอยุธยา คู่ปรับของพระองค์ รบกวน ใครมี เรื่องราวเกี่ยวกับดาบสรี๋กัญไจย เอามาเล่าสู่กันฟังเน้อ

[warriors]

และที่ว่าเหมือนพระเจ้าอโศกมหาราชก็ตรงที่ว่า เป็นพระมหากษัตริย์ที่ทรงทำศึกสงครามมาตลอด
แต่ภายหลังได้หยุดทำสงคราม แล้วทรงหันมาบำรุงพระศาสนาด้วยความศรัทธา
กระทั่งไปสู่การทำสังคายนาพระไตรปิฎกครั้งที่ ๘ ของโลก ที่วัดเจ็ดยอด

ผมไปค้นคว้าเรื่องราวเกี่ยวกับดาบเมือง ครูวิลักษณ์ ศรีป่าซาง เรื่องดาบสรีกัญชัย จะเอามาใช้ในนิยาย แหะๆ
แต่ข้อมูลเกี่ยวกับดาบสรีกัญชัยบ่ค่อยละเอียดเท่าใดครับ ค้นคว้าจากที่ต่างๆ ก็บ่แน่ชัด
ก็เลยวิเคราะห์เอาคนเดียวว่า หากเทียบกับพระขรรค์ไชยศรีแล้ว คิดว่า น่าจะมีความเหมือนที่แตกต่าง


คือ รูปลักษณ์อาจจะบ่เหมือนกัน แต่อาจมีความสวยงามเหมือนกันครับ เพราะเป็นของวิเศษเหมือนกัน

ในนิยายเรื่อง ลานนา ดาบสรีกัญชัย ปรากฏแล้วในตอนตีเมืองเชริง และจะปรากฏในตอนสำคัญเช่น
ตอนที่พญาไชยสงครามยกทัพไปรบกับพญาเบิก
เมื่อจัดแต่งกลศึกแล้วก็กราบบังคมทูลรายงานพญามังรายหื้อทรงทราบ ดั่งหนังสือตำนานพื้นเมืองเชียงใหม่หน้าที่ ๓๔ ว่า
"เจ้ามังรายได้ยินคำลูกตนจากกลเสิก็ชู่อัน เจ้าค็ยินดีในคำอันนั้น จิ่งปลงปันแก้วแสงอันเปนมังคละชัยชนะสัตตรู
กับเงินคำของรางวัลแก่ลูกตนมากนัก กับทังดาบสรีกัญชัยเถี่ยน ๑ อันเปนโปราณขัคคามังคละมาแต่เช่นลวจังกราชะมา
มีเตชะมากนัก คันเอาออกปัดเมื่อใด หัวใจริพลทังหลายฝูงเปนสุรโยธาหากบังเกิดสุรภาวะกล้าหานชู่ฅน
ด้วยอานุภาวะแห่งดาบเถี่ยนนั่นแล"

ดาบสรีกัญชัยนี้ก็ได้ตกทอดไปถึงพระเจ้าติโลกราช อันเป็นเถี่ยนเดียวกั๋นชะแล ว่าอั้น อิอิ

[เชียงรายพันธุ์แท้]

ในตำนานเมืองยอง ก็ฮ้องพระเจ้าติโลกราชว่า "พระเจ้าอโศก" เน้อ

[taekeuk_poomse]

นี่........ฮูปพญามังราย(ผมขอฮ้องว่าพญามังรายเน้อ ถ้าฮ้องว่าพ่อขุนเม็งราย มันแปลกๆ อย่างใดกะบ่าฮู้ อาจจะเป็นเพราะว่า ได้งินในเจียงใหม่เปิ้นฮ้องกันแต่พญามังราย) เวอร์ชั่นการ์ตูน หน้าตาหล่อเหลาเอาการ ก่อ?

[taekeuk_poomse]

และนี้พระเจ้าติโลกราช ฮะๆๆๆ ดุดันขนาดกอย

[taekeuk_poomse]

ท่าน warriors ครับ เป๋นไปได้ก่อครับตี้ท่านจะจัดทำเป๋นรูปเล่มขึ้นมา แล้วจัดจำหน่ายน่ะครับ

[warriors]

ตอบคุณเมื่อน้อยฯ ครับ

ถามถึงนิยายเรื่อง ลานนา ก่อครับ
ถ้าแม่น ก็คิดว่า ถ้าเขียนจบก็จะนำไปเสนอสำนักพิมพ์ครับ
เพราะตอนนี้ผมมีงานที่พิมพ์แล้ว สองเล่มครับ ชื่อเรื่อง มณีนพรัตน์ เป็นนิยายแฟนตาซีครับ
กับนิยายรักแบบตลาดๆ ชื่อเรื่อง คู่ร้ายร้อยเล่ห์รักครับ

และที่ตั้งใจ๋ไว้แถมอย่าง ก็คือว่า อนาคต อยากหันเป็นแบบละคร หรือหนังไปเลยครับ แบบหนังเกาหลีนะ
ประมาณลีซาน, จูมง, มูยุลฯลฯ อะหยังจะเอี๊ยะครับ อิอิ
คิดเล่นๆ นะครับ ว่าเอาคนเมืองแสดงหมด ดาราคนเมือง หรือดาราใหม่หมด เสียงในฟิล์ม
แล้วหื้อช่อง 3 ภาคเสียงแหมกำ
ถ้าคนภาคกลางก็ฟังเป็นหนังภาคทั่วไป แต่คนเมืองเฮาก็ปรับที่ทีวี ตรงที่ปรับเสียงระบบสองภาษานะครับ
แค่กึ๊ดเล่นๆ บ่ดายนะครับ อิอิ
ตอนนี้ก็ลักไปฮู้จักคนทำงานวงการหนังมาพ่องละครับ อิอิ
อันที่ว่าไปนี้ ผมฝันของผมเล่นๆ ไปอั้นก่อนนะครับ ขอหื้อได้พิมพ์ก่อนครับ อิอิ แต่ก็จะตั้งใจทำหื้อดีครับ
เป็นกำลังใจหื้อกันโดยการติดตามอ่านนะครับ มีข้อติติง แนะนำ ก็เสนอแนะได้ครับ ยินดีรับฟังชู่เรื่องครับ

อ้อ... วันก่อน ผมได้ไปอู้จากับน้องคนหนึ่ง เป็นละอ่อนปริ้นส์ จบละ ตอนนี้อยู่กำแพงเพชร เป็นละอ่อนที่มีความสามารถเหมือนกันครับ
มีงานที่พิมพ์แล้ว ชื่อ ทหารเอกนเรศวร (อิงประวัติศาสตร์อยุธยา) เรื่องนี้น้องเขาใช้เวลาเขียน ปี๋ป๋าย
และข้อมูลเกี่ยวกับมองโกล ผมก็ไปขุดเอามาจากน้องเขาน่ะครับ ก็หื้อเครดิตไป น้องเขาใช้นามแฝงว่า อัศวินอโยธยา
แต่เป็นคนเมืองเฮานะ อิอิ
และก็มีอยู่ตอนหนึ่ง อู้กันไป น้องเขาบอกว่า จะเขียนนิยายอิงประวัติศาสตร์ล้านนา ตอน พระเจ้าติโลกราช (กึ๊ดเหมือนกันเลย)
แต่อยู่ที่เตรียมข้อมูล  
ก็อู้กั๋นไป ถึงหลายๆ ตอน สำคัญๆ แชร์ความฮู้กั๋น (ใจ๋ขึ้นครับ ยิ่งใหญ่แต๊ะแต้ กษัตริย์พระองค์นี้)
อ้อ อู้กั๋นถึงเรื่องการใช้ราชาศัพท์โตย ว่า(น่าจะ)เริ่มต้นที่มาที่ไป ว่า เป็นการเกทับกั๋น ระหว่างกษัตริย์อยุธยา กับกษัตริย์ล้านนา
พญาเฮา ทางอยุธยา เอาไปเป็นยศของขุนนางไปเหีย พระยา
พระเจ้าติโลกราช เลยเปลี่ยนมาฮ้องว่าพระนามของพระองค์ว่า พระเจ้า เกทับไปเลย ฮ่าๆ
ผมบ่แน่ใจ๋ว่า ราชาศัพท์เริ่มใช้เมื่อใด กับสมมุติเทพของทางอยุธยา (เกยอ่าน แต่ลืมไปละ อิอิ)
แต่กึ๊ดว่าเป็นการเกทับกั๋นครับ

แค่อู้กั๋นก็ม่วนละครับ แต่ กึ๊ดยากจะเขียนขนาดเลยครับ เพราะว่า พระราชกรณียกิจของพระเจ้าติโลกราช นักขนาดเลย
ขนาดในหนังสือตำนานพื้นเมืองเชียงใหม่ ยังมีจ๊าดหลายหน้าครับ

ก็จะถ้าผ่อน้องเขาก่อน ว่าจะเขียนเมื่อใด
แต่ไผเขียนก็จ้างเตอะครับ เป็นแค่นิยาย นวนิยาย ขอหื้ออิงประวัติศาสตร์ บ่บิดเบือนก็พอครับ

แต่เรื่องลานนา ไปถึงพระเจ้าติโลกราชแน่นอนครับ เพราะวางพล๊อตไว้แล้วครับ

พระเจ้าติโลกราช
กษัตริย์ข้า อิอิ
เป็นเกียรติอย่างยิ่งที่ได้ร่วมรบกับพระองค์ ฮ่าๆ

[taekeuk_poomse]

สมกับเป็นยุคทองของล้านนาเลยครับ เอามาสร้างหนัง น่าจะม่วนขนาดเลยนะครับ ขนาดเรื่องราวของไทยสยาม "ตำนานสมเด็จพระนเรศวรมหาราช" หรือลิลิตตะเลงพ่าย  ซึ่งเป๋นวีรกรรมของ กษัตริย์เมืองใต้(อยุธยา) ที่ท่านมุ้ยสร้าง คนเมืองเฮาผ่อแล้ว ยังขนลุกเพราะพระปรีชาสามารถขององค์ดำ(ในหนัง)เลย ถ้าเปิ้นทำ หนัง"ลิลิตยวนพ่ายพ่อง" แล้วนำเสนอ แบบบ่ เข้าข้างฝ่ายเหนือ(ล้านนา) และฝ่ายใต้(อยุธยา) นักจนเกินไป ผมว่า หนังตี้ออกมา ถ้าคนไทยใต้เองได้ ผ่อแล้ว กะคงจะขนลุก ด้วยกัน บ่แพ้คนเมืองบ้านเฮาน้อครับ

มาว่าถึงเรื่อง นวนิยาย ต่อ นะครับ ถ้าท่านได้ทำเป๋นรูปเล่มแต๊ๆ ทีนี้ล่ะ ชื่อเสียง และความยิ่งใหญ่ของ พระเจ้าติโลกราช มหาราชแห่งล้านนา กะจะขจรขจายไปทั่วทุกมุมเมือง อีกครั้งหนึ่ง

[warriors]

ตี้ผมใคร่เขียนนิยายอิงประวัติศาสตร์ล้านนาเฮา ก็เพื่ออยากหื้อลูกหลานได้ฮู้จักประวัติความยิ่งใหญ่ของกษัตริย์เฮา
รวมถึงผะหญ๋าคนบะเก่าครับ มันมีอะหยังแถมนักขนาดเลยครับ ที่คนเมืองเฮาบ่เกยได้ฮู้เลย
เฮาเรียนประวัติศาสตร์มา เริ่มแค่สุโขทัย ทั้งๆ ที่ล้านนาเฮาก็เป็นต้นกำเนิดอาณาจักรไทย
แต่ผมจำได้ว่า มาฮู้ประวัติศาสตร์ตั๋วเก่า ก็เรียนมหาลัยละ แต่ก็... อู้ไปนักก็บ่ดี อิอิ เอาเป็นว่าฮู้ๆ กันอยู่เนาะ

ในเรื่องผมจะใส่อะหยังไปนักเกี่ยวกับผะญ๋าคนสมัยนั้น อย่างเช่น เรื่องหอหนังสือ ผมเน้นไปตรงนี้เพราะว่า
เฮามีภาษาของเฮา ทั้งภาษาอู้ ภาษาเขียน แต่บ่ได้เรียน ผมก็บ่ได้เรียน บ่ฮู้ภาษาเมือง ฮ่าๆ
คนสมัยก่อน ได้ฮับการศึกษาเหมือนกัน เฮามี ศิลาจารึก ซึ่งในเรื่อง ผมก็จะมีการปูไปถึงการจารึกอักษรบนหิน
คนที่อ่านนวนิยายเรื่องนี้จะได้สนใจครับ

หลักศิลาวัดเจียงมั่น ก็จารึกอักษรล้านนา บ่ดีลืมว่า ภาษาไทยปัจจุบัน ประดิษฐ์ขึ้นลูน สมัยที่ล้านนาเฮามีใช้กันแล้วนะครับ

เข้าลึกเข้าเดิกไปติกๆ ล่ะ ฮ่าๆ เต้าอี้ก่อนดีกว่าครับ อิอิ

[เชียงรายพันธุ์แท้]

ได้ยินคุณ warriors อู้เรื่องละครเกาหลีเรื่อง จูมง กับ มูยุล
เลยจะเล่าหื้อฟัง จะว่าเป็นเรื่องซีเรียสก็ซีเรียส จะว่าตลกก็ตลก

จูมง มูยูล และองค์ชายทัมต็อกจากเรื่องจอมกษัตริย์เทพสวรรค์ (พระเจ้ากวางแกโท)
ต่างก็เป๋นกษัตริย์ของอาณาจักรโกกุรยอ (Goguryeo) ดังนี้
     องค์ที่ 1 พระเจ้าดงเมียง (จูมง) ครองราชย์ 37-19 ก่อน ค.ศ.
     องค์ที่ 2 พระเจ้ายูริ ครองราชย์ 19 ปีก่อน ค.ศ.-ค.ศ.18
     องค์ที่ 4 พระเจ้าแดมูซิน (มูยุล) ครองราชย์ ค.ศ.18-44
     .......
     องค์ที่ 19 พระเจ้ากวางแกโทมหาราช ครองราชย์ ค.ศ.391-413

เรื่องมันมีอยู่ว่า รัฐบาลจีนเปิ้นแบนบ่หื้อฉายละครเกาหลีเรื่อง
จูมง, มูยูล และตำนานจอมกษัตริย์เทพสวรรค์ ในประเทศจีน
เพราะดินแดนอาณาจักรโกกุรยอ
ปัจจุบันเป็นภาคอีสานของประเทศจีน (เขตแมนจูเรีย)
โดยจีนเรียกโกกุรยอว่า "เกาโกวหลี" เน้อ

สมัยก่อนบรรพบุรุษเกาหลีปกครองโกกุรยอ
ก่อนอาณาจักรนี้จะถูกตีแตกโดย "ราชวงศ์ถัง" ของจีน เมื่อ พ.ศ.1211 (ค.ศ.668)
ซึ่งเป๋นพันธมิตรกับชิลลา (Silla) อาณาจักรเกาหลีตางใต้
จากนั้นเป็นต้นมา ดินแดนโกกุรยอก็ตกอยู่ภายใต้อำนาจของจีนมาจนถึงปัจจุบัน
ชาวเกาหลีในภาคอีสานของจีนก็ตกเป็นเพียงชนกลุ่มน้อยเท่านั้น
ส่วนจื่อโกกุรยอก็ถูกคนในท้องถิ่นลืมเลือนไป

หลักฐานทางประวัติศาสตร์ของโกกุรยอที่เหลืออยู่ในปัจจุบัน ได้แก่
ซากเมืองหลวงเก่ากุงแน (โก่วเหน่ย) และสุสานหลวงของราชวงศ์
ปัจจุบัน ทั้งหมดอยู่ในเขตมณฑลจี๋หลิน ประเทศจีน
ซึ่ง UNESCO ประกาศขึ้นทะเบียนเป็นมรดกโลก เมื่อ พ.ศ.2547

รัฐบาลจีนพยายามผนวกอาณาจักรโกกุรยอ เป๋นส่วนหนึ่งของประวัติศาสตร์ท้องถิ่นจีน
แต่รัฐบาลเกาหลีใต้ประท้วงมาตลอด โดยหื้อเหตุผลว่าเป๋นประวัติศาสตร์ชาติของเปิ้น

ยิ่งปอ UNESCO ประกาศหื้อเมืองโบราณโกกุรยอเป๋นมรดกโลก จีนยิ่งเข้มขึ้น
เกาหลีใต้ก็เลยตอบโต้ด้วยหลายวิธี ทั้งเขียนหนังสือวิชาก๋าน หนังสือเฮียนละอ่อน
เจิญฝรั่งมาเสวนาออกทีวี รวมทั้งแป๋งละครอิงประวัติศาสตร์ออกมาตวย

ซึ่งละครเกาหลีจูมง มูยุล และตำนานจอมกษัตริย์ฯ ก็เป๋นผลผลิตจากนโยบายนี้แล
โดยในเรื่อง จูมง มูยุล ใจ้กำว่า "เทียนเฉา" แตนจื่อ "ราชวงศ์ฮั่น" ของจีนเน้อ
จีนกลัวว่าละครหมู่นี้มันจะไปปลุกกระแสชาตินิยมเกาหลีในจีน
ก็เลยสั้ง "แบน" บ่หื้อฉายในจีนซะเลย

ประวัติศาสตร์ถูกใจ้เป๋นเครื่องมือตางก๋านเมืองมาตลอด
อย่างที่เปิ้นว่า "คนชนะเป๋นคนเขียนประวัติศาสตร์"
ประวัติศาสตร์เป๋นเรื่องละเอียดอ่อนแต้ๆเน้อครับ

ส่วนเรื่องแป๋งละครแป๋งหนังอิงประวัติศาสตร์ล้านนา ผมหันตวยครับ
ถ้ามีตังค์นักๆ ผมก็ใคร่ยะเหมือนกั๋น
แต่เจื่อเตอะ ว่าต้องมีพวกล้าหลังคลั่งสยามออกมาโต้ตอบแน่ๆ
กลัวว่าจะแบ่งแยกดินแดนพ่องละ กลัวคนล้านนาก่อกบฏพ่องละ
อันนี้ก็จ่างหัวมัน บ่ต้องไปสนใจ๋
555

อ้อ... อยากจะขอแนะนำพญาสามฝั่งแก๋น (พระราชบิดาของพระเจ้าติโลกราช) ตวย
เปิ้นครองราชย์ พ.ศ.1945-1984
ล้านนาสมัยพญาสามฝั่งแก๋นก็น่าสนใจ๋หนาครับ
เพราะในสมัยของเปิ้น ล้านนารบกับราชวงศ์หมิงของจีนที่เจียงแสน
ถึง 2 เตื้อ และชนะตึง 2 เตื้อเน้อ

[warriors]

ขอบคุณจ๊าดนักครับ คุณเชียงรายพันธ์แท้
ได้ความรู้แถมแล้วครับ ชอบซีรีย์เกาหลีหลายๆ ชุดครับ แต่บ่เกยฮู้ประวัติศาสตร์เปิ้นเลย

ถ้าเฮามีการสนับสนุนนะ ผมว่าคนบ้านเฮามีฝีมืออยู่แล้ว คิดว่ายะได้ และก็ยะได้ดีโตยครับ แหะๆ

เรื่องการนำประวัติศาสตร์ล้านนา ผมจะค่อยๆ นำเสนอออกมาเป็นนิยายก่อนครับ

ส่วนเรื่อง ลานนาตอนพระเจ้าติโลกราช คงจะเปิดเรื่องตั้งแต่สมัยพระเจ้าสามฝั่งแกนขึ้นครองราชย์ครับ
เพราะเรื่องราวเข้มข้นเหมือนกั๋นครับ เปิดตัวสงครามเจ้ายี่กุมกามยกทัพจากเชียงรายมาล้อมเชียงใหม่ครับ
ตั๋วเอกก็จะมีเพ็ดยศครับ ช่วงนี้ก็ม่วนดีครับ ตัดตอนใดออกบ่ได้ เพราะมีการวางแผน การช่วงชิง หลายๆ อย่าง กว่าจะได้ครองราชย์
และก็จะมีการปูทาง ว่าจะใด พระเจ้าติโลกราชถึงต้อง ช่วงชิงบัลลังก์พระบิดา
ต้องเขียนหื้อดีน่ะครับ อั้นเดียวจะกลายเป็นว่าลูกยะบ่ดีกับพ่อ ต้องทำหื้อหันว่า จำเป็นต้องชิงบัลลังก์ครับ

คล้ายๆ กับภาคปฐมบท ที่พญามังรายต้องทำสงครามยึดหัวเมืองต่างๆ ว่าบ่ใจ้เป็นคนชอบรุกรานนะครับ
หื้อมันมีเหตุผล และมันก็เป็นแบบนั้นแหละครับ เหตุผลอันชอบธรรม อิอิ
ถ้าบ่อั้นเฮาก็คงบ่มีประวัติศาสตร์ที่ยิ่งใหญ่หื้อลูกหลานได้ภาคภูมิใจ๋เนาะครับ

กษัตริย์แห่งข้า เลโอไนดาส (น่าน...ลุกไหนมานี่ อิอิ)
เป็นเกียรติยิ่ง ที่ได้ร่วมรบกับพระองค์

[taekeuk_poomse]

คล้ายๆ กับภาคปฐมบท ที่พญามังรายต้องทำสงครามยึดหัวเมืองต่างๆ ว่าบ่ใจ้เป็นคนชอบรุกรานนะครับ


อ้อ......เปิงเต๊อะ ในการ์ตูนตังบนหั้น ตี้พญางำเมืองไห้ ซึ้งใจ๋อะหยังกะบ่ฮู้ แล้วกะอู้ว่า "เจ้ายังคงเป็นมังรายคนเดิม"  มันท่าจะมีความหมาย เดียวกั๋นกับนิยาย ตี้ ท่าน warriors เขียน แม่นก่อ

[warriors]

อันตี้เป็นการ์ตูนผมยังบ่ได้อ่านนะครับ อิอิ บ่ฮู้ว่า ซึ้งใจ๋อะหยังกั๋น
แต่ ตอนพญางำเมือง กับ พญามังราย และก็พระร่วง
ตอนนี้ ผมก็ทำก๋านบ้านอย่างหนักเหมือนกันครับ เพราะว่าหมิ่นเหม่จะโดนคนไทใต้ว่าหื้อ
แต่เหตุการณ์สำคัญนี้ จะบ่อู้ถึงก็บ่ได้ครับ เพราะมันเป็นที่มาของก๋ารดื่มน้ำสาบาน ก็เลยต้องเขียน
แต่จะเขียนออกมาอย่างใดนั้น ค่อยติดตามเอานะครับ อิอิ (ถ้าจะแหมเมินอยู่ครับ)
จะใดแล้ว มันก็เป็นแค่นวนิยายครับ อ่านเอาม่วน 

[เชียงรายพันธุ์แท้]

คล้ายๆ กับภาคปฐมบท ที่พญามังรายต้องทำสงครามยึดหัวเมืองต่างๆ ว่าบ่ใจ้เป็นคนชอบรุกรานนะครับ


อ้อ......เปิงเต๊อะ ในการ์ตูนตังบนหั้น ตี้พญางำเมืองไห้ ซึ้งใจ๋อะหยังกะบ่ฮู้ แล้วกะอู้ว่า "เจ้ายังคงเป็นมังรายคนเดิม"  มันท่าจะมีความหมาย เดียวกั๋นกับนิยาย ตี้ ท่าน warriors เขียน แม่นก่อ

อันตี้เป็นการ์ตูนผมยังบ่ได้อ่านนะครับ อิอิ บ่ฮู้ว่า ซึ้งใจ๋อะหยังกั๋น
แต่ ตอนพญางำเมือง กับ พญามังราย และก็พระร่วง
ตอนนี้ ผมก็ทำก๋านบ้านอย่างหนักเหมือนกันครับ เพราะว่าหมิ่นเหม่จะโดนคนไทใต้ว่าหื้อ
แต่เหตุการณ์สำคัญนี้ จะบ่อู้ถึงก็บ่ได้ครับ เพราะมันเป็นที่มาของก๋ารดื่มน้ำสาบาน ก็เลยต้องเขียน
แต่จะเขียนออกมาอย่างใดนั้น ค่อยติดตามเอานะครับ อิอิ (ถ้าจะแหมเมินอยู่ครับ)
จะใดแล้ว มันก็เป็นแค่นวนิยายครับ อ่านเอาม่วน 

ตึงคุณ เมื่อน้อยฯ ตึงคุณ warriors อู้จาอี้เดียวคนที่เปิ้นบ่ฮู้ประวัติศาสตร์ล้านนาก็งงปอดี
"เหตุการณ์สำคัญ" คือบ่าหยัง?
จาใดพญางำเมืองต้องไห้?
อู้ไปซื่อๆเลยก่ะครับว่า พญาร่วงมาแอ่วพะเยาแล้วไปเป๋นชู้กับนางแก้วเมียพญางำเมือง
จนถูกพญางำเมืองยับได้ จะประหาร
แต่ปอดีพญามังรายเปิ้นจ่วยเคลียร์หื้อ เรื่องเลยจบลงโดยบ่มีก๋านนองเลือด
ส่วนนางแก้วก็หนีไปฆ่าตั๋วต๋ายที่ดอยนางแก้ว
(ไหนว่าไม่นองเลือดไง)

แต่ว่าสาเหตุที่ทำสัญญาสามกษัตริย์ แต้ๆแล้วมันมีเหตุผลลึกกว่าหั้นครับ
นักวิชาก๋านเปิ้นวิเคราะห์ออกมาแล้วว่า เป๋นผลมาจากก๋านขยายอำนาจของมองโกล
ซึ่งต๋อนหั้นตี๋พุกามแตกแล้ว อาณาจักรต๋ำหมู่นี้ตึงเงินยาง พะเยา สุโขทัย
ต่างก็กั๋วว่าตั๋วเก่าจะเป๋นเหยื่อรายต่อไป
แตนที่จะรบกั๋น สู้มาร่วมมือกั๋นต่อต้านมหาอำนาจตางเหนือดีกว่า

นอกจากนี้ ก๋านทำสัญญาสามกษัตริย์
ยังช่วยหื้อตึง 3 แคว้นขยายอำนาจได้อย่างเต็มตี้
บ่ต้องห่วงหน้าพะวงหลังว่าจะโดนแหมเมืองตลบหลัง
หลังทำสัญญาก็มีการขยายอำนาจ ดังนี้

พญามังรายตีหริภุญชัย ลำปาง หงสาวดี
รวมทั้งชิงเมืองเชียงรุ่งคืนจากมองโกลได้

พญางำเมืองยึดเมืองปัวราชธานีของราชวงศ์ภูคาได้
(ตอนหั้นราชวงศ์ภูคายังบ่ได้แป๋งเมืองน่าน)

พญาร่วงปราบได้เมืองสรหลวงสองแคว (พิษณุโลก),
ลุมบาจาย, สะค้า (สองเมืองหลังนี้อาจอยู่แถวลุ่มแม่น้ำน่านหรือแควป่าสักก็ได้),
คนที (บ้านโคน จังหวัดกำแพงเพชร), พระบาง (นครสวรรค์), แพรก (ชัยนาท),

[taekeuk_poomse]

แห่ะๆ ขอโทษครับ ขยายความ ตามท่านเชียงรายพันธุ์แท้ ว่าเลยเน้อ

[เชียงรายพันธุ์แท้]

อายยะหยัง คนเฮาย่อมมีดีมีเลว บ่แม่นพระเจ้าลอที่ยะหยังก็ถูกไปหมด
เรื่องราวในประวัติศาสตร์ สะท้อนหื้อหันถึงวิถีชีวิตของมนุษย์
ที่มีตึงดีและเลว เบื้องหลังก๋านกระทำนั้นๆต่างหากที่สำคัญ
ซึ่งเฮาควรศึกษาไว้เป๋นบทเฮียน

จักรพรรดิเนโรแห่งโรมัน - ฆ่าแม่ฆ่าเมียของตั๋วเก่า
ถังไท่จง - ฆ่าอ้ายตั๋วเก่าเพื่อขึ้นครองราชย์
กุบไลข่าน - ฆ่าปี้น้องตั๋วเก่าเพื่อขึ้นเป๋นมหาข่านมองโกล
พญามังราย - ส่งคนไปฆ่าขุนเครื่องลูกเปิ้นที่ก่อกบฏ
พญาร่วง - เป๋นจู้กับเมียเพื่อน (พญางำเมือง)
พระเจ้ายองโจ - ฆ่าองค์ชายซาโด (ป้อของลีซาน) ลูกจายแต้ๆ เพราะนึกว่าเป๋นกบฏ
เจ้าอนุวงศ์ - เป๋นฮีโร่ ต้องก๋านกอบกู้เอกราชหื้อคนล้านจ๊าง แต่โดนยัดข้อหากบฏซะงั้น
เบจิต้า - หักหลังฟรีเซอร์ แล้วหันมาเข้ากับโงกุน
เสี่ยด้วง - ฆ่าเฮียสิน แล้วชิงตำแหน่งหัวหน้าแก๊งค์มา

หมายเหตุ
ข้อความข้างต้นเขียนขึ้นเพื่อเผยแพร่ความรู้ทางประวัติศาสตร์เท่านั้น
มิได้เกี่ยวข้องกับดารา นักการเมือง ผู้นำชนเผ่า นางงาม
โรนัลโด ทำเนียบขาว ห้างค้าปลีกข้ามชาติ หรือสถาบันการศึกษาชั้นสูงแต่อย่างใด

[taekeuk_poomse]

เดียวๆๆๆๆๆๆ กำเดียวครับอ้าย อันเกือบสุดท้าย

เบจิต้าหักหลังฟรีเซอร์  มันเกี่ยวกั๋นตางใดหั้น??? อันนี้มันดาวไซย่า ปู้นหว่า บ่แม่นดาวโลก ลอครับ ซุนโงกุน กะเชื้อสายดาวไซย่าปู้นนนนนนนนนนนน ออกนอนโลกแล้ว


มาว่าถึงเรื่องกบฏเจ้าอนุวงค์ ผมเองกะจ่างเข้าไปอู้ไปเอย ไปพิมพ์ภาษาลาว ตี้เว็บไซต์ลาวบ่อยๆ พอดีช่วงก่อนๆ ผมบ้าประเทศลาว-บ้าสาวลาว ลงทุน ลงฟ้อนท์ภาษาลาว แล้วกะโปรแกรมพิมพ์ภาษาลาว  ผมกะลองถามเปิ้นว่า เปิ้นกึ๊ดจะใดกับคนไทย เปิ้นกะบอกว่า โดยจิตใต้สำนึกแล้ว เปิ้นจังคนไทย(หมายถึงสยาม เน้อ บ่แม่นหมู่เฮา เปิ้นฮ้องหมู่เฮาว่า ลาวล้านนา เป็นลาวเหมือนกั๋นกับเปิ้น ว่าไปปู้น หมู่เฮาเป๋นคนโยน บ่แม่นก๋า?) ในประวัติศาสตร์ตี้คนไทยเขียนขึ้นมามีแต่หลอกลวง(คนลาวเปิ้นว่าอั้น)  สโลแกนของคนลาวเปิ้นว่าไว้ว่า "เชื่อคำไทย ไฟไหม้เล้าเข้า" และเปิ้น เคารพเทิดทูน พระมหากษัตริย์ของเปิ้น คนไทยกะหาว่าเปิ้นกบฏ เปิงแต๊ๆ