กำมะเก่า

ฟังเนอลูกรัก แม่จักไขจ๋า เมื่อแม่มารดา ปามานลูกหน้อย
เป๋นเออะเป๋นหาว ใจ๋ป๋าวโศกสร้อย ไข้หน้อยหนาวใน สั่นซะ
มืดหน้าต๋าลาย เป๋นไปสั๊ปป๊ะ อยากกิ๋นก่าส้ม ดองเก็ม
ของกิ๋นเกยมัก ป๊อยว่ามาเหม็น เปี้ยวหวานมันเก็ม อั๊วะฮากออกเสี้ยง
เหม็นเบื่ออาหาร หน้าจ๋างหม่นเหมี้ยง คื่นเหียนอาเจียน อ่อนหล้า
เหม็นครกเหม็นเขียง เหม็นก๋ำปิฮ้า เหม็นกลิ่นเสื้อผ้า ครัวทรง
ลูกเข้าสู่ต๊อง ย้อนแม่ประสงค์ แม่จ๋ำเป๋นทน ดิ้นรนต่อสู้
แม่มานบุตต๋า เหมือนกั๋นจุผู้ กอยลูกซวามดู หลายครั้ง
สามเดือนเต่ากบ ผกกอยบ่ยั้ง ลูกบ่เหม่นข้าง ตางใด
สี่เดือนเต่าฮอก ต๋ามเปิ่นบอกไข ลูกดิ้นตังใน ภูมิใจ๋เสี้ยงถ้าน
ได้เจ็ดแปดเดือน เปิ่นเตือนจุ๊ด้าน อย่ากิ๋นเตวตาง ย่างเกี๊ยว
อย่าอาบน้ำเดิ๊ก อย่าเกิ๊ดงัวเล้ว อย่าเกี๊ยวของเล่น หวานมัน
อย่ากิ๋นปอลูน กั๋วพุงเจ้ากั๊ด อย่าตั๊กผีบ้า คนเมา
ผมลูกออกแล้ว คันบ่ได้เก๋า กั๋วเล็บมือยาว เก๋าถูกหน้อย
น้ำพริกน้ำแก๋ง บ่แสนขี้ด้อย กั๋วลูกตังใน หัวล้าน
เก้าเดือนใคว่ครบ หมายก๋ำหนดก๋าน ลูกอยู่ในครรภ์ เก้าเดือนเต่าอั้น
แต่ก่อนแต่หลัง แม่มานต๋ายนัก จีวิตหมิ่นขว้ำ โรยรา
ลูกลูกฟังไว้ แม่จักไขจ๋า พระคุณมารดา แม่มาเล่าอู้
ลูกเกิดออกมา ดีใจ๋จื่นสู้ เป๋นดีเอนดู เจ่นล้ำ
อดกลั้นอาหาร คาวหวานแถมครั้ง กิ๋นก่าปี๋ต้ม พริกดำ
ก๋ำปิและฮ้า บ่ได้กิ๋นหยัง กั๋วสาบเติงดัง ผิดเดือนเป๋นบ้า
กั๋วบ่มีไผ เลี้ยงดูลูกข้า บุตต๋าธิดา ลูกหน้อย
คนอื่นหมื่นแสน หลายปันหลายร้อย บ่เต่าแม่เจ้า สักคน
ลูกเหยลองนึ๊ก กึ๊ดกอยเหตุผล ได้เกิดเป๋นคน ย้อนแม่ของเจ้า
ลางพ่องใหญ่มา ดาปอจะเถ้า บ่ฮู้บุญกุณ อ่อนน้อม
ถามเต๊ะถามตี๋ เป๋นไม้เป๋นค้อน พ่องถามเข่นฆ่า ฟันแตง
กึ๊ดฮอดแม่ฮัก เหมือนแก้วเหมือนแสง มดง่ามมดแดง บ่หื้อได้ใกล้
ลูกเจ็ดแปดคน แม่ทนเลี้ยงได้ จ๋นเจริญวัย ใหญ่แล้ว
ส่งไปศึกษา บ่กลากลาดแกล้ว น้าดไปดื่มเหล้า เมาเบียร์
เฮียนมานักล้ำ เอาขว้างไหนเหีย มีผัวมีเมีย ป๊อยบ่มาใกล้
เมื่อแม่เจ๋บเป๋น หนาวเย็นเมื่อยไข้ ตึงบ่มาใจ แถมซ้ำ
สมบัติหลักฐาน ไฮ่นาป่าต๊าง ลูกยังหวังได้ คนเดว
น้ำต๋าแม่ตก อกแม่เป๋นเป๋ว มีแม่คนเดว ลูกเลี้ยงบ่ได้
กึ๊ดมากึ๊ดไป เป๋นดีใค่ไห้ เป๋นกั๋มอันใด เป๋นล้ำ
ทีลูกตุ๊กจ๋น แม่ทนจ่วยก๊ำ แม่มีแต่หื้อ อภัย
ความฮักอย่างนี้ จักไปหาไหน จักหาคนใด มาเหมือนแม่เจ้า
ฟังเนอลูกหลาน จ๋ำเนอลูกเต้า แม่ของเฮา คือแม่พระ
ความกตัญญู ขอจะไปละ นั้นเป๋นร่มแก้ว โปไทร
แม่ต๋ายไปแล้ว จักไปหาไหน สุดประเทศไทย เปิ่งไผบ่ได้
ปิต๋ามารดา กวรสากวรไหว้ นึกถึงบุญกุณ ต่านไว้
บ้านจองทรัพย์สิน เหลือกิ๋นเหลือใจ๊ ของป่อแม่เจ้า ตังมวน
พระคุณแม่นี้ ยิ่งใหญ่ไพศาล ลูกเหยบ่กวน ลืมกุณแม่เจ้า..

หน้าหลักเว็บไซต์	ท่องเที่ยว ที่พัก ที่กิน	ข่าวสาร กิจกรรม	ตำแหน่งงานว่าง
ตลาดซื้อขาย	โปรโมชั่น ส่วนลดสินค้า	ติดต่อโฆษณา

คนเชียงราย สังคมเชียงราย	ห้องนั่งเล่น	การเกษตร ในเชียงราย	คุยเรื่องไอที - เทคโนโลยี
นักลงทุน การเงิน การธนาคาร	ศาสนา กิจกรรมทางวัด	เรื่องล้านนา ภาษากำเมือง	คนหางาน-งานหาคน
งานบ้านงานครัว คลีนิค สุขภาพ ฯลฯ	กีฬา	การศึกษา

แจกของฟรี	ซื้อขายสินค้าจิปาถะ-ทั่วไป	เสื้อผ้า รองเท้า เครื่องประดับ สินค้าแฟชั่น	เครื่องสำอางค์ ผลิตภัณฑ์เสริมความงาม
สัตว์เลี้ยง	คอมพิวเตอร์-สินค้าไอที	กล้องถ่ายรูป - อุปกรณ์ถ่ายภาพ	โทรศัพท์มือถือ เครื่องมือสื่อสาร
ซื้อขาย-เช่า-เซ้ง บ้าน ที่ดิน อาคารพาณิชย์	พระเครื่อง-วัตถุมงคล เครื่องรางของขลัง	ศูนย์กลาง-ซื้อขายรถยนต์	อะไหล่รถยนต์,อุปกรณ์ตกแต่งรถยนต์
ซื้อขาย-รถมอเตอร์ไซด์	อะไหล่ ของแต่ง มอเตอร์ไซด์	ศูนย์กลางซื้อขาย-จักรยาน	จานดาวเทียม-กล้องวงจรปิด-เคเบิ้ลทีวี

ชมรมนักตกปลาเชียงราย	CHIANGRAI 4 LOW	ชมรมคนรักรถ	ชมรมดนตรี
ชมรมนักกลอน