ไฟไหม้ป่าโข่ ตี้ตี๋นดอยเขาควาย ( 4 มี.ค. 2555) - มีรูปประกอบ

[T Nakamura]

วันนี้ (4 มี.ค. 2555) เวลาประมาณ บ่าย 3 โมง
ผมกับเปื้อนกำลังจะไปแอ่วบ้านคนฮู้จักตี้แถวๆบ้านสินธานี 8
ขี่รถก๋ายมาตางดอยเขาควาย ก้อปะกับไฟไหม้ป่าโข่อย่างแฮง
กะว่าจะจอดรถผ่อว่า มันเป๋นจะใด

ตันใดนั้น ตั๊ดหลังของหมู่ผมก็มีรถดับเพลิงสีแดงขับเข้ามาแล้วเลี้ยวเข้าไปในซอยตังข้างหั้น
แสดงว่า มีคนแจ้งไปแล้ว

[T Nakamura]

แหมสักกำ ก็มีคนจากตางเทศบาลเปิ้นมา
แล้วก็ถามผมเขาว่า มีรถมาแล้วกา? / หมู่ผมก็บอกว่า มาแล้ว เข้าไปตางในแล้ว
ปอดีกับตี้มีอ้ายคนหนึ่ง เปิ้นท่าจะมาก่อนละ มาอู้เถิงสถานการณ์กั๋น
แล้วเปิ้นก็โทรแจ้งไผพ่องบ่ฮู้ บ่ได้ฟังครับ

รถดับเพลิงสีแดงกันแรก น้ำหมดก็ออกมาละ หันเปิ้นว่าจะไปเิติ่มน้ำตี้หนองปึ๋ง
ปอดีกับรถดับเพลิงสีเหลืองมาปอดี

ผมเขาก็เลยสะหลิดสวมวิญญาณนักข่าวจำเป๋น โดยเข้าไปกับเปิ้นตางใน

[T Nakamura]

อ้ายหมู่ตี้ประจำรถดับเพลิงเปิ้นก็ขยันขันแข็งกั๋นดีครับ
แต่ก็มีบางครั้งตี้เสี่ยงหน่อย ต๋อนตี้ลมมันเปลี่ยนทิศ
พัดมาตางรถ ก็จำเป๋ต้องถอยรถหนีพ่อง

[T Nakamura]

กำนี้ก็เริ่มเปิดน้ำฉีดใส่ไฟ กั๋นแนวไว้บ่หื้อมันลาม (เปิ้นว่าอั้น)

[T Nakamura]

ฉีดกั๋นได้แล้ว อ้ายเปิ้นก็ลงไปดับไฟตี้มันยังมีเชื้ออยู่
ผมเข้าไปบ่ไหวครับ แก้นควัน ปอดีกับตี้ลมมันเปลี่ยนตางแหมเมาะ
ก็เลยวิ่งออกมาจากแนวไฟก่อน

[T Nakamura]

แนวไฟตี้ใกล้บ้านคนเริ่มดับแล้ว
ค้างกะไฟตี้อยู่ใกล้ถนน มันยังบ่ดับเตื้อ

มันไหม้กั๋นบ่ใจ้หน้อยๆน่ะ

[T Nakamura]

ฉากนี้เป๋นปฏิบัติการหลังรถครับ
ผมเขาขอขึ้นไปโตยรถน่ะ (กำแรกก็กั๋วจะไปเติกเปิ้น แต่อ้ายเปิ้นบอกบ่เป๋นหยัง)

[T Nakamura]

จังหวะนี้ ตื่นเต้นขนาดครับ

[superguy]

สุดยอด ละเอียดทุกมุมมอง 

[T Nakamura]

อันนี้ผมกับเปื้อนลงรถ เดินโตยรถมาละ
ไฟมันเริ่มมอดไปพ่องแล้ว ได้ยินจากวอของอ้ายเปิ้นว่า
วันนี้ใจ้รถมาดับเพลิงประมาณ 4 กัน

[T Nakamura]

ออกมาตังนอก ก้อปะรถแหมกัน เปิ้นกำลังดับไฟตังนอกอยู่
สีท่าจะคุมไฟกั๋นได้แล้วล่ะครับ

วันนี้โจ้กดีตี้ผมเอากล้องไปโตย ก็เลยได้เก็บฮูปก๋ารยะก๋ารของหมู่อ้ายดับเพลิง
มาฝากป้อแม่ปี้น้องจาวเว็บเจียงฮายโฟกัสครับ

ผมขอชื่นชมและเป๋นกำลังใจ๋หื้อคนยะก๋ารอย่างอ้ายเขาเหล่านี้ครับ
กะผมไปโตยอยู่ห่างๆบ่ดายยังฮ้อน ยังแก้นควันขนาด
แล้วหมู่เปิ้นตี้เข้าไปลุยจะอั้น เปิ้นจะฮู้สึกป๋านใด ...

ปล.1 สาเหตุของไฟไหม้นี้บ่ฮู้เน้อ หันเปิ้นว่าน่าจะมาจากคนเข้าไปก่อไฟยะหยังสักอย่าง แล้วบ่ได้ดับหื้อมันดีๆ มันเลยลาม แล้วคุมบ่ได้ ..... เท็จจริงอย่างใด รอผู้รู้มาแถลงน่อ

ปล.2 ขยะนักน่อ เทศบาลจั๋ดก๋ารด่วนเน้อ เจื้อไฟอย่างดีเลยหนาหมู่นี้น่ะ

[T Nakamura]

สุดยอด ละเอียดทุกมุมมอง 

ขอบคุณครับ
เมินๆได้ปะอย่างอี้สักเตื้อหนึ่ง
ก้อขอเก็บหื้อได้นักตี้สุดครับ

[Damzdingdong]

 บ่ฮู้คนเผาแม่นคนเดวกับคนเอาขยะมาขว้างก่อน้อ ขยะก่อนักแต้ๆ 

[@zunoi]

ยกนิ้วให้ทั้งคนถ่ายรูปและเจ้าหน้าที่ดับเพลิง

[neungwaew]

ดีนะที่ควบคุมเพลิงไว้ได้ เยี่ยมครับ

[พลายชุมพล]

ลอบวางเพลิงขยะแน่ๆ

[nongandkat]

ยกนึ้วให้ครับ ดับไฟไปได้อีกหนึ่งที่ครับ

[๛หนูแหม่ม_ฮ่าๆๆ—”๏”]

สู้ๆนะค่ะ ช่วงนี้พี่ๆดับเพลิง งานหนักหน่อย เป็นกำลังใจให้ค่ะ

[krumax500]

ไค่ได้รถดับเพลิงสักคันเห้ยเอาไปดับไฟแถวบ้าน ไฟไหม้ดอยนักขนาด

[chompoowaan]

ต้องขอบคุณเจ้าของกระทู้ ที่นำเสนอได้ละเอียดทุกขั้นตอน และ เป็นกำลังใจให้เจ้าหน้าที่ดับเพลิงด้วยค่ะ งานเสี่ยงจริงๆ