เชียงรายโฟกัสดอทคอม สังคมออนไลน์ของคนเชียงราย ยินดีต้อนรับคุณ, บุคคลทั่วไป กรุณา เข้าสู่ระบบ หรือ ลงทะเบียน
วันที่ 30 มีนาคม 2017, 21:39:43
หน้าแรก ช่วยเหลือ เข้าสู่ระบบ สมัครสมาชิก





+  เว็บบอร์ด เชียงรายโฟกัสดอทคอม สังคมออนไลน์ของคนเชียงราย
|-+  ศูนย์กลางข้อมูลเชียงราย
| |-+  เรื่องล้านนา ภาษากำเมือง (ผู้ดูแล: Ck 401, ©®*)
| | |-+  " ลักษณะวรรณกรรมคร่าวซอ "
0 สมาชิก และ 1 บุคคลทั่วไป กำลังดูหัวข้อนี้
« หน้าที่แล้ว ต่อไป »
หน้า: 1 [2] พิมพ์
ผู้เขียน " ลักษณะวรรณกรรมคร่าวซอ "  (อ่าน 10058 ครั้ง)
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #20 เมื่อ: วันที่ 04 กุมภาพันธ์ 2015, 14:48:31 »

คำแปล  หน้า ๒

      บ่ใจ้ว่าตั๋ว    ปี้แข้งข๋ดคู้      หากสุ๋ดส่วนเสี้ยง    ปั๋ณญา
จี่งมีปิยะ   วะระก๋ะถา           จ่าเริญมา    เถิงถองฮอดเจ้า
ไขความจิ๋ง    บอกญิงน้องเหน้า   หื้อหันฮายเงา   ถี่แซ้ม

      เป๋นจ๋ดหมาย   นิยายคักแค้ม      เถิงฮอดห้อง   เฮือนนาย
จ๋ะหลอนว่าน้อง  ตี้ข้องใจ๋หมาย   หันเลกลาย   อักษรม่อนแส้ง
ขอเจิญนาย    แม่เข้าสูนแป้ง      สูนวันเดียว   ผ่าน้ำ

      อย่ามีโมโห    โก๋ธาขุ่นจ๊ำ      จ๋งเกี้ยดกล้า   นินตา
เหตุข้าปี้นี้    มีสีเนหา      หลายไนยา    หลายเยื่องหลายข้อ
ขอเจิญนาย   แม่ไหมแภห้อ      ฮับก๋อนกำซอ   ค่าวจ๊อย

      หื้อฝูงขนาน    จาวบ้านธิดน้อย   ไขอ่านถ้อย   ซอยาว
เจิญนุชนาศน้อง   เปื้อนป๊องปิงหนาว   ฟังก๋อนแนวนาว กำตุ๊กข์โสกเส้า
ปุ๋นงืดหัวใจ๋    แม่บัวไหวเหง้า   สังไปเมา   ป้าดปั๊ง

      เอาสุกข์ใส่ตั๋ว    หัวเข้าฮ่มยั้ง      บ่กื๊ดฮอดบั้ง   หัวธี
มาละปี้ไว้    โสกไหม้หมองขวี   หนีคืนมา    บ่จ๋าสั่งถ้อย
ต็อดตุมจาย    ปี้ไว้เสียจ้อย      เหมือนเปื้อนตุมคาย    หมากเกี๊ยว

      ผัวเมียกั๋น    ป๊อยดั้นก๊ดเลี้ยว   บ่เหลียวสั่งข้า   สั๋กกำ
ของน้องบ่มัก    บ่จ้างขั๋บจ๋ำ      นายกื๊ดว่าลำ    จี่งยำลาบส้า
ป๊อยก๋ายเป๋นผง ลำโภงเขือบ้า      มาจ๋กคอคาย   ฮากต๊น

      นายไม่เต๋มใจ๋   ไผจั๋กยู้ย้น      มาตั๋ดฮากต้น   ฮอนฮาน
ยามเมื่อน้องฮัก น้ำส้มว่าหวาน      ใจ๋บ่เจยบาน    น้ำต๋านว่าส้ม
แรกเริ่มเดิมจ๋า   ตกลงเหลียกหล้ม   จื่งป๋งอารม   เจื้อน้อง

      ก่บ่สมเหมือน   นางจมปากป๊อง   จ๋าฟู่ต้าน   เอางาม
ปากน้องว่าแต๊    ใจ๋นายบ่ต๋าม      เอาน้ำใสงาม   มาล้างซ่วยหน้า
ป้อยบ่มีเหมือน กำนายฟู่ข้า      บ่สมวาตา   แห่งน้อง

                                    
« แก้ไขครั้งสุดท้าย: วันที่ 21 กุมภาพันธ์ 2015, 14:15:36 โดย apiwattano » IP : บันทึกการเข้า
Number9
แฟนพันธ์แท้
*
ออฟไลน์ ออฟไลน์

กระทู้: 5,418



« ตอบ #21 เมื่อ: วันที่ 04 กุมภาพันธ์ 2015, 15:47:15 »



 
    ขอบคุณเจ้า

IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #22 เมื่อ: วันที่ 04 กุมภาพันธ์ 2015, 20:02:22 »

ยินดีครับ
หวังว่าเยาวชนรุ่นหลังจะได้รับรู้ถึงจิตวิญญาณที่บรรพบุรุษได้สร้างสรรไว้
IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #23 เมื่อ: วันที่ 07 กุมภาพันธ์ 2015, 17:58:32 »

คำแปล  หน้า  ๓

      หัวใจ๋ญิง    เหมือนปินป้าดก๊อง   ภิภาทแก้ว   เภรี
คนนอกเนื้อ    เขาเจื้อลองตี๋      เสียงวอนดี    บ่จ๋นเรื่องได้
มางืดหัวใจ๋    แม่แภจี๋นใต้      เป๋นสันใดไป   อย่างนี้

      อยู่ดี ๆ       หนีหน้าหลีกลี้      เป๋นดั่งอี้   ยังมี
สมสู่ฮัก    บ่ตันเถิงปี๋      มาก๋วนเตควี    ละปี้เสียได้
ส่วนเป๋นไผ    บ่รนฮ่ำไห้      เป๋นสันใดนาย   บ่คิด

      มาเอาตั๋วต๋น    ปี้เป๋นง้วนปิ๊ศ      คิดเยื่องอั้น   สันใด
สองล่งตั๊ด    ยามผาศะรั๋ย      บ่ขินดวงไธ    จ๋าแข็งแดกหย้อ
กำผิ๋ดเถียงกั๋น    บ่มีสั๋กข้อ      มาจ๋างจืดคาย   ง่ายนัก

      อยู่กั๋บกั๋น    ก๋ำลังภองฮัก      บ่มีหว่างอั้น   ตังจัง
บัดเดียวเดี่ยวนี้   โต้ษปี้มีสัง      น้องจ๋งจิงจัง    บ่หวังผ่อหน้า
มาขัดแกนใจ๋    สี่งใดหื้อข้า      มาสว๋ะตุมลา   คว่างละ

      ของน้องเกยกิ๋น   ป๊อยขี้เหลียดจ๊ะ   ไผว่าหื้อ   สันใด
ฤาฝูงปี้น้อง    บ่ซอบปอใจ๋      จ๋าฮ่ำไฮ    ติเตี๋ยนว่าห้าม
ริสส๋ะหยา    นินตาจ่มส้าม      กลั๋วโต้ษมาปาน  ป๊ะน้อง

      ลวดตกใจ๋กั๋ว    ซะดุ้งซะต๊อน      ใจ๋หย่อนหย้าน     เปิงมี
ใผจุ๋สู่ยยู้    หลอกหื้อนายหนี   แต่เดิมธี    ใผสังบ่ห้าม
เมื่อสองจ๋ากั๋น    บ่ตันล่วงข้าม      ไผหยิ๋บฮิม   ปากไว้

      กำจ๋าหอม    เปียงรษดอก      ไม้ยามบิ๋ดจากขวั้น   มาดม
กำฟู่เก๊า    เงื่อนเหง้าป๋ะถม   บ่สมสั๋กราย    สูนหายกว่าจ้อย
กื๊ดหาไหน    บ่มีสั๋กหน้อย      ของบ่มี      ป้อยฮู้

      มาหนีตังผัว    ไปหนัวตังจู๊      ใจ๋หลี่งหลู้   ตวยไป
เหมือนหมู่ไม้    เมื่อลมตี๋ไกว๋      มาไหวหวั่นเฟือน ก่ะเธือนจุ๊ด้าน
หลอนไหวแต่ใบ บ่ไหวกี่งก้าน   ก่ปอยังแควน   บ่ฮ้าย

                                 
« แก้ไขครั้งสุดท้าย: วันที่ 07 กุมภาพันธ์ 2015, 18:42:19 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #24 เมื่อ: วันที่ 08 กุมภาพันธ์ 2015, 13:05:29 »

คำแปล  หน้า  ๔

      บ่ปอเสียใจ๋    ซะดุ้งฟุ้งย้าย      นี้ไหวฮากขื้น   เถิงใบ
กันว่าเป๋นจู๊    นอกเนื้อป๋ายใจ๋   เต๋มหนีจากไป    บ่น้อยบ่ไห้
เมียคิ่นเตียมใจ๋ จั๋กหาไหนได้      ป๊อยไกล๋มือไป   ขอกฟ้า

      สังบ่กื้ดใจ๋   เมื่อเก้าซ้อนง้า      นอนฮ่วมผ้า   ผืนเดียว
เมาะม่อยเนื้อ    เจยจมก๋มเกี๋ยว      จ๋าเยอะหยอกเคียว ซาบซุบจูบแก้ม
ปี้ข๋ดตั๋ว   เข้าปิงเอื้อมแอ้ม   ถานามือ   นวดนี้ว

      ปี้จูบติ๋นผม    นายดมหว่างกี๊ว   บ่จ๋าโขดกี้ว   ยินดี
เดิ๊กเตี้ยงฟ้า    ข้อนรุ่งรวายตรี๋      หมอกเหมยธานี   ตกลงย้อยก้วย
เดือนยี่สี่สาม    ธลามหนาวด้วย   ปี้แป๋งคิงตวย   เบียดยัด

      เอาแขนซ้อนแขน  ซะแกงฮวบฮัด   สองอืดอ้อน   นอนปิง
หนาวซะต๊าน    เมื่อยามระติ๋ง      เมาะม่อยคิง    เอาแก้มก่ายแก้ม
มือเบื้องขวา    น้าวคิงมาแอ้ม      แขนซ้ายสอด   คอนอน

      ฮักตอบฮัก    บ่มายถอยถอน      สองวิงวอน   เซื้อมซ้อนจูบแก้ม
ซุบซาบกั๋น    ว่าขดมาแอ้ม      หนาวเย็นคิง   สั่นเนื้อ

      สองฮักกั๋น    ใฝ่ฝั้นฟักเฟื้อ      ตั๊ดตี้ห้อง   หอใน
สองปี้น้อง    ไถ่ถ้องผาศรัย      จ๋าเยาะใย    ลูบกำเนื้อเหล้น
ฟู่กั๋นหนัว    หัวใจ๋ตื่นเต้น      เจ้าสีวันเย็น   น้องสังบ่กื๊ด

      บ่ใจ้ว่าตั๋ว    ปี้แข้งเลิกปื๊ด      ค้นเล่าต้าน   กำเดิม
บ่จ๋าเสียดต๊อ    ว่าหย้อตวยเติ๋ม      กันจ๋ากำเดิม    จ้างผิ๋ดจ้างข้อง
ทรงวัตถา    ผืนลายก่านป้อง   ฝูงสุโน      เห่าตั๊ก

      เหตุว่านาย    กวี้มายกำฮัก      บ่คิดฮอดด้วย   กำแปง
รอยว่าน้อง    มีกำกิ๋นแหนง      จั๋กอยู่ลับแลง    กั๋วได้ฮ่วมข้า
จี่งหล๋บตั๋วหนี    หลักซงลี้หน้า      หนีคืนมา   ฮีบฮ้อน

                               
IP : บันทึกการเข้า
WH_Y
ระดับ :ป.โท
****
ออฟไลน์ ออฟไลน์

กระทู้: 3,223



« ตอบ #25 เมื่อ: วันที่ 10 กุมภาพันธ์ 2015, 22:14:28 »

  มาติดตามอ่านค่าวซอเจ้า ยินดีเจ้าตี้แปลเป็นตัวหนังสือไทยหื้อได้อ่านเจ้า... ยิ้มกว้างๆ
IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #26 เมื่อ: วันที่ 11 กุมภาพันธ์ 2015, 10:55:24 »

ขอบพระคุณที่ติดตาม  และให้ความสนใจ   ผมก็จะทยอยแปลลงนะครับ

คำแปล  หน้า  ๕

    หลอนน้องบ่กั๋ว ปี้ปิงปี้ซ้อน      หล้างอยู่ได้   ไปเมิน
หันปี้ตุ๊กข์ไร้    ใจ๋นายบ่เสิน      ลวดปาภะเอิน    จิ๋ตใจ๋บ่เอื้อ
ซับสี่งของ    เงินธองผ้าเสื้อ      ก่จ๋นกู้อัน   กู้เจื๊อ

    มีแต่ติ๋ดตั๋ว    ห่มคิงบิงเนื้อ      ก่เหลือแต่เสื้อ   ผืนเดียว
ตั๋วก่ตุ๊กข์    กำกื๊ดก่เถียว      นายเหลียวสอดแยง แคงใจ๋สะหลั้ง
หาจั๋กบ่เป๋น    ตี้ปิงอิงจั้ง      บ่หันจ้องตาง   ผิ่วต๊ง
                      
    เมาจั๋กปาหลง    เขินตั๋วซ้นต๊น      จั๋กเป๋นเหยื่อหญ้า  สันใด
กำดั่งนี้    เจ้าแผ่นเมืองไหว   ระนืกในไธย    สงไสใส่ข้า
ปี้หากเข้าใจ๋    บ่ถ้าขายหน้า      บ่แป๋งวาตา   ใส่น้อง

เหมือนอยู่ในใจ๋   คำใบเมืองว้อง   ลวดใจ๋บ่ข้อง   อาไล
กำฮักน้อง    หลูดๆ ไหลๆ      ไหวตวยลม    บ่สมว่าอ้าง
บ่ฮ่ำเปิงเถิง    เมื่อนอนฮ่วมข้าง   ป๋างยามเดิม   ก่อนเนิ้น

    กำฮักเฮา    บ่แห้งขาดเคิ้น      บ่หายเหือดเอื้อน  วันคืน
สองหากฮัก    เป้ดเปียงจักกื๋น      เหมือนจักลืน    ก้าบเกี๊ยวลงได้
ยามจั๋กหนีเสีย   ลับแลงแคว่นใต้   เป๋นสันใดนาย   บ่คิด

    เกยอยู่เฝือแฝง    เปาแปงเซื่อมซิด   บ่คิดห่วงห้อย   อาไล
มาละปี้ไว้    อยู่นอนกับไผ      คอบคัวใด    ริบล้อนมาเสี้ยง
ตั้งแต่จาย    ภากนายแก้มเกี้ยง   หัวอกปี้เปียง   จ๊ะม้าง

    ผัดผันหัว    เมามัวปั่นกว๊าง      ต๋ามโต้งกว้าง   ฮอมนา
กื๊ดฮอดน้อง    เกยฟู่เกยจ๋า      น้ำต๋าปี้ปัง    บ่มีหว่างเอื้อน
กันกื๊ใจ๋เถิง   แม่แภสีเหลื้อน      กวั้งเมาเฟือน   เปื่อนตุ๊กข์

    เข้าป่าเข้าสวน   ป่าก้วยป่ากุ๋ก      จุ๋กนั่งไห้   เหงางู
ตี้ใดลี้ลับ    สงัดใจ๋หู      สวนหมากสวนปู  ป่าป๊าวลาวบ้าน
ตี้บ่มีไผ    เดือดนันจ๋าต้าน   ปี้หนีไปซง   บ่มซุก

                               ๕
« แก้ไขครั้งสุดท้าย: วันที่ 11 กุมภาพันธ์ 2015, 14:39:24 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #27 เมื่อ: วันที่ 28 กุมภาพันธ์ 2015, 21:14:33 »

อู้แต๊ๆ   ใจ๋จิ๋งบ่อยากแปล๋สั๋กหน้อย
ไค่หื้อท่านอ่านภาษาตี้ท่านอู้ หื้อได้
จะขอแปล๋บ๋ทตี้ ๑ นี้เกิ่งเดียวเน้อ
ตี้เหลือท่านลองแปล๋หรืออ่านคนเดียวหื้อได้เน้อครับ

อภิวัฑฺฒโน
๒๘๐๒๒๕๕๘
ปล. ขออภัยผู้รู้ในล้านนาหลายท่านที่เก่งด้านภาษาล้านนา
ผมเขียนเพื่อการอนุรักษ์ไว้ให้ลูกหลานและผู้ที่สนใจได้ศึกษาเท่านั้น
มิได้มีเจตนาอื่นใดหวังว่าจะไม่เป็นการเอามะพร้าวห้าวมาขายสวน
« แก้ไขครั้งสุดท้าย: วันที่ 11 มีนาคม 2015, 14:03:39 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #28 เมื่อ: วันที่ 28 พฤศจิกายน 2016, 19:57:46 »

หวัดดีครับ
หายไปปีกว่า ถูกลงโทษเพราะไปทำผิดเงื่อนไขของทางเว็บฯ เข้า
พอดีช่วงปีก่อนผมป่วยเข้าผ่าตัดใหญ่ รพ. ทางจังหวัดเชียงใหม่
ก็ได้พักพอดี
คิดถึงทางเว็บฯล้านนานี้มากๆ นะครับ
จะทะยอยลงสิ่งที่ผมรักและภูมิใจในศิลปวัฒนธรรมชาติกำเนิดนะครับ
ขอบคุณทางเว็บมาสเตอร์และทีมงานที่ให้เข้ามาอีกครั้ง

อภิวฑฺฒโน
๒๘๑๑๕๙
« แก้ไขครั้งสุดท้าย: วันที่ 06 ธันวาคม 2016, 22:54:52 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #29 เมื่อ: วันที่ 28 พฤศจิกายน 2016, 19:59:36 »

เอามาจากต้นฉบับเลยนะครับ
เผื่อมีผู้สนใจศึกษาภาษาล้านนาที่พิมพ์ค่าวนี้เมื่อกว่าร้อยปีมาแล้ว

(บทที่) - (คำประพันธ์ที่)1-01

                     นโมตั๋สส๋ะ   ภะก๊ะวะโต๋   อะระหะโต๋   สัมมา
สัมปุ๊ททัสส๋ะ

(บทที่) - (คำประพันธ์ที่)1-02

                                   ข้าคุเข่านบ   เคารบก้มเกล้า   แทบ
เท้าสีสัง   การะวะ  พระแก้วปั๋ญจั๋ง   ด้วยตรี๋ต๊ะวารัง   อัตตั๋งแห่ง
ข้า   ขออย่าเป๋นกั๋มม์   อันหื้กหยาบกล้า   เปื้อเอาธัมม์มาแต่งก๊อน

(บทที่) - (คำประพันธ์ที่)1-03

กั๋บเอาอั๋ตถา        มาซอนใส่ซ้อน     ยามเมื่อส้างก๋อนกำ     ขอลุบ
โทษร้าย   ด้วยวจี๋กัมม์   ป๋าป๋ะธัมม์   อย่าต๋ำถูกต้อง  ขออย่าขั๋ดขวาง
หนตางสองห้อง   กืสั๋กกากอง   มักก๊ะ

(บทที่) - (คำประพันธ์ที่)1-04

                                                    ขอปันได้เถิง   ดั่งด้วยภาวะ   ไจ๋
ไฝ่ข้องผันเติง         ภุมถ่อยจ๊า       อย่าฮู้หันเถิง     ขอปันเติง         สุ๋กข์
สามสี่ได้   ปร๋าถะนา     จุ้วันไจ้ ๆ   ขออย่าก๊อยก้าดไกกา

(บทที่) - (คำประพันธ์ที่)1-05

                                                                           ข้านบกราบ
แล้ว   พระแก้วปั๋ญจ๋า         จั๋กแป๋งวาตา         ก๋อนจ๋าฮ่ำส้าง     ต๋าม
ประหย๋า   ปั๋ณญาบ่กว้าง   บ่ซว้างแต้บก๋อนกำ

(บทที่) - (คำประพันธ์ที่)1-06

                                                              ฟังเต๊อะน้อง   เปื้อนข้อง
ตั๋วกั๋ม       จั๋กไขระบำ       บอกซ้ำหื้แจ้ง         บ่ไจ้ว่าต๋น         ม่อนดน
ส้างแส้ง      แป๋งเตียมธัมม์เรียบร้อย

(บทที่) - (คำประพันธ์ที่)1-07

                                                  หื้ฝูงข๋ะหนาน  จาวบ้านธิศน้อย
ไขอ่านถ้อยงานตาน    แต่ล่วงแล้ว    อ๋ะตี๋ต๋ะก๋าล        เหินเมินนาน  ไจ้
ถ้านของสั้น   ยังมีรัฏฐา   ธานีนื่งหั้น    ไนแผ่นจั๊นเมธาณี

(บทที่) - (คำประพันธ์ที่)1-08

                                                                                นามจื้อจั๊น
ปารานะสี       ลวงขวางลวงรี         ปอสิ๋บโยชหั้น    มีปร๋ะก๋าร     ก่อหิน
ดินหั้น          ปอสามจั๊นก๋ำแปงเวียง

(บทที่) - (คำประพันธ์ที่)1-09

                                                             มีคืแวดไว้          ดอกไม้จั๋ด
เจี๋ยง     ปูกบัวเรียง       ดอกป๊านเรียงด้วย      มีหลายสี         ขาวแดงจี๋
ส้วย   หยาดหยายตวยรอบน้ำ

(บทที่) - (คำประพันธ์ที่)1-10

                                            ผั๋กคาบผั๋กหนอง  ผักบุ้งมีซ้ำ  ผั๋บจุ้กล้ำ
คืเวียง    ดอกบานพร้อม    ย่อมนันด้วยเสียง    สั๋ตต๊ะส่ำเนียง    พระมอน
ไฝ่เฝ้า         โขงป๋ะตู๋       ต๊ะวารเตียวออกเข้า             สมเปิงเปาเลิดล้น

(บทที่) - (คำประพันธ์ที่)1-11

ก่อเป๋นหลัง    สูงขื้นสนป๊น   มุงกะเบื้องดินแดง       ใส่จ้อฟ้า   ปาน
  ลมสมแสง      ติ๋ดคำแดง         นิดแฝงแก้วแอ้ม     ลางตี้บิ๋ดจิ๋น  ลาง
  ตีต้องแต้ม         เป๋นดวงแอมรูบเนื้อ      

« แก้ไขครั้งสุดท้าย: วันที่ 03 ธันวาคม 2016, 21:06:04 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #30 เมื่อ: วันที่ 04 ธันวาคม 2016, 09:05:33 »

(บทที่) - (คำประพันธ์ที่)1-12

รูปบั๋กขี    บี้เบื้อไฝ่
 เฝื้อ      สมสอดเอื้อดวงบาน         วิวิธะ    วัณณะเจื๋อจ๋าน      ตรรทวาร
 กะดานแขบแก้ว           ติ๋ดคำไส     วักไวผ่องแผ้ว       เลิดแล้วรุ่งเรือง
 ไล
(บทที่) - (คำประพันธ์ที่)1-13

             ส้างแต่งไว้      แห่งปร๋ะก๋ารหลาย   ฝังก่อหยาย   จุ้ค่ายตั้งหมั้น
ตานต้าวปร๋ะก๋าร    หอเฮือนหยายขั้น   มาแขวนเดงดังร่วนซ้าว
(บทที่) - (คำประพันธ์ที่)1-14

                                                                                           ผั๋บ
ติ๊สสา     สี่ด้านเวียงต๊าว      โขงเขตด้าวปารา     ดูเยือกยศ      ปร๋าก๋ฏ
ปอต๋า     แผ่นสุทธา      ลาบเปียงเลี่ยนกว้าง      ผั๋บทุกหน      มณฑล
เอกอ้าง    เหมือนเวียงติ๊บพ์แห่งท่านอินตา
(บทที่) - (คำประพันธ์ที่)1-15


                                                             เหลือเต้ษต๊อง        ต่างห้อง
  รัฏฐา     เวียงปารา    ทีฆาไหย่หม้า           มีคนหลาย    ขุนนายไพร่ฝ้า
  เต๋มอาณาไคว่คับ
(บทที่) - (คำประพันธ์ที่)1-16

                              ผ่อหลังเฮือน         เหมือนไขหลืบปั๊บ     เต๋มถี่
   แหน้นไนเวียง   กองไหย่น้อย  สี่ด้านตั๋ดเกี๋ยง  มีกาดรีเรียง  เถียง
   ขายจุ้ด้าน  ส๋ะค่วยเสฏฐี  หากมีเป๋นถ้าน   ตังสองต๊ายฝ่ายหัวเวียง
(บทที่) - (คำประพันธ์ที่)1-17

 สั๋พพะเยื่องพร้อม      คัวกาดรีเถียง     ผืนแภเจียง             แผ่นเนื้อเสื้อ  
 ผ้า      มีตังสีขาว     สีออนเข้มกล้า        ปั๋งแดงดำภ่ำพร้อม      
(บทที่) - (คำประพันธ์ที่)1-18

                                                                                         ตังสี
 เหลือง      มุ่ยแหล้คามย้อม     ตังสีม่วงอิ้นเขียวนิน     สั๋พพะเครื่องไช้
คัวไว้คัวกิ๋น      ของเจียงจิน   กู้เจื้อมีเสี้ยง          เนื้อเกื๋อป๋า            ปู
ยาหมากเหมี้ยง    กองหยายรายเหมียดจุ้  
(บทที่) - (คำประพันธ์ที่)1-19

                                                          คำปั๊บคำปิว    ตองหาวตอง
ยุ         ส๋ะตุ๋เหียกก้อนจืนตอง      แอบอูบอุ๋ก    ถ้วยจ๊อนถมถอง    สอง
ฝ่ายกอง    หยองต๋ามกาดกว้าง    ปร๋ะสงสัง    หลอนยังใฝ่อ้าง   มีกล๋าง
ต๊องเต้ษปารา
(บทที่) - (คำประพันธ์ที่)1-20

                                  จั๋กบอกน้อง     ตี้ข้องสายต๋า            ต๋ามวาตา
ปร๋ะยาหมี่นสั้น    ส่วนปายต๋น    จ๋อมพลเมืองหั้น    เต๋โชแฮงเค่งคัด
(บทที่) - (คำประพันธ์ที่)1-21

นามะก๋อน  ว่าพรหมะทัต   เป๋นปิ่นเกล้าอานา    มีมิ่งจั๊น   เตวีเตียมต๋า
ปิ๋ยะภา       ตี้ฟูมเฟื้อฝั้น             หากเป๋นสาย            ค่าวเคือเมืองหั้น
เจื่องจั๊นต้านเจยจม
(บทที่) - (คำประพันธ์ที่)1-22

                               มีหมู่นางไจ๊  กืนาสสนมม์  อยู่แฝงเรียงรม  จื้นจม
ไฝ่ฟั่น     สังข๋ะหย๋า   หมื่นหกปันหั้น    แฝงเตียมตันร่วมรษ



« แก้ไขครั้งสุดท้าย: วันที่ 05 ธันวาคม 2016, 17:40:01 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #31 เมื่อ: วันที่ 06 ธันวาคม 2016, 20:28:25 »

(บทที่) - (คำประพันธ์ที่)1-23

 อยู่กั๋บต๋น
 ปี่นเกล้าทรงยศ       ไนปร๋าสาทแก้วเฮือนคำ           นิเวศต๊าว      สว่างยาว
 บ่ขำ        หลายเหล่าลำ          ยอดซ้องไหย่หน้อย     ปร๋ะจิ๋ตแสง       ไบไร
 ข่ายส้อย     ไนผังกาคำจี้ดจ๊อย
(บทที่) - (คำประพันธ์ที่)1-24

                                                   หีงเดงแขวน      ทุกแดนเรียบร้อย
เสียงสว่างป้อยลมตอ      รูบนางคุทธิ์   ไหย่หน้อยจิ๋มจ๋อ   หงส์ยอคอ   รูบ
ลวงล้วงฝ้า        สอดสนเกี๋ยว           หัวเหลียวยอหน้า    ตังรูบเต้พพาอยู่
เร้น
(บทที่) - (คำประพันธ์ที่)1-25

                ต๋ามเบงจอน   จุ้ห้องบ่เว้น    ตังเขตหน้าโขงทวาร   แหน้น
ถี่นัก    ลายลักปั๋กสาน     เหมือนวิมาน   เต้บติ๊บแส้งส้า            มีโขง
ปิ๋ว       ปานลมกาบจว้า     ตังจ้อฟ้าต่างหย๋องบน
(บทที่) - (คำประพันธ์ที่)1-26

                                                        ยอดไหย่น้อย       แหน้น
นิเวสน      สนิ๋ดเจียงจน       สั๋ตสนข่ายแก้ว      หลอนลมมาไส    ไบ
ไรผ่องแผ้ว        ไหวยะยาบยวา ๆ         สูงส่งป๊น         ล่วงป้นสายต๋า
ร้อยซาววา    ยอดปร๋าสาทแก้ว         ส่วนพระราจา       เจ้าต๋นผ่องแผ้ว
เต๋โจแรงเร่งริทธ์
(บทที่) - (คำประพันธ์ที่)1-27

                          สฐิ๋ตเหนือ             แท่นแก้วเชียงชิด            ไต้
ร่มกว้างสั๋ตคำ     ด้วยเต๋จ๊ะ     บุ๋ปพะบุญกัมม์   ไหลเหลื่อมงำ       ต้าน
ต๊าวผู้หม้า    เป๋นกร๋ะสัตร๋า       เฮ่งแฮงแขงกล้า       ไต้ลุ่มฟ้าบ่มี
เตียม
(บทที่) - (คำประพันธ์ที่)1-28

                ทุกเมื่อมื้อ       อืดอื้ด้วยเสียง        หลายส่ำเนียง       ก๊องก๋อง
ปาดก้อง      มี่นันเสียงโขง       หอโฮงเขตห้อง           เสียงเนืองนองบ่งัด
(บทที่) - (คำประพันธ์ที่)1-29                          

พวกนนตรี๋   ดีดสีเป่าปั๊ด     สงเสบเจ้าภูธร                สนุ๋กร่วนเร้า
ทั่วไนนิก๋อน  โขงเขตนะกอน   ม่วนวอนจุ้ห้อง กล๋างวันกล๋างคืน  โยศ
อื้นเสียงก้อง     ภ่องร้องร่ำธำเพง        
(บทที่) - (คำประพันธ์ที่)1-30

                                                            เมืองแห่งต๊าว       จื้นย้าววอน
เหมง       โลกลืเซง           ติ๊สส๋ะสี่ด้าน      อ๋ะมิตตั๋ง   ป้ายปังกั๋วหย้าน  บ่ธน
ธานเดชริทธ์        
(บทที่) - (คำประพันธ์ที่)1-31

                          คนตังหลาย  ต่างส้างธำคิด   ต๋ามไฝ่เหล้นไผมัน   เป๋ด
ห่านเลี้ยง         ไก่เอี้ยงเขาขัน        แป๊ะลาวนัน            จ๊างม้าแส่นก้อง
งัวควายหลาย     จุ้ปายโขงห้อง      จ๋นก่อกองกั้งกั๊ด
(บทที่) - (คำประพันธ์ที่)1-32

                                                                        คนหลายถม   เมือง
พรหมทัต     มีมากถ้านป๋านใด    จั๋กบอกไธ้        หื้อซาบดวงใจ๋          เมื่อ
เสนาไน        หลุ๋ไหลแห่เจ้า                 ยามเมื่อต๋น         จ๋อมพลผ้ายเต้า
ฝูงพลนองละลด
(บทที่) - (คำประพันธ์ที่)1-33

                              เผียบเตียมเหมือน     ธัมโมปวกมด            เปียงแม่
เผิ้งหนีรัง      พลพวกท้าว       หาดห้าวส๋ะกั๋น    ออกทวารัง    ป๋ะตู๋ไหย่หม้า
หลั่งหลุ๋ไหล      ไปเหมือนเมฆฝ้า        ไจ๋มานาหยาบจ๊า
(บทที่) - (คำประพันธ์ที่)1-34

                                                                                   หันเสือ
หมี      บ่หนีตอบต๊า           แขงก่งก๋ายา        จ๋บเป้ดล้วน             สั๋พพะ        
สิ๋บป๋า        จ๋บถ้อยตา           กาถากาถ้อย   จ้างแป๋งก๋อน         กำวอนม่วน
ส้อย       อื่จ๊อยอ่อยซอซอน  
(บทที่) - (คำประพันธ์ที่)1-35  

                                          สาวบ่าวฮ้าง   ต้านส้างสารก๋อน    สนุ๋กวิงวอน
บ่รอนโสกเส้า      สุ๋กข์กร๋ะเสม      เปื้อด้วยบุญเจ้า              ต๋นต๊าวเลิดปารา
ไขนิยา      นิก๋าบ๋ทเหง้า     เต้านี้ป๋งเอาไจย    ก่อนแลนายเหย




« แก้ไขครั้งสุดท้าย: วันที่ 02 มีนาคม 2017, 15:43:35 โดย apiwattano » IP : บันทึกการเข้า
Number9
แฟนพันธ์แท้
*
ออฟไลน์ ออฟไลน์

กระทู้: 5,418



« ตอบ #32 เมื่อ: วันที่ 08 ธันวาคม 2016, 13:34:35 »


ไค่ซื้อค่าวเก็บไว้ที่เป๋นภาษาไทย เปิ้นมีขายตังใดน้อ..ขอบคุณเจ้า

IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #33 เมื่อ: วันที่ 08 ธันวาคม 2016, 22:31:50 »

ลองหาซื้อที่เชียงใหม่นะครับ
...ร้านสุริวงค์บุ๊คเซนเตอร์

และร้านประเทืองวิทยา...
แถวๆกาดหลวง
ฝั่งทางห้างทองโอ้วจินเฮง
« แก้ไขครั้งสุดท้าย: วันที่ 08 ธันวาคม 2016, 23:32:31 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #34 เมื่อ: วันที่ 13 ธันวาคม 2016, 16:10:42 »

บทที่ ๒
(บทที่) - (คำประพันธ์ที่)2-01

(บทที่) - (คำประพันธ์ที่)2-02

(บทที่) - (คำประพันธ์ที่)2-03

(บทที่) - (คำประพันธ์ที่)2-04

(บทที่) - (คำประพันธ์ที่)2-05

(บทที่) - (คำประพันธ์ที่)2-06

« แก้ไขครั้งสุดท้าย: วันที่ 14 ธันวาคม 2016, 08:39:37 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #35 เมื่อ: วันที่ 15 ธันวาคม 2016, 08:29:45 »

(บทที่) - (คำประพันธ์ที่)2-07

(บทที่) - (คำประพันธ์ที่)2-08

(บทที่) - (คำประพันธ์ที่)2-09

(บทที่) - (คำประพันธ์ที่)2-10

« แก้ไขครั้งสุดท้าย: วันที่ 15 ธันวาคม 2016, 08:43:52 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #36 เมื่อ: วันที่ 22 กุมภาพันธ์ 2017, 11:01:56 »

ดีใจนะครับ
นานหลายปีละมีคนถามหาค่าวเรื่อง "หมาขนคำ" หรือ "สุวรรณะเมกฆะ"
เวอร์ชั่นภาษาไทย
(ภาษาล้านนาปัจจุบันไม่ค่อยจะมีละครับ..เหตุผลคือหาคนอ่านยากทำแล้วขายไม่ออก...ว่างั้น)
                                  หมาขนคำ

๑.๐๑     เอ้กะป๋ะตั๋ง      วาจั๋งท่านพระ       ขอคาระวะ     สมาโตสา
         อั้นกำพระพุทธ   ท่านเตสสนา        เป๋นกถากำ    บาลีถี่ถ้วน
         อั้นฝูงเด็กขา      นารีอ่อนอ้วน        ฟังคะบวน     ไม่ซัด
๑.๐๒     จิ่งริสนา         อุสาห์เลือกคัด      คิดออกได้     เป๋นซอ
         หื้อฝูงอ่อนน้อย   ญิงจายหลายหลอ ฟังก๋อนกำซอ  ค่าวธรรมพระเจ้า
         จุ่งปากั๋นจ๋ำ        เนอคำล้นเบ้า       อย่านับฟังเบา  คว่างละ
๑.๐๓      จุ่งปากั๋นฟัง    อย่าปมาทะ         ยังเรื่องถ้อย     ฝอยธรรม
         ชื่อสุวรรณะ        เมกฆะบุญหนำ     กั๋บหมาขนคำ   พี่น้องสองเจ้า
         เทวะตั๊ดโต๋         ปาโลร่วมเข้า       ก๋วนควีเอา      ค่ำทุกข์
๑.๐๔      จุ่งฟังต๋ามแนว เต้อะแก้วสีมุก      พี่จั๋กเล่าต้าน   ต๋ามมี
         ชื่อเมืองหนึ่งนั้น   ปาราณะสี           ก็เป๋นบุรี         มิ่งเมืองแก้วกว้าง
         ไพร่ฟ้าข้าเมือง    อยู่สรงเสพสร้าง   สนุ๋กเดินตาง    รถล้อ
๑.๐๕      ดูต้าวก๊าขาย   ญิงจายเต๊าต๊อ     เจ๊กแขกห้อ      ไทยลาว
          แต่งตั๋วอะเล๊ะ     จายหนุ่มจุมสาว   สนุกปิงปาว       ตังกิ๋นนุ่งหย้อง
          มีเสนา              บ่ดีอยู่ป้อง           ปกครองเมือง    เร่งคิด
๑.๐๖       เป๋นที่สู่หา     ฝูงปั๋จจามิตร       ถวายฝากขึ้น     หอทอง
          มีพระบาทต๊าว    เป๋นใหญ่ปุ๋นป๋อง  รักษาป๋กครอง    ปั๋จจาไพร่ฟ้า
          นางนาฏสนม   แวดล้อมอ้อมหน้า   กั๋บพระราชา      ยิ่งยศ
๑.๐๗      พวกน้อยทหา แวดวังลดละ       รักษาขอบขั้น     สีมา
          นามชื่อแห่งพระ  กระษั๋ตตร๋า         อั้นเป็นพญา      ปาราแห่งนั้น
          ชื่อสุตั๊ศศา         นะจั๋กร์ว่าอั้น       มีอนุพันธ์          เยือกย้าว
๑.๐๘      อามาตทูลสา  ฝาละอองต๊าว     รักษาเขตต์ด้าว   ในวัง
          มีเกียติยศ         ซ้ายหน้าขวาหลัง สิ๋บสองพระคลัง  หลั่งไหลมาเข้า
          มีมเหสี             เทวีร่วมเฝ้า          สองนางเลา       หนุ่มเนื้อ
๑.๐๙      นางปทุมมา    ชายาลูกเจื๊อ       เป๋นเมียเก๊าต้น    หนที
          พระองค์ก็รัก      ไม่ให้หมองสี      กั๋บพระเทวี         ตังสองอิ่งอ้อย
          เทวีตังสอง        ก็งามอ้อยหล้อย  บ่หนั๋กดุลย์ยอย   ชั่งค้อน
๑.๑๐      งามเสมอกั๋น   เนอจั๋นยอดม้อน  บ่หนั๋กหน่องข้อน  เนอนาย
          นางภะคิยานั้น    อั้นเป๋นเมียป๋าย   ก่จ้วยอุ๋บาย         ปฏิบัติอยู่เฝ้า
          จ้วยกั๋นรักษา   พระองค์จ๋อมเหง้า  กั๋บปทุมมานาง     แม่เก๊า  
 
« แก้ไขครั้งสุดท้าย: วันที่ 26 กุมภาพันธ์ 2017, 09:55:04 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #37 เมื่อ: วันที่ 24 กุมภาพันธ์ 2017, 08:16:02 »

หมาขนคำ

๑.๑๑      พระโอรสสา     ปารานั้นเล้า     บ่มีลูกเต้า     จายญิง
          ใคร่ได้ลูกรัก        โอรสสัตย์จิ๋ง    เสวยปาวปิง   สืบสายปายหน้า
          เป๋นพระกษั๋ตริย์    รักษาไพร่ฝ้า    แทนพระบิดา พ่อไธ้
๑.๑๒      บ่มีเจื๊อจ๋าว เผียบเหมือนต้นไม้  บ่มีหน่อใต้     ต๋ายพาง
          บ่มีโอรส สืบหน่อหอขวาง เผียบเหมือนหน่อพาง ว่าไว้แต่กี้
          ทรงพระหั๋ตทัย     มีใจ๋ป่วนปี้       จิ่งเรียกเทวี    ที่รัก
๑.๑๓      ว่านางตังสอง   จุ่งมาสำนัก      ริมพระบาทเจ้า โปธา
          พระองค์จั๋กจี๊    โอวาทเจ๋ยนจ๋า    ด้วยผาถะนา     แห่งเราปายหน้า
          นางปทุมมา      แม่เดือนไหลฝ้า  กั๋บภะคิยา        แม่น้อย
๑.๑๔      ทราบว่าผัวขวัญ เรียกหาคะค้อย ก้อยยกต่องผ้าย ไปปัน
          เทวีพี่น้อง        มาพร้อมกั๋บกั๋น    ไหว้พระนักธัญ  ผัวขวัญคิ่นเหง้า
          ว่าสาวันทา      ฝ่าละอองเจ้า      มีก๋ารหนั๋กเบา   ธุระ
๑.๑๕      ร้องเรียกเทวี มาใกล้ป่าต๊ะ       ธุระบาทเจ้า     สันใด
          พระองค์บาทไธ้ จิ่งบอกจ๋าไข      ด้วยสีวิไล        ความงามบ่เส้า
          ว่าเทวีเหย       สองนางหน่อเหน้า จุ่งฟังกำเรา    กล่าวจี๊
๑.๑๖      ว่าเรานี้นา    เวลาเดี่ยวนี้         บ่มีลูกเต้า       ญิงจาย
          หาโอรส         บ่มีสืบสาย          ลูกญิงจาย      เราหาไม่ได้
          สมบัติประฐาน บ้านเมืองนี้ไส้      คงสูญไปดาย  ละไว้
๑.๑๗      ก็อุปมา      เผียบเหมือนต้นไม้ บ่มีหน่อใต้     ในดิน
          กันเถิงแก่ค้าว มดปวกคงกิ๋น        แล้วหั๋กลงดิน  มอดซอนหนอนด้วง
          ส่วนตั๋วเรารา  อยู่ปราสาทส้วง     สนุกปันปวง     เยือกย้าว
๑.๑๘      กันมาเถิงนาน เวลาแก่ค้าว      อิ๋ดอ่อนอ้วน    อินทรีย์
          บ่มีลูกรัก      เตื่อมก๊ำดีหลี         รักษาบูรี         ดังฤๅจะกู้ม
          บ่มีไผไหน    จ้วยป๋กหี่หุ้ม          ประชาเมือง     ไพร่นัก
๑.๑๙      เราจั๋กไขปั๋น เทวีแค้มคัก         หื้อนางหน่อเหน้า ฟังดี
          หื้อนางชำระ  อาบน้ำขั๋ดสี           ตั้งใจ๋หื้อดี       จ๋ำศีลแปดห้า
          ผาถะนา       ขอได้หันหน้า         หื้อมีบุ๋ตร์ดา     ลูกรัก
๑.๒๐      หื้อปู๋จาไฟ อยู่ในสำนัก            ขอได้ลูกเต้า    ต๋นบุญ
          หื้อได้สืบเจื๊อ หน่อเนื้อตร๋ะกู๋ล       รักษาบุญคุณ   ประชาไพร่ฝ้า
          ส่วนปทุมมา  เจ้าบุญแก่กล้า         ก็สาวันทา      กราบนบ                
« แก้ไขครั้งสุดท้าย: วันที่ 14 มีนาคม 2017, 11:58:07 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #38 เมื่อ: วันที่ 01 มีนาคม 2017, 11:30:15 »

หมาขนคำ

๑.๒๑      อนุขั๋บต๋าม     ผัวต๋นด้วยคบ     ไหว้พระบาทเจ้า องค์ทอง
          ติ๋ดตั้งนั้น          นางก็ถัดถอง      ปฏิบัติกอง        จ๋ำศีลแปดห้า
          อาบน้ำขั๋ดสี       เจ้าไวแว่นหน้า   ผาถะนาเอา       ลูกน้อย
๑.๒๒      แม่ปู๋จาไฟ     ทุกวันคะค้อย     ขอได้ลูกหน้อย   ต๋นบุญ
          หื้อได้สืบเจื้อ     หน่อเนื้อตร๋ะกู๋ล  ขอเจ้าต๋นบุญ      ลงสู่โลกหล้า
          ตั้งปฏิสนธิ์        คัพภะแห่งข้า     นางผาถะนา       นบน้อม
๑.๒๓      ตั้งจิ๋ตต์ตั้งใจ๋  เจ้าอ้อมคะล้อม   มีใจ๋เตี้ยงต้อม    หนิมดี
          ก็ด้วยเต๋ชะ        ภาวะบุญศรี       ดวงป๋าระมี         เทวีหน่อเหน้า
          ก็ทราบขึ้นเถิง    อินตาท่านเจ้า    สำแดงเอา         บ่จ๊า      
๑.๒๔      หินปั๋ณดุกั๋ม   อินตาเจ้าฟ้า      ก็ร้อนกะด้าง       คางคิง
          อินตาเจ้าฟ้า      ท่านก็รู้จิ๋ง         จิ่งคิดคะนิง        ว่าเมืองลุ่มใต้
          คงมีเหตุก๋าร      รำคาญร้อนไหม้  จิ่มผู้มีบุญตา      แต๊ตั๊ก
๑.๒๕       พญาอินตา   ผ่อลงแค้มคัก     ในเมืองลุ่มใต้     จุมภู
          บ่กันเหตุร้าย      และศัตรู๋            ท่านเจ้าเลงดู     ก็หันถี่แจ้ง
          หันปทุมมา        เจ้าจั๋นฟองแป้ง   ปู๋จาไฟ             คะค้อย      
๑.๒๖       ผาถะนา       ขอให้ได้ลูกน้อย  องค์หนุ่มหน้อย   จายเลา
          ให้ได้สืบเจื๊อ      ธิราชแถมเถา      อินตาสำเนา      รู้หันถี่ถ้วน
          ว่าป๋างนี้นา        เจ้าต๋นบุญอ้วน     ก๋าละควร         แต๊ตั๊ก
๑.๒๗      ควรเทวบุ๋ตร์   เจ้าต๋นบุญนัก      ลงเกิดโลกหล้า  เมืองคน
          ปฏิสนธิ            สร้างบุญกุศล      หื้อปันอุดม        เป๋นพระปายหน้า
          ท่านเจ้าอินตา    ต๋นบุญแก่กล้า      ก็ราธนา           รีบนัก
๑.๒๘      ท่านเทวบุตร  สมปานแต๊ตั๊ก      เป๋นหน่อเจ้า      ต๋นบุญ
          ว่านิมนต์เต๊อะ     หน่อพุทธังกู๋ร      เจ้าต๋นมีบุญ      หาตุ๊กข์บ่ได้
          ขอเจ้าลงมา       เกิดเมืองลุ่มใต้     มีเต๋ชะชัย        บ่น้อย
๑.๒๙      นางปทุมมา    ไหว้หาคะค้อย      ใค่ได้ลูกหน้อย บุ๋ตดา
          ปทุมมาไท้         แม่ปู่จาหา           ที่เมืองปารา     ณะสีเอกอ้าง
          บ่มีบุ๋ตต๋า           จั๋กมาสืบส้าง        ปกครองเมือง   พิทักษ์
๑.๓๐       ขอลูกจายเลา เจ้าต๋นบุญนัก       มาเกิดได้         กั๋บนาง
          แทนพระเจ้าจ๊าง  สืบหน่อหอขวาง   นั้นและนงนาง    สีวัยอ่อนอ้วน
          ท่านเทวบุ๋ตร์       เจ้าต๋นบุญถ้วน     ก็รับนิมนต์        บ่ช้า
« แก้ไขครั้งสุดท้าย: วันที่ 14 มีนาคม 2017, 11:57:44 โดย apiwattano » IP : บันทึกการเข้า
apiwattano
ชั้นประถม
*
ออฟไลน์ ออฟไลน์

กระทู้: 203


« ตอบ #39 เมื่อ: วันที่ 14 มีนาคม 2017, 12:09:21 »

หมาขนคำ

๑.๓๑      รับเอานิมนต์    อินตาเจ้าฟ้า      ลงสู่โลกหล้า    จุมปู
          ว่าเมืองมนุษย์     ย่อมมีศัตรู๋         ขอพระเอ็นดู     ผ่อลงจ้วยข้า
          หลอนไปเติ้กจ๋น   ร้อนรนไปหน้า    ขอพระอินตา    เตื่อมกํ๊า
๑.๓๒      แล้วผั๋ดทะศีล   ส่วนบุญเสี้ยงซํ้า  จี่งหว่ายหน้า    ลงมา
          ขี่ราชรถ             พะยนต์หงสา      มีเทวดา          ลงมาส่งเจ้า
          ตังพระอินตา       ธิราชจ๋อมเหง้า    ขี่รถลำเลา       แอ่นฟ้า
๑.๓๓      ทิพย์จักรยาน   ก็นานบ่จ๊า          ลอยเมฆฝ้า      เสียงนัน
          ยามนั้นและ         ปุ๋นอัศจั๋น           ผ่อเดือนต๋าวัน  บ่หันมืดกุ้ม
          พระทิตย์พระจั๋นทร์ มืดตั๋นตุ้มลุ้ม      เหมยต๋กซุม     เมกฆะ
๑.๓๔       เมื่ิอเจ้าต๋นบุญ ลงสู่ครรภะ         นางหน่อเหน้า  ทุมมา
          ตั๊ดก๋าละนั้น         ซ้ำยังมีหมา        ตั๋วนึ่งมีมา       เข้าต๊องก่อนเจ้า
          จี่มปทุมมา          แม่คำหลอมเบ้า   เป๋นหมาบุญเลา แก่นัก
๑.๓๕       หมาตั๋วบุญมี   ฤทธีแค้มคัก        เข้าต๊องก่อนเจ้า กล๋างคืน
          ยามคนมนุษย์      หลั๋บทั่วทั้งผืน      กาละเที่ยงคืน   เข้าต๊องก่อนเจ้า
          ส่วนเทวบุ๋ตร์        ต๋นใสบ่เส้า          ก็ลงมาเซา      ย้างพัก
๑.๓๖       อากาศปายบน เวหนสำนัก          คืนนั้นบ่ายแจ้ง แสงวัน
          ปทุมมาไท้          หลั๋บได้ฝันหัน      นิมิตร์สำคัญ    ฝันหันค่อนแจ้ง
          ปทุมมา              เจ้าตั๋นฟองแป้ง     นอนสะแกง    เงียบมิด
๑.๓๗       หลั๋บแก๋มฝัน   เจ้าอยู่ซะซิด         เจ้าหันถี่เสี้ยน เสียงนัน
          ฝันหันพระทิตย์    กั๋บตังพระจั๋นทร์     เดือนกั๋บต๋าวัน ลงสู่โลกหล้า
          เสียงเนืองนัน      ลงมาจากฝ้า          สู่เมืองปารา    ที่นี้
๑.๓๘       ปทุมมา         แม่ฟันดำมี้            สะดุ้งตื่นขึ้น    ยามดี
          ก็แจ้งรุ่งแล้ว        เรืองเรื่อรวายถี       เจ้านางแม่มี    สะติ๋ชื่นได้
          อาบน้ำขั๋ดสี         องค์นางแล้วไส้      ก็เดินเข้าไป    บ่ช้ส
๑.๓๙       ไปกราบไหว้สา องค์พระเจ้าฟ้า      เป๋นเจ้าแผ่นหล้า สามี
          บอกด้วยนิมิตร์      นางฝันดีหลี          ขอพระบุญมี    ผัวขวัญกล่าวแก้
          จั๋กเป๋นเหตุก๋ารณ์   เยื่องใดไหนแหล้    ขอพระเลงแล  กล่าวตั๊ก
๑.๔๐        พญาปารา      รู้แจ้งแค้มคัก          ย้าวเยือกขึ้น    โสดา
           จิ่งจั๋ดพวกไจ๊       หื้อไปต๋ามหา         เอาหมอโหรา   มาตวายกล่าวแก้
           พวกไจ๊ก็ไป         เร็วใจ๋แต๊แหล้         เถิงเรือนครู     ยั้งพัก
« แก้ไขครั้งสุดท้าย: วันที่ 25 มีนาคม 2017, 11:14:24 โดย apiwattano » IP : บันทึกการเข้า
หน้า: 1 [2] พิมพ์ 
« หน้าที่แล้ว ต่อไป »
กระโดดไป:  


เข้าสู่ระบบด้วยชื่อผู้ใช้ รหัสผ่าน และระยะเวลาในเซสชั่น

The Ma'Mentau Studio
เชียงรายคาเมร่า โทร. 053-715579 มือถือ 089-7594166
ฟ้าหลวงวัสดุภัณฑ์ เชียงราย :: ศูนย์รวมผลิตภัณฑ์ดูแลรักษารถยนต์ :: จำหน่าย น้ำยาสลายครบยางมะตอย น้ำยาเช็ดกระจก น้ำยาเคลือบเงายางรถยนต์ น้ำยาโฟมล้างรถยนต์สูตรเคลือบเงา แว๊กส์เบาะหนังและคอนโซล ฯลฯ

ข้อความที่ท่านได้อ่านบนกระดานข่าวแห่งนี้ เกิดขึ้นจากการเขียนโดยสาธารณชน และตีพิมพ์แบบอัตโนมัติ ผู้ดูแลเว็บไซต์แห่งนี้ไม่จำเป็นต้องเห็นด้วย
และไม่รับผิดชอบต่อข้อความใดๆ ผู้อ่านจึงต้องใช้วิจารณญาณในการกลั่นกรองด้วยตัวเอง และถ้าท่านพบเห็นข้อความใดๆ ที่ขัดต่อกฎหมาย และศีลธรรม พาดพิง ละเมิดสิทธิบุคคอื่น ต้องการแจ้งลบ
กรุณาส่งลิงค์มาที่
เพื่อทีมงานจะได้ดำเนินการลบออกให้ทันที..."

Powered by MySQL Powered by PHP Powered by SMF 1.1.21 | SMF © 2013, Simple Machines
www.chiangraifocus.com  

Valid XHTML 1.0! Valid CSS!