อยากหู้เรื่องการ ตานตุง เจ้า

[modtanoy]

ได้ยินมาว่า ละอ่อนอายุบะถึง20-30  ห้ามตานตุง(ตอนปีใหม่เมือง)
เลยอยากหุ้การตานตุงนะเจ้า ว่าแต๊จริงแล้วมันเป๋นจะใดเจ้า

ขอบคุณผู้รู้ทุกๆท่านเจ้า

[Ck 401]

รอท่านละอ่อนมาตอบครับ

[ละอ่อนโบราณ]

เรื่องนี้ละอ่อนสืบค้นสืบถามมาเมินละแต่ยังบ่ได้ข้อสรุปตี้แน่ชัด
 คนบ่าเก่าเปิ้นว่า อายุบ่ถึงซาว อย่าตานตุง มันขึ๊ด
มีความสงสัยอยู่ เกิยถามหลายคนแต่ก่บ่ได้คำตอบที่น่าพอใจ๋
บางคนตอบง่ายๆว่า "เปิ้นว่าบ่ดีก่คือบ่ดี" แต่บ่ฮู้ว่าบ่ดีอย่างใด

ถามครูบาอาจ๋ารย์เปิ้นบอกว่า
ตุงตี้เฮาเอามาตานนั้นส่วนมากจะเป็นผ้าผืนยาวๆแขวนไว้บนเสาสูง
เมื่อแขวนไว้ จะถูกลมมาตี๋จ๋นแก่งไปแกว่งมา
คนบ่าเก่าเลยมีความเจื่อว่าละอ่อนตี้อายุยังบ่ถึงซาวบ่ควรตานตุง
เพราะจะเยี๊ยะหื้อปั๊ดบ้านปั๊ดเมือง ชีวิตบ่มีความมั่นคง แกว่งไปแกว่งมาเหมือนกับหางตุง
(อันนี้เป๋นความเจื่อของคนบ่าเก่าเปิ้น)

บ่ไจ่เฉพาะตุงเท่านั้น มีอีกหลายอย่างตี้เปิ้นว่าละอ่อนอายุบ่ถึงซาวบ่ควรถวาย
ได้แก่ ตุง,  ขัว,  อุโบสถ, วิหาร, พระธาตุเจดีย์,
เมื่อพิจารณาตามเหตุผลแล้ว ในสมับโบราณเงินเขียม
สิ่งทั้งหลายดังกล่าวเป๋นสิ่งที่สร้างได้โดยยาก
ละอ่อนอายุยังบ่ถึงซาวนั้นคงจะยังบ่มีก๋ำลังพอตี้จะสร้างถวาย
อีกอย่างสิ่งที่ท่านกล่าวไว้นั้น เมื่อถวายทานแล้วจะมีอานิสงส์มาก
เกรงว่าเด็กอายุยังบ่ถึงซาวบารมียังบ่พอตี้จะรองรับบุญญาอานิสงส์ได้
ท่านเลยกล่าวว่าบ่ควรตาน

(แต่ในที่นี้ถ้าประสงค์จะร่วมทำบุญกับผู้อื่น อย่างนี้ได้ท่านบ่ห้าม เช่นบริจาคสร้างขัว สร้างโอุโบสถเป๋นต้น)


ขอความทั้งหมด เกิดจากการพิมพ์ของละอ่อนโบราณ
อาจจะไม่ถูกต้องร้อยเปอร์เซ็น เมื่ออ่านแล้วโปรดพิจารณาหาเหตุผลประกอบด้วยเน้อ
หรือท่านผู้รู้ท่านอื่นมีอะไรแนะนำ ก็ขอเชิญทุกท่านได้แสดงความคิดเห็นกันนะครับ
ถือว่าเป็นธรรมทาน

[ล้านนานิยม...นิยมล้านนา]

    ว่ากั๋นว่ามีหลายอย่างต่อหลายอย่าง ตี้อายุบ่ถึง ซาว หรือซาวเอ็ดบ่ควรทำ เช่น ก๋ารกำอู้เวนตาน และ ก๋ารเป็กข์ตุ๊ซึ่งบางแห่งบอกว่า ต้อง ซาวเอ็ด บางแห่งว่าซาวเดวก่ได้  ต๋ามกำกึ๊ดส่วนตั๋วผม ผมว่า ซาวเอ็ดขึ้นน่าจะดี

ก๋ารบวชบางแห่ง นาคอายุ สิบเก๊า ก่เป็กข์แล้ว คนอื่นถาม อ้าว ซาวก่ยังบ่ฮอด เป็กข์ล่ะ? เจ้าภาพก่เลยเอาปลี๋ก้วยใส่ไปแหม ก๋ายเป๋นว่าครบซาวละ  แต่บวชได้บ่เมินก๋ายว่ามาเป๋นผีบ้าผีโจ้งไปเหีย เสียไปเลยว่าดั่งอั้น

 ดูราท่านตังหลายครับ สิ่งเหล่านี้คือกำตี้ผมเกยได้ยินได้ฟังมา ถูกผิ๊ดผะก๋ารได ก่ขอสูมาอาภัยโตยเน่อ

 

[modtanoy]

ขอบคุณทุกๆท่านเจ้า "คนเฒ่าว่าบะดี ก่อคือบะดีเนาะเจ้า " 

[Aikaew]

ตุง มีหลายแบบ หลายวัสดุ น่าจะมีหลายวัตถุประสงค์ในก๋านจั้ยนะครับ เกยเห็นพระสูตร เกียวกับธง (ธชัคสูตร) ซึ่งอ้างถึงก๋านผ่อธงของหัวหน้าเทพ แล้วทำหื้อบะกั๋ว (สงครามเทวกับอสูร) ส่วนตุง ในตางพุทธศาสนา แบบกึ่งผี(ของบ้านเฮา) คติตี้เห็นเด่นๆ ก็คือ ตุงไจย(ธงชัย)พระอรหันต์ เกาะตุงออกจากหม้อนะฮก จึงมีตุงกระดาษ ผ้า กระด้าง(ไม้ เหล็ก ตอง) ตุงมีหาง ฯลฯ
ส่วนความเจื้อเรื่องคนหนุ่มบะดีตานตุง ยังกึ๊ดบะออกครับ