คำหนาน ป่าแป๋

[civilroom]

ดอกดวงสะลิด ติดต้นสะลัก หวันยอดขึ้น ป๋ายซาง
จะหลอนว่าน้อง บ่มีไผขาง ใคร่น้าวป๋ายซาง มาก่ายไม้ห้า
กลั๋วบุญบ่ถึง ใจ๋ตึงบ่กล้า ตั้งแต่เมินมา สอดคิด
เลยเขียนบรรยาย ต๋ามรายพินิจ ขอติต่อด้วย กำเคิง
คือขอผูกรัก สมัครใจ๋เถืง ใคร่เป๋นคู...่เปิง ใจ๋เติงฮักแน่น
พี่มีใจ๋หลง ประสงค์ขอดแน่น เอาเป๋นที่แดน แห่งรัก
พี่เกยหันนาย เตียวก๋ายบ่ทัก บ่ฮู้เพราะเหตุ อันใด
พี่คนบุญน้อย ต่ำก้อยหมองใส จาเผียบเตียมไป ดั่งไฟหิ่งห้อย
บ่แจ้งแสงใส ไปไกล๋สักน้อย มีสีมอย แมบมิ๊บ
แต่มีใจ๋หลง ประสงค์ร่วมชิด กับนายน้องเหน้า เลางาม
ตึงวันเด่วนี้ ใจ๋ปี่ตวยต๋าม บ่มีไผงาม เหมือนนายน้องเจ้า เหมือนนายน้องเจ้า

[civilroom]

ยามเมื่อมีฮัก ใจ๋ปักถึงเขา สีเนห์เมา ไผเล่าบ่หย้าน
บ่าได้ยินเสียง ขอเพียงหันบ้าน ก็สุขสำราญ ยิ่งนัก
ยิ่งได้หันตั๋ว เจ้าหัวคำฟัก กลับสั่นมั่ว ตั๋วคิง
เลยแลงค่ำมิด ทั่วทิศมืดมิ๋ง หนุ่มสาวจาวญิง หนุงหนิงทั่วห้อง
ทาแป้งพอกตั๋ว หวีหัวน...ุ่งหย้อง ต๋ามไฟเมียงมอง แนบชิด
ลางพ่องอาจจ๋า ปากว่ามุ๊บมิบ ว่ากูแต่งหื้อ ตั๋วงาม
ไผได้หันแล้ว ใคร่แอ่วใคร่ถาม ทำแป๋งแต่งซว่าม ก๋ำผมจ่มอู้
แยงซ้ายแยงขวา ฮ่อมฝาฮิมตู้ ผมหงอกฟู รีบจั๊ก
กลัวเปิ้นมาหัน ปากคันกล่าวตั๊ก ว่าบ่าวเฒ่า เขาแซวดูเพิ่มเติม

[civilroom]

อ้เอยหัวใจ๋ หวั่นไหวเหว่ว้า กลั๋วๆกล้าๆ แล้วเฮา
กึ๊ดแล้วไซร้ คนไกล๋คงเหงา คนใกล้เหมือนเงา เขามานั่งเฝ้า
อ่านคำเจียรจ๋า อุราหมองเศร้า สุดตี้ตั๋วเฮา คนฮะ

ร่างก๋ายทรวดทรง ก็เสียองค์ก๊ะ เทียบไผบ่ได้ ซักคน
อยากเด็ดดอกฟ้า ตั้งท่าห้อยโหน ตึงล่าง...ตึงบน สุดทนอาจเอื้อม
ความคิดความหวัง ประดังต้วมเตี้ยม หัวใจ๋บ่เจียม บ่ยั้ง

ใจ๋นึ่งใคร่ถอย ใจ๋นึ่งก็รั้ง ใคร่ขดเข้าใกล้ คนดี
ใคร่ได้นางฟ้า มาเป๋นแม่ศรี ฮ่วมซ้อนนอนควี ปั๊ดวีหื้อเจ้า
ใคร่ปลอบใคร่ยล เป๋นคนนั่งเฝ้า ยามน้องนอนเซา ฝันเพ้อ

ต๊กโตตั๋วไหน มาใกล้มาเย้อ จะเอาค้อนเหน้อ หัวมัน
เอาผ้าห่มกุ๊ม กะลุมตวยกั๋น เมื่อนกเก๊ามัน มาฮ้องใกล้แจ้ง
น้องบ่ต้องกลั๋ว ตั๋วอ้ายบ่แกล้ง จะนอนตะแคง กอดฮัด

[civilroom]

ปูชาจาครู...เอากับเปิ้นหน่อย.....555++

จักขอไหว้สา ครูบาท่านไท้ ช่วยศิษย์หื้อได้ แนะนำสั่งสอน
หื้อมีความรู้ ทุกขั้นทุกต๋อน ท่านได้พร่ำวอน แนะนำกล่าวถ้อย
พ่อครูแม่ครู อินดูข้าข้อย ท่านได้ผ่อกอย กล่าวชี้

... สั่งสอนศิษย์มา บ่มีหลีกลี้ ตั้งแต่เริ่มต้น เมินมา
น้อมคารวะ ศิษย์ขอไหว้สา อาจ๋ารย์ครูบา สอนมาแต่หน้อย
ได้รับความรู้ บ่มีต่ำต้อย ม่อนขอวันทา น้อมนบ

กราบท่านคุณครู ด้วยความเคารพ ที่ท่านนั้นได้ อุ้มชู
สั่งสอนความรู้ บ่มีอดสู ไหว้สาคุณครู บูชาท่านเจ้า
ศิษย์อาจล่วงเกิน เยียะหื้อโศกเศร้า ก็ขออภัย ท่านไท้

ขอตอบแทนคุณ บ่มีเว้นไว้ อยากหื้อท่านเจ้า สำราญ
หื้อบอกมาเต๊อะ จะฟั่งจัดก๋าร จะช่วยทำงาน หื้อพ่อครูเจ้า
จะช่วยสืบสาน ใส่ใจ๋นั่งเฝ้า บ่หื้อบางเบา ภาระ

สืบสานค่าวซอ ต่อไปบ่ละ กะโลงต่อถ้อย ยาวนาน
ตั๋วเมืองแหมนั้น สืบจากพ่อหนาน หื้อเป๋นตำนาน ล้านนาแบบเบ้า
บ่หื้อสูญหาย ต๋ามที่ครูเจ้า สืบสานเมินมา ก่อนนี้

สอนคนรุ่นหลัง อู้จ๋ากล่าวชี้ หื้อสืบไปหน้า แหมเมิน
บ่ได้ย่อท้อ หื้อมันขัดเขิน จะขอก้าวเดิน ต๋ามท่านครูเจ้า
ศิษย์จะทำต๋าม ต๋ำนานแบบเบ้า บ่มีสร้างเซา ปล่อยละ

ม่อนขอปล๋งวาง ถ้อยคำวาทะ ลงเพียงเท่าอี้ ลาไป
จบค่าวซอใย สำนวนสืบถ้อย เท่านี้ขอวางคำ ก่อนแหล่นายเหย

สุดท้ายนี้ขอหวย แม่นๆๆ ซัก งวดเน้อ พ่อ ครู!!!!ดูเพิ่มเติม

[civilroom]

เก็บตกเมืองน่าน..3

พี่ขอบอกน้อง ที่ปองสายใจ๋ หื้อฮู้ถึงใน หัวใจ๋แห่งข้า
พี่หลงฮักตั๋ว เจ้าหัวคำหล้า ฮักเจ้าเมินมา มากแล้ว
ใจ๋พี่ห่วงหา แม่ราฮ่างแค้ว ฮักแล้วบ่ได้ ลืมเลย
คืนวันค่ำเช้า ใจ๋เมาบ่เหย เกิดมาบ่เกย ฮักไผดั่งอี้
... จะหลอนว่าตั๋ว แม่หัวคำหลี้ คู่เจ้าบ่มี ห่วงไว้
พี่ขอบอกนาย แม่สายดอกไม้ ปอฮักพี่ได้ ดีจา
พี่ขอยอดรัก แม่ภักดิ์เสน่หา พิจาราณา ไปมาถี่ถ้วน
พี่ปอขอนาย อย่าหมายขาดด้วน ลองผ่อหันควร สอดคิด
พี่หลงเมานาย บ่อายซักนิด ในจิตพี่มั่น หั้นดี
พี่ขอรอน้อง แม่ฟองเรืองสี แป๋งใจ่ในมี ฮักพี่ซักน้อย
บ่ฮักนักหลาย ซักป๋ายเกิ่งก้อย ปอยังแควน บ่ร้าย
ปอหื้อดีใจ๋ ดวงทัยจุ่มยว้าย มอกซักแก่นฝ้าย ยังแควน
พี่หลงฮักน้อง ต๋ามองหวงแหน กัวจายหัวแลน มาขอฟู่เจ้า
หากมีบ่าวไหน ตางไกล๋มาเฝ้า พี่จักขอเอา หอกต๊ะ
เอาจ๋นมันต๋าย นอนหงายอ๊ะม๊ะ กล๋างข่วงบ้าน สาวนาง
ขอนายน้องไท้ จ๋ำไว้อย่าจ๋าง พี่ฮักตั๋วนาง ต่างจ๋ำไว้ด้วย
กันบ่าได้ตั๋ว แม่บัวลายถ้วย มาอยู่ตวย ชาตินี้
พี่ควต้องต๋าย เอาก๋ายไปลี้ หลบจากหนี้ เมืองคนดูเพิ่มเติม

[civilroom]

เก็บตกเมืองน่าน...2

ขอนายน้องน้อย แม่สร้อยดอกไม้ จุ่งเหลียวผ่ออ้าย สักกำ
ขอผ่อหน้าน้อง สุดห้องจิ๋นจ๋ำ ฝังกระดูกดำ ส่วนลึกเจ็ดปล้อง
บ่ขอลืมนาย สูญหายจากห้อง แห่งใจ๋เก้อพอง จ่องไว้
ตั้งแต่นี้เหย นางเฮยน้องไท้ เจ้าจักบ่อได้ หันจาย
... ปี่ขอลาน้อง ที่ข้องใจ๋หมาย ลาจากแปงนาย สายใจ๋แห่งข้า
ปี่จักบ่ไป หื้อนายหันหน้า เพื่อหลีกมรรคา แก่น้อง
ขอหลี้หนทาง บ่อขวางปากป้อง เพราะรักปี่ต้อง เปปัง
เชิญนุชนาฎน้อง สู่ห้องความหวัง ต๋ามมัคคัง ข้าขอหลีกหื้อ
ขอตั๋วคำแปง ค่าแปงแสนตื้อ จุ่งจักเดินไป เตอะน้อง
ถ้าบุญอ้ายมี ราศีจ่องก๊อง หื้อสมสู่ห้อง ทางดี
อ้ายขอหื้อน้อง สู่ห้องสุขขี หื้อสดใสดี อย่ามีร้ายหน้า
ความรักของเรา ตั้งเจ้าแหล่ข้า มีกั๋มเวรมา ผ่าม้าง
เป็นก๋ำแปงเขิง เกิ๊ดเกิ้งเติ๊กก้าง บ่สมดั่งอ้าง ดวงทัย
เจ้าเหยน้องรัก จุ่งหักจิตใจ๋ อย่าห่วงห่วงใย อาลัยเรื่องต้น
จ๋นทุกข์ระทม ขื่นขมสืบส้น จุ่งแป๋งอารมณ์ เตอะน้อง
ดวงใจ๋ปี๋เหย ปี่เกยปากป้อง เกยเกี่ยวคำรัก น้องนาง
ปี่ขอถอดจิต ตี่เกยคิดขวาง ขอปล่อยป๋งวาง เปื่อนายน้องเน้า
ปี่บ่สมแสง กับแดงน้องเจ้า สักเต่ารอย ขีดยะ
คนเขาประนาม เหยีดหยามสัปป๊ะ เหยาะเย้ยเหยีบเล่น ย่ำยี
อยู่ตึงวันนี้ อ้ายแสนโศกกี๋ จิตใจ๋บ่มี รื่นรมณ์ซักหน้อย
อกอ้ายแตกแหง ขาดแดงเหียจ้อย เหมือนว่าวปุีดลอย เมฆขว้าง
สายใจ๋หวิดหวิว ดาปิ๋วขาดว้าง ค้างน้อยเท่าเส้น ใยบัว
จุ่งลืมปี่เตอะ เนอยอดทูนหัว บ่ถ้าเมามัว กึ๊ดเติงปี่อ้าย

[civilroom]

เก็บตก....เมืองน่าน 1

แตนความกล่าวฮัก บ่นักบ่หลาย เป๋นสารบรรยาย จากจายคนบ้า
หากน้องบ่สน ถอยหนหลีกหน้า ก็ขอสูมา โตษไว้
นึกว่าหลับฝัน สิ่งอันมันไร้ เป๋นเรื่องได้ ฝันมา
แต่ถ้าว่าน้อง ใฝ่ข้องครวญหา มีกรุณา เมตต๋าสักหน้อย
... จึงเขียนค่าวสาร กำขานค่าวถ้อย ลองอ่านกอย ผ่อไว้
ถ้าคิดเล็งหัน ตั๋วอันปี่ไท้ ตี่ว่าได้ เขียนมา
โดยความฮักน้อง ที่ปองขวัญต๋า แต่เหิรเมินมา ครวญหาแต่เจ้า
หากน้องคนดี บ่มีคนเฝ้า แฝงแยงเงา จ่องไว้
อ้ายขอมาเป็น ตั๋วเวรรับใช้ อยู่ร่วมชิดใกล้ คนงาม
ขอเป๋นกู่มิตร อยู่ชิดตวยต๋าม ทุกเมื่อโมงยาม แบกหามแตนเจ้า
บ่คบเคือกกิ๋น สุรินน้ำเหล้า บ่หื้อมัวเมา โห่ร้อง
ขอใจ๋แห่งนาย แม่สายคำก้อง ลองเชื่อคำถ้อย คนเมา
โผดผายจายไว้ บ่ให้โศกเหงา ช่วยหันบรรเทา เมาจ๋นน้องบ้า
จิตใจ๋ใฝ่หวัน ใคร่หันแต่หน้า ทุกชุ๊เวลา ค่ำเช้า
อ้ายปอขอตั๋ว เจ้าหัวคำเกล้า บ่หลบหลีกลี้ กำวอน

[civilroom]

ได้อยู่เคียงก๋าย บ่หายห่างลี้ สองเราดั่งอี้ สู่ชม
ไฝ่ฝั้นฟักเฟื้อ แนบเนื้อคิงกล๋ม ออดอ้อนผารมณ์ ปากอ่อนจนแก้ม
ฉิมพลีสวรรค์ เสกสรรแต่งแต้ม น้ำค้างเดือนแรม หนาวนัก

... ยอดดวงสีเนห์ ปี้เทความรัก ไฝ่มักแต่เจ้า นางเดียว
หวังเตียมคู่ซ้อน แม่มอนต๋าเขียว เหมือนดั่งเหล็กเคียว จ่องจั๊กเกี่ยวหญ้า
ผ่านวันเดือนปี๋ ขอคนดีถ้า บ่เมินนั้นจา ว่าไว้

จักยอมมอบตั๋ว หัวใจ๋พี่ไท้ เป๋นแสงแคร่ใต้ ไฟโคม
ได้เชยนงนุช ส่วนสุดประสม สุขแม้นเมืองพรหม จั๊นฟ้าตังเก้า
เจ้าร่างอินทร์แปล๋ง แม่แสงคำเบ้า บ่จุพรางเอา สุ่ยย้อม

[civilroom]

civilroom, focus_lis, Chiañg|2ai_|3igGië, บ้าเบ็ด และ 1 บุคคลทั่วไป กำลังดูหัวข้อนี้



ขอสูมาเต๊อะ บ่าก่อยว่างไปก๊อปค่าวมาลงเลย

พอได้เอามาลงกำเดียวบ่าดาย มิตรรักแฟนค่าวของอ้ายหนานก่อมาตอนรับอย่างม่วนอกม่วนใจ๋

[civilroom]

14 กุมภา

สัจจะสัจจิ๋ง บอกญิงที่รัก ประจักษ์แจ่มแจ้ง ดวงทัย
ปากพี่ฟู่แท้ ก่แน่ตึงใจ๋ น้ำมีเพียงได ดอกบัวเพียงอั้น
ตอกเกี้ยวมัดก๋อน มุงซอนก่หมั้น คำอู้ผูกพัน แอเท้า

สลิดเกี๋ยงเหมย หมอกเชยคราวเช้า ลมหนาวปั่นเข้า ทรวงใน
หนาวเนื้อก๋ายนั้น ปอกลั้นทนไหว ย...ังมีฟืนไฟ หิงอุ่นป้องหน้า
เต๋มว่าเย็นคิง เปิ้งปิงผืนผ้า เรียมหากเซาะมา ห่มซ้อน

จิตหนาวนี้จา อกข้าสะต๊อน เหน็บสั่นไหวข้อน อุรา
เหมยขาบคะนิ้ง อาบกิ่งรุกขา เกาะติ๋นจายคา ค้างยอดใบกล้วย
เดือนยี่สี่สาม หนาวถามหาด้วย กึ๊ดเติงแม่มวย ผมซ้อง

อย่าได้สงสัย คำใบเมืองว้อง ถ้อยนี้คือห้อง ใจ๋ชาย
ด้วยเหตุนั้นแล้ว แม่แก้วโฉมฉาย พี่รักบ่มาย ก่หมายกุ้มเถ้า
ใส่บาตรร่วมขัน เคียงกั๋นร่วมเฝ้า สองตั้งจิตเอา จุภพ

ไหว้พระคำเหลือง สองเนื่องสองนบ สองคบสองสร้าง สองกอน
อันตั๋วพี่ไท้ เป๋นไม้แป๋ก๋อน ตั๋วน้องบังออน เป๋นต๋งแวงขั้น
สองใจ๋ประสงค์ เชื่อมโยงยึดหมั้น หนึ่งเดียวผูกพัน แต๊ตั๊ก

อุปสรรคได น้อยใหญ่มากนัก ก่จักต่อสู้ ฝ่าฟัน
แม้นได้ทะเลาะ หยอกเยาะเคียวกั๋น หลายเรื่องหลายอัน เป๋นคำปากต้าน
ตังลิ้นและฟัน สำคัญจุด้าน ยังรู้พะพาน กระทบ

หลอนเมื่อจักกิ๋น เขี้ยวลิ้นมาพบ ยังขบถูกต้อง กั๋นจา
พี่อู้บ่เพราะ เสนาะโสต๋า ยามสนทนา ขัดใจ๋ยอดสร้อย
ขอน้องอดทน หื้อคนอ่อนด้อย พ่อสีดำมอย ต่ำจั๊น

เจ้าสลิดเขียม เรียมบ่คาดคั้น อย่ากึ๊ดด่วนสั้น ห่างไป
โปรดอย่าทิ้งละ จังจ๊ะใจ๋ไกล๋ ตัดบัวมีไย ที่ไหนปุดเสี้ยง
ร่างอ่อนคิงไหว คำใบหน้าเกลี้ยง พี่นี้บ่เอียง จากน้อง

จิ่งเขียนเลขลาย กดหมายปากฟ้อง เป๋นสาส์นค่าวถ้อง นิยม
ลำนำเรื่องเก๊า เงื่อนเหง้าปฐม แตนเสียงคารม หัวใจ๋ของข้า
ถึงก๋ายห่างกั๋น กึ๊ดหันแต่หน้า บรรทมนิทรา คลั่งเพ้อ

[civilroom]

สิบสี่กุมภาฯ ขอจ๋ากล่าวถ้อย แม่สีดำมอย อ้อดฮ้อด

หันข่าววัยโจ๋ โอ้โฮมายก็อต สุดยอดของต้น แหลวแตว
สังคมมันเฟ๊ะ เล๊ะกั๋นเป๋นแถว เขาว่าเด็กแนว ต๋าแหลวรอบด้าน
มันห้ดหู่ใน หัวใจ๋เสี้ยงถ้าน บ่อกล้าวิจารณ์ ไปนัก

... เซนต์วาเลนไทน์ มุ่งหมายหื้อฮัก เป๋นหลั้กปั้กใต้ โลกา
เลิกละโลภะ โมหะโทสา หันหน้าเข้ามา ปรึกษาฟู่อู้
หื้อได้ฉักกั๋น ม่วนงันจู๊ผู้ จ้วนกั๋นก๊ำจู โลกนี้

เป๋นเรื่องเล่าขาน ต๋ำนานบ่งจี๊ ของฝรั่งเถ้า หัวแดง
ของดีมีไว้ เอาไปดั้ดแป๋ง มะเดื่อเนื้อแดง มีแมงบ่อนไส้
หนุ่มสาวสมัย อ้ดใจ๋บ่อได้ มือไวใจ๋ไว เนียนแน้ก

แต่หัวจ้ดติ๋น มันดิ้นแด้กแด้ก หวังเอาแต่ได้ อย่างเดียว
บ่อได้ยั้งคิด ตั๋วบิ้ดเป๋นเกี๋ยว ขืนจ๊าหน้อยเดียว เป๋นเสี่ยวจ้อยหว้อง
งัวมีกู้ขา ม้ามีกู้ข้อง ต้องตี๋ต๋าจอง เอาไว้

ความหันแก่ตั๋ว หัวฟลูออไรด์ สมองบ่อได้ ไตร่ตรอง
ปากบอกว่าฮัก มากมายก่ายก๋อง แม่ดอกบัวตอง แย้มบานผี้หลี้
ฮักกั๋นหยั่งใด เป๋นได้ดั่งอี้ มีเรื่องบ่อดี เต๋มแฟ้ด

สาวหน้อยสาวจี๋ น้องนีน้องแน้ท ราคะแปดเปื้อน กายา
เอากำว่าฮัก ใจ๊กั้บตั๋ญหา บ่อได้แต้นา ขิค้านเต๋มตี้
คนจะฮักกั๋น มันบ่ะหยั่งอี้ ความฮักนั้นมี กู้มื้อ

บ่อมีไว้ขาย บ่อได้ไว้ซื้อ ฮักนี้มีหื้อ กู้คน
ฮักปี้ฮักน้อง ป้อแม่ของต๋น ฮักแม่หน้ามน คนนอนฮ่วมข้าง
ยังปอมีแฮง กิ๋นแก๋งกะด้าง กั้บแม่แอวบาง ดอกฟัก

เขียนมาก่อหลาย จายจะขอพัก ปั้กหลั้กขีดเส้น วางลง

[civilroom]

ราตรี๋เคลื่อนคลาย เปลียนว้ายเวียนผัน จากคืนเป๋นวัน มีอันมืดแจ้ง
เป๋นวัตตะโก โลโก๋ต่อแถ้ง มีเส้นแสดง แบ่งทิศ
เรียกว่าโลกหมุน หันหุนชีวิต ติดกับโลกสร้าง โลกันต์
ยามตี๋นฟ้ายก ไก่หกปีกขัน แสดงว่ามัน เริ่มหันสู่แจ้ง
ดวงสุริสาย เริ่ม...ภายฮ่วมแถ้ง มีแสงสีแดง ขอบฟ้า
ไก่แก้วซ่นขัน คือมันบอกต้า ว่าเริ่มแจ้ง แสงทอง
ประชาทั่วพื้น นอนตื่นทั้งผอง ใจ๋สอดแลมอง หาก๋านงานสร้าง
ต๋ามหน้าที่ต๋น เป๋นคนบ่ด้าง มองหาหนทาง ต่างย๊ะ
ล้วนมีแต่ก๋าน เป๋นงานสัปป๊ะ เยี๊ยะบ่เสี้ยง ตึงวัน
ลุกมาคราวเช้า หัวเมาหัวหวัน ฮู้ไผฮู้มัน เหมือนกั๋นทั่วบ้าน
ตากฮ้อนฝนหนาว ผิวขาวปอด้าน หาเซาะทำงาน เพื่อทรัพย์
มาไจ้จ่ายกั๋น มีอันบ่อนับ บ่ฮู้ขีดข้อ จ๋ำนวน
พ่องมาหาไจ้ ทำไร่ใส่สวน ต๋ามก๋านอันควร ฮิหามาสร้าง
หมู่จุมหนุ่มสาว รุ่นราวก้นกว้าง ต่างหาหนตาง เรื่องรัก
ต๋ามวาระก๋าล ประสานผูกมัด มาแต่เบื้อง โบราณ
เขียมคนหลีกหลบ ทั่วภพสงสาร ความเป๋นสันดาน ประสานเตื่อมแถ้ง
จายหนุ่มจุมสาว ดำขาวจุ่มแห้ง พวกเขามีแฮง เก่งนัก
ทำไฮ่ใส่สวน ต๋ามควรมีวัก พ่องทำไฮ่ฝ้าย ป๋ายนา
บางพ่องเลื้อยไม้ พ่องไปหาปล๋า แล้วแต่ปัญญา เซาะหาเลี้ยงไส้

[Siranoi]

สุดญอดบ่าก๊วยเต้ส..

[civilroom]

ฮ่มเย็นพฤกษา จายคาต้นไม้ พักอยู่ฮ่มใต้ จื้นใจ๋สุขขา
ยามเหนื่อยเมื่อยฮ้อน อิ้ดอ่อนนักหนา ยามสุริยา สาดแสงแฮงกล้า
ฮ่มไทรฮ่มโพธิ์ ใหญ่โตแตกอ้า จุ้มจื้นเมื่อมา ผ่อนพัก

ฮ่มกว่าโพธิ์ไทร มากมายหลายนัก ฮ่มฮักจากแม่ มารดา
มีกุ้อย่างพร้อม ฮ่มต้อมบุตต๋า กุ้วันเวลา ตีคาเตี้ยงหมั้น
ยามเศร้าหัวใจ๋ ยามภัยมาป้าน ยามทรมาน หมุนซุก

ยามเจ็บป่วยก๋าย ยามได้ยากตุ๊กข์ ยามถูกรานรุก จีวา
ยามเมื่อย่อท้อ ใจ๋ฝ่อปั๋ญหา เรื่องร้ายนานา เข้ามาล้อมหลุ้ม
มืดตั๋นตางไป ไผบ่ห่อหุ้ม มีก้ารามรุม สุมฮ้อน

ต่ำจ๊าเลวทราม ถูกหยามถูกย้อน ไผบ่ฮับต้อน หน่ายจัง
ย้อนเยี้ยะพลาดพลั้ง ละไว้ตางหลัง หื้อได้เปปัง ลำพังเดี่ยวดั้น
บ่เกยผลักใส ได้แต่แป๋งปั้น กุ้เวลาวัน ตุ้มซ้อน

หนึ่งเดียวดวงใจ๋ หื้อได้ตึงม้อน ผ่อกอยฮับต้อน ห่วงใย
เฝ้ากอยฟูมฟัก ด้วยฮักมากหลาย อาทรอาลัย มีใจ๋ผูกหมั้น
บ่มีผะสงค์ คดโกงต่อต้าน บ่มีรำคาญ เบื่อจ๊ะ

หื้อกุ้เวลา หื้อกุ้วาระ มีกุ้สิ่งหื้อ นานา
หื้อตึงจีวิต หื้อตึงเมตต๋า ตึงกรุณา นำปากุ้ด้าน
สร้างสรรค์บันดล หื้อป้นยากกั้น หื้อป้นภัยมาร โมฆะ

จะมีไผไหน เป๋นได้ตึงพระ เป๋นได้ตึงเทพ ตึงพรหม
มีแม่เต้านั้น ปันหวันเกลี๋ยวกล๋ม มีแต่จื้นจม นิยมลูกเต้า
มีฮักมากหลาย เป๋นสายแบบเบ้า บ่มีบางเบา เก่าม้าง

มั่นคงยืนยาว แต่คราวเมื่อครั้ง ตี้เริ่มต๊องตั้ง ปามาน
เว้นสิ่งตี้ฮ้าย กลั๋วไปเกี่ยวหวัน ลูกตี้ในครรภ์ อยู่ในต๊องไส้
จะไปตี้ไหน ตึงไกล๋ตึงใกล้ เมื่อกึ้ดตรองไป ยั้งพัก

จะกิ๋นอาหาร คาวหวานเผ็ดนัก กลั๋วจักบิ่นบั้ง ตางใน
ถนอมทำนุ ร่างก๋ายจิตใจ๋ บ่เอาสิ่งใด โพยภัยมาป้าน
ติฉินนินตา อู้จ๋ากล่าวต้าน บ่ฟู่รำพัน ปากตั๊ก

เกิดคลอดลูกยา นำมาฟูมฟัก จ๋นเจ้าใหญ่หน้า กล้าบาน
ส่งเจ้าเฮียนฮู้ เยียะเวียกทำก๋าร จ๋นได้แต่งงาน มีลูกมีเต้า
แต่วันนี้หนา มารดาแก่เฒ่า หงอยเหงาซึมเซา เหว่ว้า

เตียวย่างไปไหน ร่างก๋ายเหนื่อยล้า ต๋ามัวเป๋นฝ้า เลือนลาง
กิ๋นข้าวกิ๋นน้ำ ซ้ำซากจืดจ๋าง เจ็บป่วยนอนคราง ตุ๊กขังโศรกไหม้
กองหาลูกหลาน ปอบ่มาใกล้ มาต้อดตุมดาย หน่ายจ๊ะ

ลูกเหยอยู่ไหน เป๋นใดขว้างละ หื้อแม่เดี่ยวดั้น เดียวดาย
ปล่อยแม่เปลี่ยวว้าง เปปังก๋ายใจ๋ ลูกอยู่ตางใด บ่ไจเยี่ยมบ้าน
ไค่หื้อบุตต๋า มาหาเสี้ยงถ้าน ก่อนตี้จีวัน จากค้าย

แม่ไค่ร้องขอ ลูกครั้งสุดท้าย แม่ต๋ายยกขึ้น ยองไฟ
อย่าปล่อยเน่าเพะ น้ำหนองเฮี่ยไหล ถึงแม่จากไป อภัยลูกเต้า
กตัญญุต๋า กั๋มมุนาเจ้า หมุนเวียนวนมา ขียาขอจ้บ.เต้านี้ก่อนแล



หนาน ป่าแป๋

[“TumFishing”]

ขออนุญาติเอาบทความ ไปจ้อยสาวหน่อยเน้อครับ

[civilroom]

ขออนุญาติเอาบทความ ไปจ้อยสาวหน่อยเน้อครับ

เอาไปเตอะครับ คนแต่งยังเคิ้นเต๊าบ่าเดียว.

ผลเป็นจะใด เอิ้นบอกจิ่มเน้อ 

[civilroom]

ลืมอ้ายเปิ้ลกั๋นแล้วก้า

 

[Ck 401]

ขออนุญาติเอาบทความ ไปจ้อยสาวหน่อยเน้อครับ

เอาไปเตอะครับ คนแต่งยังเคิ้นเต๊าบ่าเดียว.

ผลเป็นจะใด เอิ้นบอกจิ่มเน้อ 

555+

[Ck 401]

การอ่านค่าว ผมว่าพิมม์สองคำแล้วเว้นวรรค มันจะอ่านง่ายเน่อคับ [/color] 
ถ้ามาเจื่อผมจะปักหมุดหื้อเน่อคับ

[ashita cup]

ม่วนดีคับ อ่านเมื่อไดก้อชอบคับ
ขออนุญาติเอาไปอู้กับสาวๆซักน้อยเน้อคับ เผื่อว่าจะมีสาวมาติดใจ๋ผ่อง 
จะได้แฟนกำนี้ละ 555