วันพญาวันปีนี้ทัดกับวันที่สิบหกเน้อ บ่ดีกินตานวันเน่า

[mongke]

หนังสือปีใหม่เมืองล้านนา ( ฉบับ วัดธาตุคำ ) ปีก่าไส้ จุลศักราช 1375 พ.ศ. 2556 ( ปีมะเส็ง เบญจศก ปกติมาส ปกติวาร ปกติสุรทิน )

      มังคลวุฒิสิริศุภมัสตุ จุลศักราชได้ 1374 ตัว ปีมะโรงฉนำ กัมโพชพิไสย เข้ามาในคิมหันตอุตุ จิตรมาส สุกรปักษ์เตรัสมี โสรีวารไถง ไทยล้านนาภาษาว่า ปีเต่าสี เดือน 7 ขึ้น 4 ค่ำ พร่ำว่าได้วันเสาร์ ไทวันกัดเล้า ตรงกับวันที่ 14 เมษายนพ.ศ.2556 ยามนั้น ระวิสังขานต์มีตนเรื่อเรืองงามประดุจดั่งดอกทองอันแดง (ดอกทองหลาง) สถิตอยู่ทิพย์วิมานมีนราศีประเทศก็ประดับด้วยเครื่องอาภรณ์วิเศษอลังการสีดังดอกนิลุบลผ่องแผ้ว คือว่าสีเขียวงามเลิศแล้ว ประดับตนด้วยรัตนมณีแก้วมรกต ต่างขะจ๋อนหูและสุบขะโจ๋มหัวก็เขียวมีวรรณะอันเรืองรุ่งรัศมีพุ่งงามตา มีหัตถามือซ้ายถือสลีกัญไชยถันแกร่งกล้า มีมือเบื้องขวานั้นก็มาถือหอก ได้กาลยามดี ยามนั้นก็เสด็จขึ้นนั่งหย่องเหยาะขี่พญานาคราช คือพญางูหลวงตัวองอาจเสด็จ ยัวริยาตรจักไปสู่เมษราศี ก็ออกจากทิพย์วิมานคำดีผ่องแผ้วด้วยประตูอันอยู่หนอีสาร คือทิศตะวันออกเฉียงเหนือ แล้วเสด็จลีลาด้วยพหุพลนิกายโยธาไปสู่ ทิสสะประจิม คือ ทิศตะวันตกดั่งอั้น ยามนั้นเป็นยามกลองรุ่ง เวลา 01 นาฬิกา 48 นาที 47 นาที เป็นยามดีคนทั้งหลายจึงเรียกว่า
วันสังขานต์ล่อง
     กาละนั้นวาระแห่งนางตัมพธาหมดแล้ว ก็มานั่งเหยียดแต่งยื่น ยังไป ยังมีนางเทวดา ชื่อวังสีถือดอกไม้นามปียื่นอยู่ถ้ารับเอา ปีนี้สังขานต์ไปวันเสาร์ จักเดือดร้อนแก่ชาวเมือง ด้วยภัยธรรมชาติ จักร้อนใจแก่เจ้าบ้านเจ้าเมือง พระราชามหากษัตริย์ คน บ้านเมืองจักอยู่ในภาวะระส่ำระสาย คนผู้มีวิชาปัญญามีเชื่อเสียงจะมาสู่บ้านเมือง ของใช้จักขึ้นราคา ลูกไม้ผลไม้บ่สู้มีราคา ปีนี้ฝนตกบ่เสมอหัวปีมีมาก หล้าปีบ่มีหลาย ชารสดินดี อาทิตย์ตกดินคนจะอยู่ดีไม่มีโรคภัย แต่โจรผู้ร้ายจะมาก พริก ข้าว หมากจักแพง สัตว์ในน้ำจะมีอุดมสมบูรณ์ จักมีภัยขึ้นกับสัตว์ 4 ตีน 2 ตีน ปีนี้เทวดา ไขประตู๋เหล็ก ไฟจักไหม้ป่าไหม้บ้านเมือง คนจักร้อนใจ๋ คนเกิดวันอาทิตย์จักมีโชคลาภ คนเกิดวันวันศุกร์ จักมีเคราะห์ใหญ่ หื้อบูชามหาธาตุเจ้าเจดีย์และสรงน้ำพระพุทธรูป เอาไม้ไปค้ำต้นศรีมหาโพธิ์ จักพ้น
เคราะห์ทั้งมวล
     ในวันสังขานต์ไปนั้นจุ่งหื้อพากันสระเกล้าดำหัวยังแม่น้ำ ทางไคว่ เก๊าไม้ใหญ่นอกบ้านชายคา อว่ายหน้าไปสู่ทิสะหนใต้แล้วเอาน้ำส้มป่อยดำหัว อาบองค์สรงเกศเกล้า ด้วยมนต์วิเศษ สรู๊ปเภท เป็นคาถา ว่า "โอมทุเร ทุเร เภทะ สวาหะ" ว่าสามหน
    ปีนี้ศรีอยู่หน้าแข้ง กาลกิณณีอยู่หน้าผาก จัญไรอยู่กะหม่อม เอาส้มป่อยเช็ดขว้างเสีย ปีนี้ผีหัวหลวงเป็นยักษ์
อยู่ทิศอาคะเนย์ ดำหัวอย่าเบ้นหน้าไปทางทิศนั้น แล้วมานุ่งผ้าใหม่เหน็บดอกไม้นามปี ปีนี้ดอกสีลา (พลับพลึง) เป็นพญาดอกควรเอามาเหน็บเกศเหล้ามวยผมและเหน็บไว้ประตูบ้าน ประตูเรือน เป็นมังคละจักอยู่สุขะสวัสดีชะและ
    ในเดือน 7 ขึ้น 15 ค่ำ พร่ำได้ว่าวันอาทิตย์ ตรงกับวันที่ 15 เมษายน ไทวัน ร้วงได้ เป็นวันปูติ คือวันเน่าปีนี้เน่าวันเดียวอย่าไปทำมงคลในวันนี้ อย่าได้วิวาทผิดเถียงเดือดด่า หื้อได้พากันขนทรายเข้าวัด กวาดข่วงไม้สรี พระเจดีย์ วิหาร จักได้พ้นเคราะห์กับตน กับบ้านเมือง และพระพุทธศาสนนา
   ในเดือน 7 ขึ้น 6 ค่ำ พร่ำได้วันจันทร์ ตรงกับวันที่ 16 เมษายน ไทวันรวายสง้า เป็นวันพญาวัน พระสุริยะอาทิตย์
เสด็จสถิตทิพย์วิมานยังราษีเมษในเวลากาลได้ยามรุ่ง เวลา 05 นาฬิกา 58 นาที 24 วินาที
    ยามนั้นจุลศักราชขึ้นแถม 1 ตัว เป็นจุลศักราช 1375 ตัว มะเส็งฉนำ กัมโพชพิสัย ไทยล้านนาภาษาว่าปีก่าไส้ หื้อได้พากันกระทำบุญหื้อทาน เจดีย์ทราย ช่อ ตุง ไม้ค้ำสรี หื้อพากันทำมังคละกับวัดวาอาราม บ้านช่อง หอเรือน และปูชาสระสรงองค์พุทธรูปเจ้า มหาเจติยะพระธาตุ พระบฏ พระบาท ไม้สรีมิ่งบ้าน และอารักษ์เจนบ้านเจนเมือง มิ่งเมือง อย่าประมาท ด้วยเหตุเคราะห์เมืองจักมี แล้วหื้อพากันดำหัวครูบาสังฆพ พ่อเฒ่าแม่อุ้ย และพ่อแม่ เพื่อขอเตชะบารมีไว้กับตนหื้อเป็นมงคลตลอดปีอยู่สุขสวัสดีมีโชคลาภ ลุหลั่งถั่งมา ฮิมาก๊าขึ้น อยู่เย็นเป็นสุขตลอด
ปีนี้เศษ 5 ชื่อสราวัณณะ นาครักษาปี แร้งรักษาเดือน ความรักษาป่า จะเข้รักษาน้ำ ผัสสาจาริยะยักษ์ รักษาอากาศ
กวาลมังรเทวบุตรรักษาแผ่นดิน พระพุทธเจ้าเป็นใหญ่แก่คนทั้งหลาย กาเป็นใหญ่แก่สัตว์ 2 ตีน ช้างเป็นใหญ่แก่สัตว์ 4 ตีนไม้ปาแป้งเป็นพญาแก่ไม้ทั้งปวง ผีเสื้ออยู่ไม้กุ่ม ไม้ม่วงเป็นใหญ่แก่ไม้จิง ไม้หกเป็นใหญ่กว่าไม้กลวง หญ้าคาเป็นใหญ่กว่าหญ้า
ทั้งมวล ขวัญเข้าอยู่ไม้ข่อย เข้ากล้าดี คนเกิดปีนี้มีสุขมีปัญญา ไม่ค่อยเจ็บไข้ อายุ 90 จักตาย
   ปีนี้นาคหื้อน้ำ 3 ตัว บันดาลหื้อฝนกตก 200 ห่าชื่อราวาธิปติ ตกในมหาสมุทรและเขา สัตบริภัณฑ์ 90 ห่า ตกใน
ป่าหิมพานต์ 23 ห่า ตกในมนุษย์โลก 36 ห่า ปีนี้ฝนน้อยจักแล้ง
   ปีนี้เทวดาวางเครื่องประดับหนหรดี ปาปะลัคนาอยู่หนประจิม ปาปะเคราะห์อยู่หนบูรพา ทิศะเหล่านี้เป็นอัปปมงคลบ่ดีไปต้าไปศึกทิศนั้น บ่ดีทำการมงคลแก่บ้าน เมืองในทิศนั้น บ่ดีปกเสามงคลในทิศนั้น ดำหัวอย่าเบ่นหน้าไปทางทิศนั้น จักเสียสรีเตชะ
   อดีตวรพุทธศาสนาลาล่วงได้ 2555 พรรษาธกาปลาย 11 เดือน 3 วัน นับแต่พระยาวันคืนหลัง อนาคตศาสนา
อันยังจักมาภายหน้าค้างอยู่บ่น้อยแถม 2444 ปลาย 27 วัน เหตุนับแต่วันปากปีไปเอามาบวกกับกันก็เต็มห้าพันพระพรรรษาก้วนบ่มี
เศษ เหตุตามฎีกาที่ มหาพิลางคสัมมิหรสีเจ้าหากวิสัชนาแต่งแปลงสืบ ๆ มา ก็ปริปุณณาแล้วแล.
 
 
พระครูอดุลสีลกิตติ์ วัดธาตุคำ ตำบลหายยา อำเภอเมือง จังหวัดเชียงใหม่
เป็นผู้ปล่านแปลงวิสัชนาแต่งแต้มทำนายพยากรณ์ตามคัมภรีโหราเพทังคศาสาตร์เพทล้านนา ฉบับวัดธาตุคำ

[mongke]

ปี๋นี้เยี๊ยะหื้อถูกฮีตกันเน้อครับ บ่ดีไปสืบจะต๋าวันเน่า เน้อ

[Aikaew]

มีแหล่งข้อมูลก๋านคำนวนพ่องก่อครับ จะใดจุลศักราชตี้ 1 พศ 1181 ปี๋ใหม่นี้ จศ 1375 สังขารล่องวันขึ้น 3 ค่ำกา แล้วจะใดวันพญาวันถึงเป๋นวัน ขึ้น 6 ค่ำ (วันที่ 16) บะจั้ย 5 ค่ำ(วันที่ 15) ก๋านเปลี่ยนปี๋ เปลี่ยน ณ วังสังขารล่องแล้ว? ขอความฮู้แหมน่อยครับ

[nantong]

มีแหล่งข้อมูลก๋านคำนวนพ่องก่อครับ จะใดจุลศักราชตี้ 1 พศ 1181 ปี๋ใหม่นี้ จศ 1375 สังขารล่องวันขึ้น 3 ค่ำกา แล้วจะใดวันพญาวันถึงเป๋นวัน ขึ้น 6 ค่ำ (วันที่ 16) บะจั้ย 5 ค่ำ(วันที่ 15) ก๋านเปลี่ยนปี๋ เปลี่ยน ณ วังสังขารล่องแล้ว? ขอความฮู้แหมน่อยครับ

ผมหนานธง  เกยได้ฮู้มาว่า  วันผญาวัน หม่าเดี่ยว  เป๋น  16 เมษายน  แล้ว เตยเหมือนกั่น
ประมาณ  ว่า  เวลา เคลื่อน ทดสะสม ออกมา เปาะเป่น วันนึ่ง จาก เดิม 15 เลยมาได้ 16 เป๋น ใน หม่าเดี่ยวนี้ แต่ ผม กะบ่ แม่น เรื่องนี้ อาจจ๋ำมา ว่า ผิด
หาก มีใผ ฮู้ แม่นในข้อมุล กะขอ  เปิ่งบุญ จ่วยเขย สู่กั๋นฮู้  เจ่มเน้อ
 
 แต่ กะขอสนับสนุน ว่า  16 เมษายน เป๋น  ผยาวัน  ใน หม่าเดี่ยวนี้ น๊อ

ไหว้สา  ครับ

[mongke]

ฉะนั้นเฮาจะต้องจ่วยกันป่าว กันบอก หื้อ เป๋นไปต๋ามฮีตจ๋ารีตป๋าเวณี ดีก่อครับ

[Miss Espresso.]

ขอบคุณข้อมุลดีๆเจ้า คนสมัยใหม่แถมบ่าเก่งคำอุ้เมืองเชียงรายก่ะงงเล็กน้อยถึงปานกลาง
แต่ก่อพอเข้าใจขอบคุณจ้าว

[khaam]

แล้ววันสังขาลล่องวันไหนครับ..เลื่อนหมดเลยแม่นก่อ
 

[mongke]

ถ้าผ่อต๋าม ปั๊กตืน วัดธาตุคำ สังขารล่อง 14 เน่า 15 พญาวัน 16 ปากปี๋ 17   ถ้าเอาต๋ามปั๊กตืน เมืองนะครับ

[nantong]

ถ้าผ่อต๋าม ปั๊กตืน วัดธาตุคำ สังขารล่อง 14 เน่า 15 พญาวัน 16 ปากปี๋ 17   ถ้าเอาต๋ามปั๊กตืน เมืองนะครับ

สมมาเตอะ ครับ  กำว่า หนังสือ กำเมือง หน้าหยะฮ้องว่า
ปั๊บ กะตืน 
คือ ปั๊บ(พับ) กะตืน (หน้าหยะหมายถึง กระดาษ ตี่ ถูกจาร หรือเขียนบันทึกแล้ว กำไทย ว่า หนังสือ ฯ)
กำว่า ปั๊ก หน้าหยะเป๋น การเพี้ยน ๆ ต่อ ๆกั๋นมา   แบบ คนไทย อ่าน Hotel โฮเตล ออกเสียง โฮ เตว ของฝรั่ง   ถูก ออกเสียงเพี้ยนเป๋น  โฮเตน
Football คือ เดิมออกเสียง ฟุตบอ   
 คนไทยออกเสียง เพี้ยนเป๋น   ฟุต บอน    จ๋นปอ ค่วยบ้าน    ค่วยเมืองไทย

หนาน ขอ เฮามา ฮ้องว่า ปั๊บ กะตืน น่อ     สมมาเจ่ม ตี่ เห็นต่าง จากต่าน เน้อ

[mongke]

ยินดีครับปี้หนานธง   น่าจะเป๋นเจ่านั้นครับ

[chate]

ถ้าผ่อต๋าม ปั๊กตืน วัดธาตุคำ สังขารล่อง 14 เน่า 15 พญาวัน 16 ปากปี๋ 17   ถ้าเอาต๋ามปั๊กตืน เมืองนะครับ

ต๋ามปกติกู่ปี๋ สังขารล่อง13 เน่า14 พญาวัน15 ปากปี๋16 บ่าใจ้ก๊ะ

[mongke]

ถ้าผ่อต๋าม ปั๊กตืน วัดธาตุคำ สังขารล่อง 14 เน่า 15 พญาวัน 16 ปากปี๋ 17   ถ้าเอาต๋ามปั๊กตืน เมืองนะครับ

ต๋ามปกติกู่ปี๋ สังขารล่อง13 เน่า14 พญาวัน15 ปากปี๋16 บ่าใจ้ก๊ะ

ต๋ามฮีตเก่าฮอยเดิม สังขารล่อง 14 เน่า 15 พญาวัน 16 ปากปี๋ 17   ครับ แต่ปัจจุบันเฮาจูเอาง่าย ตางการว่าไดเอานั้น เอาไปต๋ามปฏิทินสากล ซึ่งมันบ่ตรงตามปฏิทินทางจันทรคติครับ  ของใหม่เฮาก่อเอา ของเก่าเฮาก่อบ่าละครับ

[แมงคอลั่น]

ชมรมศิษย์เก่าหลาย ๆ โรงเรียน ปาก๋นไปดำหัวครูในวันที่ 12  สถานที่ราชการหลาย ๆแห่งปากันสรงน้ำพระเจ้า ในวันที่ 12 ก็มี 13 ก็มี โดยบ่าได้ศึกษา ฮีต บ่าเก่าอย่างถูกต้อง
ผมประกาศเจตนารมณ์ไว้แล้วว่า กันบ่าถึงวัน พญาวัน ตึงบ่าดำหัวไผ และก่อนจะดำหัวไผหื้อสรงน้ำพระเจ้าในบ้าน
อันหมายถึง พระพุทธรูปบนหิ้งพระและ พ่อ-แม่ ถ้ายังมีชีวิตอยู่
ถึงแม้ว่า ล้านนา จะตกอยู่ภายใต้การปกครองของ รัตนโกสินทร์ ก็ตาม แต่จารีต ประเพณี รวมทั้งจิตวิญญาน
ก็บ่ควรจะยอมถูกครอบงำ ยะหื้อเฮาต้องยะหยังที่บ่ถูกต้องตาม ฮีต ฮอย แล ป๋าเวณี ที่บรรพบุรุษของเฮาได้สั่งสอนสืบสานเมินมา ขอมีจิตสำนึกและมีสติสักหน่อยเต๊อะครับ
จะไปลืมเน่อ พญาวัน ปีนี้ 16 เมษา ครับ

[chate]

ชมรมศิษย์เก่าหลาย ๆ โรงเรียน ปาก๋นไปดำหัวครูในวันที่ 12  สถานที่ราชการหลาย ๆแห่งปากันสรงน้ำพระเจ้า ในวันที่ 12 ก็มี 13 ก็มี โดยบ่าได้ศึกษา ฮีต บ่าเก่าอย่างถูกต้อง
ผมประกาศเจตนารมณ์ไว้แล้วว่า กันบ่าถึงวัน พญาวัน ตึงบ่าดำหัวไผ และก่อนจะดำหัวไผหื้อสรงน้ำพระเจ้าในบ้าน
อันหมายถึง พระพุทธรูปบนหิ้งพระและ พ่อ-แม่ ถ้ายังมีชีวิตอยู่
ถึงแม้ว่า ล้านนา จะตกอยู่ภายใต้การปกครองของ รัตนโกสินทร์ ก็ตาม แต่จารีต ประเพณี รวมทั้งจิตวิญญาน
ก็บ่ควรจะยอมถูกครอบงำ ยะหื้อเฮาต้องยะหยังที่บ่ถูกต้องตาม ฮีต ฮอย แล ป๋าเวณี ที่บรรพบุรุษของเฮาได้สั่งสอนสืบสานเมินมา ขอมีจิตสำนึกและมีสติสักหน่อยเต๊อะครับ
จะไปลืมเน่อ พญาวัน ปีนี้ 16 เมษา ครับ

+1 แจ่ม

[tfgc2007]

เออนั่นเต๊อะ ตั้งศาลพระภูมิ กับบเจ้าตี้ วันที่ 15 นึกว่าเป็นวันดีแต้ ตี่ไหนได้เป็นวันเน่า จะหยะจะไดนี่ครับ