ดอยหลวงเชียงดาว ผ่อจาก ป่าแป๋
แม่ฮ้างหากมี แม่จี๋ดอกสร้อย จ่วยมาผ่อกอย อ้ายกำ
สาวแม้วสาวยาง แม่ฮ้างใจ๋จ๊ำ มาฮ่วมฮักอ้าย ก็ดี
หากอ้ายฮักแล้ว อ้ายตึงบ่าหนี จะจ่วยคนดี กึดร่ำต่ำสร้าง
...อ้ายคนฮักแต๊ แต่บ่ใจ่อ้าง บ่อหื้อตั๋วนาง ฮู้ไว้
ตั๋วอ้ายมันจ๋น จ๋นมาแต่ไท้ แต่ยังไค้ได้ คนงาม
อยู่คนเดียวนั้น ขาดคนตั๊กถาม อายุอานาม อ้ายสามสิบห้า
ก็ปอมีแฮง แป๋งไปวันหน้า ขอน้องกานดา ไปกึ๊ด
หากจ๋าได้แต่ง แป๋งปอยทึ้ดทึ้ด เลี้ยงปี้เลี้ยงน้อง บ้านเฮา
สาวใต้กำนี้ ตึงบ่าเชื่อเขา อ้ายตึงบ่าเอา สาวใต้เตียมข้าง
มาเต๊อะสาวเหย แม่เจยดอกต้าง มากึ๊ดฮ่วมตาง บ๋อน้อง
ไผไหนก็ดี ผมนี้ขอร้อง หากป๊ะสาวตี้ ดูเปิง
จ่วยบอกผมก๊ำ เอิ้นไปหื้อเถิง จะสาวเมืองเทิง หรือดอกคำใต้
สาวไหนก็ดี ผมนี้ไค้ได้ ขอเอิ้นบอกไป กำเต๊อะ
สาวหน้อยสาวจี๋ ตึงมีป่าเลอะ แต่มันบ่าใจ้ กู่เฮา
แม่ฮ้างจ้างหม้าย อ้ายนี้ขอเหมา แม้อ้ายบ่อเลา แต่ก็ไค้ใกล้