สรีสวัสสดี
หม่าวันนี้ วันหวยออก 1 มิถุนา 57 หนานอู้กั๋นกับเจ้าหมู่ เล่าสู่เขา ว่า
เมื่อเป๋นตุ๊เจ้า ได้ไปนอนป่าเฮ่วหมู่บ้านแห่งนึ่ง
ได้ดาตี่นอนปักกลดแลงนั้นแล้ว มีป่อออกมาบอกว่า ตั้ดตี่ตุ๊นอนหนี้เป๋น ตี่ฝังละอ่อนลูกสาวเปิ่น ได้หลุต๊องต๋าย อยู่นอนหั้นสัก 2 คืนนี่ก๊า หลับดีบ่ มีหยังก๋วน หยังคี สบาย ๆ
สิกไปแล้ว ได้มีหมอเมื่อ ตั๊กว่า มีดวงจิตอยากมาเกิดตวยเน้อ
ต๋อนน้องหน้อยอยู่ในต๊อง แม่เขามีเหตุหลุต๊องได้นอนโฮงยา น้องหน้อยเกิดใหม่ บ่ ขี้วันน้องหน้อยกะได้นอนโฮงยาย้อนหลุต๊อง เข้าเฮียนหนังสือแล้ว จ่าง บ่ สบาย ย้อนหลุต๊อง
ครูอาจ๋ารย์หนานธงตี่มีพลังจิตสูงเป๋นคนอุดรบอกหนาน ว่า น้องหน้อยมีแผลในกระเพาะอาหาร
ผมเลย สงสัย เป๋น ดวงจิตของลูกเก่าป่อออก นั้น มาเกิดเตยน่อ ?
หม่าเดี่ยว 10 ขวบป๋าย ครบ 10 ขวบเมื่อ 22/02/57
แก่หมวัดวาตั้งแต่ยามหน้อย มอกหัดอู้ ปอฮู้กำพ่อง แต่ ยังบ่ เข้าอนุบาล มีวันนึ่งหั้นไปกั๋นสามคนป่อแม่ลูกก๋ายวัด แก่ไหว้คนเดียว บ่ ต้องได้สอน
จี้บอกป่อแม่ ว่า วัด ๆ สาตุ๊ ๆ (พร้อมยกมือไหว้) เหมือนสอนป่อแม่หื้อไหว้ตวยเปิ่น
ซอบว่าเล่นใส่หนาน ว่า ป่อธัมมะ ธัมโม ปั๋น ป่อไก่แจ้ สงสัย ย้อนจ๋ำหนังทีวี เอามาว่าเล่นป่อ