พญามังรายพระองค์สร้างเมืองสืบเจื่องจ้าดไว้ โยนกเจียงแสน เขิน ไต ลื้อ ยอง อยู่ฮ่มฟ้าป๋าระมีพระเจ้ากือนาสืบศาสะนามาเป๋นสลี พระบาทพระธาตุเจดีย์ พุทธสารรูปปิมปา พระเจ้าติโลกสลีสุธรรมราจาทรงสถาปนาหน้าดินเขตแคว้นแว่นเวียงจัย
จิระประภามหาเตวี จีวิตจ้าดนี้ยอมพลี เปิ้อฮักษาดินแดนล้านนา
พระเจ้าเมกุแม้นเป็นเชลยเมืองม่านหงสา เปิ้อเกียรติยศล้านนา จีวิตของข้าสิ้นก่อยินดี
สุลวะฤาไชยสงครามป้อนี้ เจ้ากาวิละบุญมี ฟื้นม่านเปิ้อล้านนาเฮา
เลือดเนื้อคนเมืองหยาดรินแผ่นดินแม่นี้ แม้นสิ้นจีวีบ่อกึ๊ดยากแต้เปื้อลูกหลานเฮา
วัฒนธรรมล้านนากู้เคียงแผ่นฟ้าป่าเขา กู้ ลำเนา ปิง วัง ยม น่าน แม่รินล่องเลย
ลูกหลานเฮยหากนายบ่อสืบสาน จะเล่าตำนานล้านนาหื้อไผฟัง
ภาษากำเมืองคนเมืองบ่าอู้แล้วจะมีไผ ฮีตฮอยสืบไปคงมีทรุดซ้อยน่าน้อยใจ๋แล
บรรพชนล้านนาคงมาสังเวชสังวรใจ๋แต้ เหลือแต่ฮอยแผล ไว้คอยเตือนย้ำความชอกช้ำใจ๋ฟังตำนานล้านนาน้ำต๋าข้าไหล แสนอาลัยปู่หม่อนสร้างไว้แล้วไผทำลาย
ล้านนายังงาม ล้านคนเลื่องลือนามไป ล้านหัวใจ๋เฮายังฮ่วมฮักฮีตฮอยเฮา
เจ็ดร้อยป๋ายปี๋นพบุรีศรีนครพิงค์ งามแม่ระมิงค์ม่อนดอยแอบอิงสุเทพเตวา
ฝากหัวใจ๋ฮักมั่นศรัทธา ฝากล้านนาหื้อลูกฮักษากู้แผ่นดินไท
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
