ความหมายของตุง และตุงมันมายังไงคับ แล้วจะได้คนตายต้องเป็นตุงแดงคับแต่ตี้ลำปางเป็นอีกสีหนึ่ง (จำบ่ได้แล้วว่าสีอะหยัง) แล้วจะไดต้องเป็นตุง
หาใน google ผ่อเลาะครับ บ่อั้นก่รอผู้ฮู้แต๊มาตอบดีกว่า (แต่ผมจะขอเกริ่นๆไปก่อน อู้เท่าที่ผมเกยฮู้มา ละกั๋น) ผมว่ามันก่อเหมือนธงน่ะครับ มีหลายอย่างโตยกั๋น ไจ้ในกรณีต่างกั๋นไป เช่นว่า งานบุญ เปิ้นก่มีตุงซาววา ปันวา อี้น่อ มีก๋ารปักตุงต๋ามข้างตาง อั้นนี้ก่มีหลายสี คละกั๋นไป เพื่อหื้อฮู้ว่าวัดจะมีงาน ส่วนตุงคนต๋ายโหงเปิ้นก่ไจ้ตุงแดง อั้นนี้ผมบ่ฮู้ว่าย๊ะหยังเปิ้นถึงต้องถึงสีแดง แหมอย่างคือ ตุงเจ็ดสี ไจ้แตนคนต๋ายโหงเหมือนกั๋น ตี้ว่าตุงเจ็ดสีนั้น เพราะตะก่อนไปผ่อเจ้าป้อเข้าทรง อาวผมเปิ้นต๋ายโหง เลยไปหื้อเปิ้นลงทรงผ่อ หันเปิ้นอู้ว่า "ตุงเจ็ดสี เจ๋ดีย์ทรายร้อยก๋อง" อี้หนา สาเหตุที่ไจ้ เปิ้นว่าก๋ารตานตุงเป๋นก๋ารจ้วยเฮาโป้นจากนรก ชายตุงจะจ้วยจั๊กเฮาขึ้นสู่สวรรค์ จั้นเนรปานว่าอั้น แต่คนตี้จะตานตุงได้ ต้องอายุ 21 ปี๋ขึ้นไป บ่อั้นจะเป๋นผีบ้าได้ ปัจจุบันมีคนเอาตุงมาไจ้ผิดประเภท เช่นว่า เอามาต๊กแต่งบ้าน ซึ่งถือว่าบ่สมควร มัน "ขึ๊ด" เปิ้นว่าอี้หนาครับ ก๋ารไจ้ตุงนำหน้าศพ ก่จะไจ้ตุงสามหางแหมตั๋ว ก๋ารปักตุง ห้ามเอาเสาตี้แขวนตุงฝังลงในดิน ต้องมีหลัก แล้วค่อยมัดติดเอา ตุงบ่มีก๊าง เปิ้นก่ว่าขึ๊ด
สิ่งตี้อู้มาตึงหม๊ดนี้ มาจากก๋ารตี้ผมได้อ่านผ่านหูผ่านต๋ามาหนาครับ ถูกบ่ถูกจาไดก่ขอสูมาโตยเน่อออ
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
