ค่าว บ่รู้หื้อถาม บ่งามหื้อหญ้อง

[hnanchart]

บ่รู้หื้อถาม บ่งามหื้อหญ้อง
บ่....รู้ใด ต้องไปถามเก๊า จากครูบาเจ้า ผู้มีผญ๋า
รู้.....ยังบ่มิด ฟั่งปิดแก่นต๋า ถามถ้องที่มา อย่าฟั่งอวดอู้
หื้อ...หมั่นศึกษา ปัญญาจื่นสู้ หมั่นอ่านหมั่นดู ครูเก๊า
ถาม....เตอะเพื่อไข ว่องไวเตี่ยงเต๊า ย่อมรู้สิ่งเจ้า เพิ่มมา

บ่......ใจ่อวดรู้ อู้อวดผญ๋า เมื่อปายลูนมา จักว่าหมองเส้า
งาม....ทีท่าต๋น คนย่อมถามเฝ้า งามนอกในเงา ซ้อยร้อย
หื้อ.....งามจากใจ ปายในอย่าน้อย เอาศีลเป็นสร้อย สายคอ
หญ้อง...เสริมแต่งไว้ ปายในนอกหนอ ความรู้เปียงปอ งามต่อตึงได้
26 มิ.ย.55
หนานชาติ คนเขียนค่วว