ขี้เฮ๊อะ, ขี้เหยื้อ, หมายถึง.....ขยะ
ขี้ฝอย หมายถึง......เศษไม้ที่เกิดจากการเหลาไม้ไผ่ เหลาตอก
ขี้โข่ หมายถึง.........ขยะหรือเศษหญ้าที่เกิดจากการแผ้วถาง (ป่าโข่ หมายถึง ป่ารกชัฏเช่นป่าหญ้าเมืองวายเป็นต้น)
ขี้หมิ่น หมายถึง......เขม่าที่ติดก้นหม้อ
ขี้เต้า หมายถึง........ขี้เถ้า
ขี้หมื้อ หมายถึง.......ขี้เขม่า (รึเปล่า)
เหมียนกั๋นเน้อ ขี้โข่ ก๊อ มันขี้เฮ๊อะนักๆนั้นละก่าครับ เป๋นเศษหญ้าเศษก๋ง ที่เฮาเพ่วถาง
เยี๊ยะไฮ่เยี๊ยะสวน ขี้เฮ๊อะ ข้อนี้น่าจะใจ่กับตางบ้าน เพาะว่า ขี้เฮ๊อะมันบ่นัก ส่วนขี้โข่
น่าจะใจ่ตางไฮ่ตางนา ตางสวน ตอนเฮาเพ่วไฮ่ก่ะดีเพ่วสวนก่ะดีครับ คนเมืองเฮามักจะว่า เผาขี้โข่ ส่วนป่าโข่ ก๊อ ยังบ่ได้เพ่วไฮ่เพ่วสวนเตี๊ย มันเป๋นป่าโข่ป่าเหล่า เปิ้ลฮ้องว่า ป่าโข่ครับ ส่วนตี่ เผาไปแล้ว จะฮ้องว่า ขี้เต้า ขี้หมิ่น ขี้หมิ่นบ่ใจ่ มีก่า หมิ่นหม้ออย่างเดียวเน้อครับ ขี้หมิ่นนี้หนา ถ้าไฟไหม้ตอ เหลือก่าถ่าน สีดำๆ เปิ้ลก็ฮ้องว่าขี้หมิ่นได้
เหมียนกั๋นครับ จะฮ้องว่าถ่านก่ะได้แต่ถ้าเอามาทาหน้า เปิ้ลจะฮ้องว่าขี้หมิ่นครับ ส่วนขี้เต้า ก๊อมันเป๋นสีขาวๆ ทางบ้านผมฮ้องว่าขี้เต้าครับ เวลาเฮา เป่าไฟนึ่งเข้าสมัยก่อน ขี้เต้ามักจะติดหัว อันนี้เป็นขี้เต้าจาก เต๋าโล้ เน้อ