ระหว่างความทุกข์ กับ ความสุข

[Mamae]

                      ใครเคยมีทุกข์ ก้บ สุข แบบนี้บ้าง

                                      ความทุกข์ชั่วคราว
                 เกือกขบตี๋น จิ้นขำเขี้ยว นอนคนเดียว ไค่เยี่ยวบนรถ
           มีดก๊ดโบ๊ะหลัว เมียผัวขี้เหล้า เต่าบ่อได้กิ๋นเห็ด เป็ดบ่อมีไข่
        ไก่บ่อมีกอน หมอนบ่อมีงิ้ว สิ่วบ่อมีคม นมบ่อมีน้ำ ส้ามบ่อมีตี่แก้
      แย้บ่อมีรู หมูบ่อมีหาง สตางค์บ่อมีเจ้า เหล้ามีกอก คนหยอกบ่อมีเมีย
                   เฮือบ่อมีไม้พาย ขายบ่อมีคนซื้อ มื้อบ่อมาส้าย
           ไก่อกก๊ด รถก็เก่า เมียก็เฒ่า ข้าวก็แข็ง แฮงก็หมด รถก็ได้ยู้

                                       ความสุขชั่วคราว
         มุ้งดี สะลีใหม่ เปิดไฟหัวเตียง นอนเคียงแฟนสาว กิ๋นข้าวกับน้องเมีย
      นั่งเฮือกับนางเอก ถูกเลขกับแม่หม้าย เล่นพ้ายกับดารา บีบขาหื้อแม่เลี้ยง
                     อมเมี้ยงสูบปุรี นั่งขี้อ่านหนังสือ ในมือมีก่าสตางค์
                     กิ๋นข้าวกะมีคนคอยป้อน ยามนอนก็มีคนคอยไล่ยุง

                                        ความสุขสมัยใหม่
ป้อแม่ดี สลีหมอนใหม่ บ้านใหญ่เมียงาม เงินคำบ่อมีขาด จิ้นลาบเหล้าขาว ปาสาวแอ่วงาน
กลับบ้านบ่อมีไผจ่ม ตุ้มผ้าห่มราคาปัน ยะการมีคนใจ้ ผลไม้มีมาหา มีเลขาคอยเสิร์ทสอด
ขับรถฟอร์ดอเมริกัน เมียงามนั่งป้อนข้าว ก่ายบ้านไปนอนคอนโด เบอร์โทรมี 108 มือถือแยก 3 สไตล์
ผ่อตางใดเหลืองอร่าม สร้อยคำเต๊ากิ่งก้อย พระเครื่องห้อยหลวงพ่อคูณ มีนาบุญทุกกล้าทิศ
มีชีวิตอย่างนี้ตลอด ก่ายรถฟอร์ดขับรถเบ๊นซ์ ขับแอ่วเล่นตามห้าง ว่างงานแอ่วกรุงธน
ผ่อกลผ่อตลก กลับมาฝนตก นอนกกแม่ละอ่อน อากาศมันฮ้อนมีคนใจ้มาเปิดแอร์
เงินเดือนน้อยนักแกบ่อต้องได้คิด ใจ้บัตรเครดิตกดเอามีละหมื่น ยามเมื่อนอนตื่น มีคนใจ้ชงกาแฟ
ป่อแม่คอยเอาใจ๋ อยากกิ๋นอันใด บ่อต้องลำบาก บ่ากองออกปาก มีคนใจ้เอามาตำ

[platu]

เกือกขบตี๋น จิ้นขำเขี้ยว นอนคนเดียว ไค่เยี่ยวบนรถ  อันนี้มาแปปเดียว เดี๋ยวก็หาย

  ป้อแม่ดี สลีหมอนใหม่ บ้านใหญ่ เงินคำบ่อมีขาด ป่อแม่คอยเอาใจ๋ อยากกิ๋นอันใด บ่อต้องลำบาก  

ณ วันนี้มีแค่นี้ก็ยังมีความสุข ต่อไปต้องมีมากกว่านี้จะได้สุขกว่านี้ อิอิ (ความเห็นส่วนตั๋วเน้อ บ่ต้องมาแย้ง )

[louis]

ทุกข์วันนี้เพื่อสุขวันหน้า