ภูมิใจ๋ตี้ได้เกิดมาเป๋นคนเมือง

[เจ้าชายกระเพรา]

ตะคืนนี้มีโอกาสไปไหว้พ่อขุนเม็งรายครับ  พอดีหันเปิ้นแห่ขบวนมากั๋น เลยงงว่ามีหยัง

เลยเข้าใจ๋ว่าเปิ้นมาดำหัวป้อขุนกั๋น  พอแม่แลงยะก๋านเสร็จหมดแล้วก่อเลยแวะไป

ไปตันหันเปิ้นมีคนมาดำหัวแล้วก่อรำถวาย(เวลาราวๆ 3ทุ่ม เมื่อคืนนี้)

ภาพที่ได้หันเป็นการแสดงล้านนาตี้เหมาะ และน่าอนุรักษ์มากๆ

บ่าได้ถามว่าคนกลุ่มนี้เป๋นไผตี้ไหน...แต่ขอบอกว่าสิ่งตี้เปิ้นยะนั้น น่าสนับสนุนขนาด

อยากหื้อคนรุ่นใหม่ปาลูกปาหลานมาฮ่ำเฮียนสืบสานตำนานเมืองเหนือของเฮา

ถ้าผมบ่าเฒ่า ผมก่อตึงจะเฮียนคับ  มันงดงามขนาด

[WH_Y]

..บ่ได้ถ่ายฮูปมากาเจ้า..

[เจ้าชายกระเพรา]

กำลังจะขอจากน้องที่ไปตวยกั๋นคับ

[นานา..จิตตัง รักพ่อค่ะ]

รอผ่อฮูปโตยคน
ภูมิใจ๋ตี่สุดของตี่สุดเลยเหมือนกั๋นเจ้า มีคนถามว่าเป็นคนตี่ไหน จะตอบทันทีว่าเป๋นคนเจียงฮาย เป๋นคนเมืองเหนือเจ้า ถึงตัวจะดำไปน้อยบ่าขาวเหมือนคนเมือง เเต่ใจ๋ดีหนาเจ้า   

[Ck 401]

ตะก่อน เวลาปาลูกไปเดินห้างในกุงเต้ป
ก่ออู้กำเมืองกับลูกตลอดครับ
ผมสอนหื้อลูกมีความภูมิใจในภาษาพูดของคนเหนือเฮา
กู้วันนี้ไปไหนกะลูกกะอู้เมืองตลอดครับบ่าเกยอาย เพื่อนผมบอกว่าภาษาเหนือเป็นภาษาที่มีเสน่ห์ที่สุดในสามภาค(อีสาน/กลาง/ใต้)
โดยส่วนตัวแล้วชอบคนภาคใต้พูดครับ สั้น แต่จริงใจดี
ไปปะคนเหนือปาลูกไปแอ่วห้างในกุงเต้ป
อู้ไทกับลูก อู้เมียงกะผัว สาบเมียงขนาด(ภาษากลางไม่แข็งแรง)
ผมละอายแตน

[n.md]

ภูมิใจเหมือนกันที่เป๋นคนเมือง
และบ่อเกยอายที่จะพูดภาษาเมือง
แต่บางครั้งเข้าเมืองตาหลิ่ว
ก้อต้องหลิ่วตาตาม
เป็นไปต๋ามวาระ โอกาสเจ้า

[Aikaew]

ภูมิใจ๋ตี้ได้เป๋นคนเมือง โตยคนครับ
เอ..ภูมิใจ๋ กับเปิงใจ น่าจะจั้ยแตนกั๋นได้ก่อหา กาว่ามีกำเมืองอื่นจั้ยแตน ลองจ้วยกั๋นกึ้ดผ่อบ๋อ

[khonmieng]

ยิ่งกว่าภูมิใจแหม...และยังฮักล้านนาขนาด...

[plassma]

ขอเป๋นตวยแหมคน เน้อเจ้า ตี่ฮักคนเมืองดีใจ๋ได้เป๋นคนเมือง ตึงอู้กำเมืองตลอด ละอ่อนบ่าเด่ว เปิ้นบ่ค่อยอู้กำเมือง บ่ฮู้จะยะจะใด หันเขาอู้กำเมือง ก่า มึง กู คิง ฮา บ่า อี่ เต่าอั้นเน๊าะ

[nansom]

กั๊ดตันใจ๋ขนาดเหมือนกั๋น จังคนลืมเมือง ขนาดมันไปฝากสะตางที่ธนาคารกรุงเทพฯ กลับออกมาอู้ไทยข่อย ไคร่บุ๊บหัวมันขนาด ปอวันก่อนไปเจียงใหม่กลับมา ก็มาหลันอู้เจียงใหม่แฮ๋ม

[ใต้ฟ้า..เจียงฮาย]

ภูมิใจ๋โตยคนครับ..อยู่ที่ไหนผมก็อู้กำเมืองครับ..ผมไปยะก๋านตี้สิงคโปร์ผมก็ปั๊ดกำเมือง
ใส่สาวสิงคโปร์..เลยครับ..บ่ใจ้อะหยัง..อู้ Eng.บ่าจ้าง