หว่างนี้หยังมาปะก๊าคนบ่ะหลวก

[kon-muang]

สมัยนี้มันเป๋นจะใดกับนิสัยคนเฮา ยิ่งเมิน ยิ่งใหญ่ ยิ่งถดถอยเรื่องนิสัย สามัญสำนึก
บ่ะอ้างคำสอนของไผ แต่มันอยู่ในสมองของคน ๆ นั้นแหละ มันก่อต้องมีกำกึ๊ดก่อนจะยะหยัง แม่นก่อ
ตะว่าปะกับตั๋วเก่า 3 เรื่อง ซ้อน ๆ กั๋น จนฮู้สึกว่าฮับบ่ะได้แล้ว
1. ยูเทิร์น หน้าเซ็นทรัล อันนี้ปะทุกครั้งที่รอยูเทิร์น จะถามว่า รถสองแถวน้อย สีฟ้า,น้ำเงิน กับรถตุ๊ก ๆ สามล้อ มันมีอภิสิทธิืหยังที่บ่ะต้องต่อแถวรอยูเทิร์น ทั้ง ๆ ที่รถอื่นเปิ้นรอกั๋นเป๋นแถว มันมาถึงก่อลัดหน้ารถคันแรกไปจะอั้น ทั้ง ๆ ที่มีช่องทางจราจรช่องเดียว จนรถต้องเบรคกระทันหัน เพราะมันตัดหน้า .... อันนี้มันหลวก กอว่าบ่ะหลวก
2. จอดรถที่เซ็นทรัล ไปธุระกลับลงมา ปะรถบ่ะหลวกแหมเมาะ มันจอดขวางแถมใส่เกียร์ไว้ แล้วเฮาจะออกจะใด ฟั่งก่อฟั่ง เซาะหายามมาช่วยย้ายรถก่อบ่ะมี ไค่เอาน้ำมันเบรคราดหลังคารถมันง่าวเลาะ บ่ะอั้นก่อกุญแจกรีดข้างรถยาว ๆ ดีก๊า แต่เฮาบ่ะยะ เพราะสามัญสำนึกเฮาดีกว่ามัน แล้วมันหลวกกอว่าบ่ะหลวกเอ๊าะ
3. วันนี้ไปจ่ายตังธนาคารอาคารสงเคราะห์ ปิ๊กออกมา เจอรถปิ๊กอัพ ติดตราราชการประตู มันจอดปิด คร่อมบนเลนถนน เปิดไฟกระพริบไว้ โคตรมักง่าย ซ้อนคัน คร่อมช่องจราจร เมินต่างหาก มันน่าจะลงโทษเพราะเอารถหลวงมาทำผิดจะอี้ หรือรถหลวงยะหยังบ่ะผิด แล้วจะอี้มันหลวกก่อ

เสี้ยงใจ๋กับคนสมัยนี้ หยักสมองตื้น บ่มีสามัญสำนึก มักง่าย เห็นแก่ตั๋ว

[lollol]

ผมนี่ป๊ะหมั่นขนาดเลย รถตี้ว่านั้นหนา มันง่าวสึ่งตึง บ่าฮู้ว่ามันฟั่งไปต๋ายตี้ไหน จ๋นบางเตื้อไค่ลงไปเอาหม่ากุยใสกุ๋มต๋ามันสักกำน้อ คันอื่นเปิ้นกะรอเหมือนกั๋นแต่มันนิหนาออกมาเลนซ้ายตัดหน้าไปเลย บ่าฮู้จะยะจะดัย ได้ก้าด่าตวยก้นมันไปตะอั้นละ ฝากไว้เน้อสำหรับคนง่าวตี้ชอบแซงคิวตังหลาย เอาใจ๋เปิ้นมาใส่ใจ๋ตั๋ว

[banana boat]

จัดไป เสียดายห้องที่โดนยุบไป

[คนมีเหตุผล]

จั่งปาก....

[kon-muang]

สงสัยว่าจะเป๋นเวรเป๋นกรรมจากชาติที่แล้วแต้ ๆ เนี่ยะ
ว่าจะอดทน อดกลั้น หื้ออภัย อโหสิกรรม กับคน+รถที่มันสร้างปั๋นหาหื้อเฮา
แต่จะใดถึงหนีบ่ะป้นซักเตื้อ แล้วกับคนอื่นจะโดนอย่างเฮาก่อหา ?
คนบ่ะเดี่ยวมันหยังมาบ่ะหลวกไปติก ๆ เจียงฮายเลยอยู่ยาก

เมื่อตอนวันนี้ปะคนบ่ะหลวก แถว ๆ หน้าร้านเทพวัลย์ หอนาฬิกา
คนขับรถตางหน้าจอดรถลงไปซื้อของ แป๋งหน้าซื่ออย่างห..าขี่ล้อนิ จอดคาเลนจะอั้นเลย
เฮาต่อท้ายมัน ไปตางหน้าก่อบ่ะได้ รถตางหลังเฮาก่อบีบแตรใส่เฮา ต่อท้ายแหมหลายคัน
เฮาก่อบีบแตรพ่อง มันก่อบ่ะสนใจ๋ บ่ะมีไผย้ายรถซักคน เค้ว.... เป๋นเมินเป๋นก้าย
จนได้รอหื้อถนนว่างถึงจะแซงไปได้  ผ่อมันลอ หลวกก่อเอ๊าะ

[kon-muang]

ผ่านไปถึงหน้าโรงพัก ติดไปแดงอยู่เลนกลาง เพราะจะซื่อขึ้นสะพานไปบ้านใหม่
ปกติมันมี 3 เลน เลนซ้ายหื้อเลี้ยวซ้ายผ่านตลอด เลนกลางตั่งซื่อ เลนขวาสำหรับเลี้ยวขวา
บ่ะเจื้อก่อลองไปผ่อลูกศรกลางถนน เปิ้นบังคับจะอั้นอยู่แล้วทั้ง 3 เลน
พอไฟเขียว เฮาจะซื่อขึ้นสะพาน ป๊าดโทะรถตางขวามันเร่งแซงปาดหน้าเบียดเฮาตางขวา
บีบแตรหื้อมันชะลอก่อบ่ะยอม เร่งติก ๆ เพราะตางหน้ามีกรวยวาง บังคับหื้อรถวิ่งได้เลนเดียว
เฮาจ๋นปอได้หลบหื้อมัน สงสัยฟั่งไปต๋...ย บ่ะเข้าใจ๋แต้ ๆ เนียะ คนเฮาสมัยนี้ ก้ายง่าว
อาทิตย์นี้เจอไป 4-5 เตื้อ ท่าจะได้เตียวไปละนิ ขืนขับรถต่อ จะได้เขหื้อมันมากราบรถเฮาเหียละก๊า

(รถเฮาติดกล้องหน้า-หลัง มีคลิปเต่ม ๆ แต่บะอยากโพส แต่อยากหื้อคนหมู่นี้หัดกึ๊ดพ่องว่ายะถูกละก๋า
ถ้าเฮาอดบ่ะได้เดียวจะเอาคลิปมาลงหื้อหันว่าตั๋วเก่าเป๋นจะใดเน่อ)  

[FINISH2]

ไม่ทราบว่าเจ้าหน้าที่สามารถเอาภาพที่ได้ไปประกอบการออกใบสั่งที่ส่งให้ทางไปรษณีได้หรือไม่ ถ้ามีจะช่วยได้เยอะเพราะรถส่วนมากมีกล้องหน้า จะได้ช่วยให้พวกที่ผ่าฝืนกฏหมายจราจร ไม่กล้าทำอีก

[bankrongnum]

ปะหมั่นแต้ๆครับ คนประเภทนี้หนา สนับสนุนหื้อรถตี่มีกล้องหน้าเอาภาพหรือคลิปที่บันทึกความอ่วย และยะผิดกฏจราจร ส่งหื้อต๋ำรวจ ถ้าเกิดรถทะเบียนนี้ยะซ้ำๆแบบเดียวกั๋นบ่าว่าตี่ไหนเกิน3เตี่ย ก่อหื้อส่งจดหมายหรือต๋ามตั๋วมาตี่โรงพัก เพื่อตักเตือนและปรับเงินเพื่อหื้อหลาบจ๋ำ และเปลี่ยนทัศนคติในการขับรถหื้อบ่าเดือดร้อนเปื่อนร่วมตาง