ค่าว แฟชั่นละอ่อนสมัยใหม่.

[hnanchart]

แฟชั่นละอ่อนสมัยใหม่
ละอ่อนสมัย ตุ๊กใจ๋แต๊เล๊า โรงเรียนต้องเข้า อินเตอร์หรูหรา
เรียนกำอังกฤษ ฟุตฟิตภาษา ต้องเรียนกีฬา ว่ายน้ำตื่นเต้น
บัลเล่รำตี๋น ไวโอลินเส้น เปียโนต้องเกณฑ์ เข้าคอร์ท

ฝรั่งวิถี บ่มีคือป็อด ลูกอ๊อดต้องได้ ทุกทาง
ผักจอน้ำฮ้า แก๋งปล๋าเลยจ๋าง กำเมืองลืมลาง บ่จ่างจ๋าได้
สะล้อซึงกล๋อง ย่อมหมองหม่นไหม้ บ่โก้โชว์ใด ไหนนั้น

บ่ห้ามลูกใผ เรียนไปเพิ่มจั๊น แต่อย่ากึ๊ดสั้น ลืมลา
ว่าเราจาติเจื้อ เมืองเหนือภาษา ปู่หม่อนสอนมา อย่าว่าเก่าเกื้อ
รู้เปิ่นรู้เรา ย่อมเหมาใฝ่เอื้อ หากบ่ลืมเครือ ฐานคิด

ละอ่อนสมัย เป๋นไปต๋ามทิศ อย่าปิดต๋าหน้อย ลืมลง
พ่อแม่สอนจั๊ก ต๋ามมักไหลหลง กลั๋วลูกเจ้างง ลืมพงเผ่าบ้าน
19 มิ.ย.55

[hoond8899]

ละอ่อนมะเดี่ยว เขาอู้ภาษา อังกฤษนั้นนา ข้าฟังบ่ได�

[WH_Y]

..สรียินดีเจ้าหนานชาติสำหรับค่าวแฟชั่นละอ่อนสมัยใหม่ เป็นไปต๋ามค่าวเปิ้นว่าแต้ๆน้อเจ้า..
  เอาค่าวม่วนๆมาฝากกันแหมเน้อเจ้า..

[@เชียงแสน]

  ;Dสรียินดีค้าบบบบบบบบบ

[hnanchart]

ค่าว (นกบ่มีขน คนบ่มีหมู่ บ่มีความรู้ ไปสู่ที่สูงลำบาก)

นกบินขึ้นฟ้า ย้อนว่าปีกขน
จ๋าเปรียบดั่งคน ต้องมีหมู่สร้าง
บ่มีหมู่ฝูง ช่วยมุงแอมข้าง
อย่าได้หมายทาง ใหญ่ยก

เก่งอยู่คนเดว ย่างเตวป๊กค๊ก
ย่อมตกต่ำใต้ บ่เงย
บ่มีความรู้ หมู่บ่มีเหย
ยากนักแท้เฮย จักสูงขึ้นได้

หนานชาติ คนเขียนค่าว 18 เม.ย. 55