คำหนาน ป่าแป๋

[platu]

ญิงชายอยู่ร่วมได้............เป๋นคู่
มีจิตใจ๋ร่วมอยู่................แนบข้าง
ต่างมีฮักแลดู.................ตึงม่วน ใจ๋แฮ
มีสุขได้ร่วมสร้าง.............ม่วนล้ำสองเฮา

... ถ้าเป๋นเนื้อคู่แล้ว...........คำชาย
จะอยู่จ๋นเต้าต๋าย...........แน่แท้
ถึงจะทุกข์ญิงชาย.........จะร่วม อยู่ตวย
เนื้อคู่แท้บ่แพ้..............บ่ลี้หนีไป

อ่านแล้วอยากพบหน้าเนื้อคู่ขึ้นมาเลย 

[จงเชื่อมั่นในตัวเราเอง]

ญิงชายอยู่ร่วมได้............เป๋นคู่
มีจิตใจ๋ร่วมอยู่................แนบข้าง
ต่างมีฮักแลดู.................ตึงม่วน ใจ๋แฮ
มีสุขได้ร่วมสร้าง.............ม่วนล้ำสองเฮา

... ถ้าเป๋นเนื้อคู่แล้ว...........คำชาย
จะอยู่จ๋นเต้าต๋าย...........แน่แท้
ถึงจะทุกข์ญิงชาย.........จะร่วม อยู่ตวย
เนื้อคู่แท้บ่แพ้..............บ่ลี้หนีไป

อ่านแล้วอยากพบหน้าเนื้อคู่ขึ้นมาเลย 

เหมือนกันเลยค่ะ ^_^

[Neo_G]

แวะมาทักทาย

[เมาเจอตุง]

ทำดีร้อยหน เสียงคนเงียบงด ฟังหาบ่อได้ กำเดียว
ความดีเฮานั้น ไผบ่อแลเหลียว ทำบาปเตื่อเดียว นินทาทั่วบ้าน นินทาทั่วบ้าน

[civilroom]

กึ๊ดเติงหาสาว เจ้าจี๋ดอกรัก อยู่ไหนกาเจ้า รอมแพง
คิดถึงจ๊าดนัก บ่มีหน่ายแหนง กองหาแก้มแดง คนงามอ้อยหล้อย
แต่งเป๋นค่าวซอ ม่วนงันบ่หน้อย ส่งไปกับลม ล่องฟ้า

หื้อส่งไปถึง คนงามบ่ช้า ได้อ่านค่าวสร้อย คำชาย
คิดถึงจ๊าดนัก อี่น้องทองสาย อยู่ไหนกานาย ได้รับก่อเจ้า
ส่งไปหานาย แม่หลอมหล่อเบ้า ขอหื้ออี่นาย ฮู้ไว้

[civilroom]

เครื่องคอมก็เสีย เลยคลาคลาดแคล้ว บ่ได้มาเข้า หลายวัน
ก๋ารงานก็นัก มาแวดมาหวัน ตึงบ่ม่วนงัน งานรุมบ่หน้อย
แวะเข้ากระดาน ผ่อไหนก็จ้อย บ่มีไผมา เอิ้นตั๊ก

ถามหาคำญิง เจ้าจี๋ดอกรัก บ่หันแวะเข้า มาไจ
ป้อจายเหมนั้น ปากั๋นไปไหน เหลียวผ่อตางใด บ่มีไผเข้า
เลยมาถามหา อี่นายน้องเหน้า สุขใจ๋ก่อจา นาฏน้อง

[civilroom]

มันง่อมใจ๋ล้ำ ยามบ่มีไผ เหลียวผ่อตังใด ใจ๋ก่อหม่นเศร้า
คนโสดไหนหนา จะมานั่งเฝ้า อยู่ข้างๆ เฮา ค่ำนี้
จุ่งยื่นมือมา อย่าลาหลีกลี้ คนง่อมคนหนี้ ตุ๊กข์ทน
สวรรค์บนฟ้า จ้วยข้าสักหน คนโสดซักคน มาเป๋นกู้ข้าง

[civilroom]

สุริยน ลับหนตกแล้ว หมดสิ้นแสงแก้ว วิฑูรย์ไอศวร
ราตรีคืนนี้ งามดีจันทร์จ๋วน เปล่งอาภานวล เย้ายวนหิ่งห้อย
มะมาบมะเมือง แสงเรืองยอดสร้อย นางมณีลอย เล่นฟ้า

รามสูรสาย พักก๋ายอ่อนล้า หยุดความเก่งกล้า ผ่อนที
... สามคืนก่อนนั้น ไค่ดั้นถอยหนี ฟ้าฝนลมมี สุนีบาตก้อง
ฟ้าร้องลั่นไกล๋ ในใจ๋แตกต้อง เหมือนเทวาลอง ฤทธิ์นี้

คืนนี้ม่วนงัน จั๊กจั่นหรีดรี้ ส่งเสียงจีดจี้ กังวาน
ช่วยกั๋นร่ำร้อง กู่ก้องขับขาน หมู่แมงชื่นบาน เหยาะหยอกไฟเล่น
แมงเม่าแมงมัน บินผันต่องเต้น ต๊กโตลายเลน ไล่ติ๊

แมงนูนกิ๋นต๋อม ดอกหอมมะลิ แตกผลิกลีบข้อน อ่อนงาม
แหงนผ่อบนพ้น ยอดต้นหมากขาม ตั๋วแมงนูนนาม ขบใบกิ่งหลู้
มนุษย์คนหัน ใจ๋นั้นชอบสู้ เอาไฟส่องจู เก็บเล้า

[civilroom]

นั่งฟังเสียงเพลง บรรเลงนี้เล้า ความเหงาสร้อยเศร้า โถมเข้าโจ๋มตี๋
กล่าวถึงคนฮัก แสนจักโศกี๋ จายเลาคนดี กล่าวจี้บ่ข้อง
กึ๊ดถึงเมื่อใด ดังในโสตก้อง บ่สมดั่งปอง กึ๊ดไว้

เก่าก่อนเวลา สัญญาแน่ไซร้ สองเฮาแนบใกล้ กั๋นมา
หกปี๋ผ่านแล้ว เกยแซวอู้จ๋า บอกฮักกั๋ญญา จั๋นตากล่าวอ้าง
แต่เดิมนั้นหนา ปี้ยาเคียงข้าง จักคู่น้องนาง หนุนก้ำ

[civilroom]

ที่ใดมีรัก มักได้ทุกข์ย้อน ความโศกมาข้อน หื้อเฮาง่อมเหงา
ในยามรักร้าง หัวใจ๋เหี่ยวเฉา เปิ้นมาละเฮา นั่งอมขี้เหมี้ยง
อี่น้องหนีหาย แม่ใบหน้าเกลี้ยง มาละเฮาไป เหียแล้ว

ความทุกข์มาเยือน บ่คลาคาดแคล้ว แป๋งใจ๋ไว้สู้ ชีวิน
เศร้าบ่เมินนัก บ่ต้องถวิล ปล่อยหื้อยุพิน มีสุขใฝ่อ้าง
มาละตั๋วเฮา หื้อเหงี่ยงล้างหง้าง ก็บ่เป๋นได แต๊นั้น

[civilroom]

ง่อม...ฝนตกเมืองตราด
หนาวในหัวอก วิตกสะท้าน มาอยู่ไกล๋บ้าน ง่อมในหัวใจ๋
บ้านเฮาม่วนล้ำ นักกว่าเมืองไหน ผ่อไปทางใด สุขใจ๋บ่หน้อย
ของกิ๋นก็ลำ หัวใจ๋เป่งป้อย อู้จ๋าม่วนดี จ๊าดนัก

... น้ำใจ๋ก็ดี อู้จ๋าเอิ้นตั๊ก ลุงหลานปี้ป้า อาวอา
อยู่ไกล๋แบบนี้ ก็กึ๊ดเติงหา อยากจะแวะมา แอ่วบ้านเน่อเจ้า
อยู่ตี้เมืองตราด อยากไปแวะเข้า เยี่ยมป้อแม่เฮา เจ้นล้ำ

[civilroom]

ฝนตกฟ้าฮ้อง น้องอยู่ไหนหนา บ่ปิ๊กคืนมา ดำนาปลูกข้าว
ป้อแม่ห่วงหา คิดถึงแต่เจ้า กลับทุ่งนาเฮา เถิดน้อง

อย่าได้ไปเป๋น นักเต้นรำร้อง อยู่ตี้แห่งห้อง แดนใด
กรุงเทพเมืองฟ้า ดินแดนแสนไกล๋ เมืองศิวิไลซ์ แสงไฟส่องหน้า
... อย่าหลงแสงสี ลืมอาน้าป้า ลืมไฮ่ลืมนา ป่าแพะ

อย่าลืมหิงจ๋ำ ตั้งข้องและแซะ เกยเซาะสอดส้อน ต๋ามนา
อึ่งกบเขียดฮ้อง เหมือนน้องเรียกหา อย่าเสียเวลา ปิ๊กมาเต๊อะเจ้า
เฮามาจ่วยกั๋น ดำนาเกี่ยวข้าว ต๋ามฮีดฮอยเฮา ก่อนนั้น

[civilroom]

จิตใจ๋หมองหม่น ของคนฮักแต๊ ตั้งใจ๋แน่วแน่ ฟ่าฟัน
วันนั้นไกล๋นัก ก่อยังไฝ่ฝัน หวังความผูกพัน จะมาอยู่ใกล้
สดชื่นรื่นรมย์ ไปแอ่วเหนือใต้ ติ๋ดต๋ามกั๋นไป กู้ฮัก

กิ๋นอิ่มนอนอุ่น เกื้อหนุนฟูมฟัก จับจองหมายหมั้น สัญญา
มาถึงวันนี้ ยังอยากสบต๋า เอื้อนเอ่ยวาจา เดินคู่เคียงข้าง
แม้ดูเหมือนฝัน แต่งเติมเสริมสร้าง ลวงหลอกเลือนลาง ใจ๋นี้

[civilroom]

แม่ดวงจ๋อมขวัญ แก้มนวลไฝ่มัก ที่รักตั๋วอ้าย รอมแปง
ใจ๋จายนี้ไท้ บ่ใช่หินแข็ง ดั่งศิลาแลง ก๋ำแปงแก้วเจ้า
ฮู้จักหม่นหมอง โศรกต้องความเศร้า หัวอกจายเลา แตกม้าง

หยื้อไหนก่หวิด ติดไหนก่ว้าง เหมือนกั๋นค่างเถ้า หวิดเฟย
มีก้าตั๋วร้อง บ่มีตั๋วเหย เหมือนนกป้อเฮย จับเฟยไม้แห้ง
ตั๋วก๋รรมใดจา เข้ามาเสแสร้ง หนีบเก๊นเหลือแรง จายรับ

[chate]

ญิงชายอยู่ร่วมได้............เป๋นคู่
มีจิตใจ๋ร่วมอยู่................แนบข้าง
ต่างมีฮักแลดู.................ตึงม่วน ใจ๋แฮ
มีสุขได้ร่วมสร้าง.............ม่วนล้ำสองเฮา

... ถ้าเป๋นเนื้อคู่แล้ว...........คำชาย
จะอยู่จ๋นเต้าต๋าย...........แน่แท้
ถึงจะทุกข์ญิงชาย.........จะร่วม อยู่ตวย
เนื้อคู่แท้บ่แพ้..............บ่ลี้หนีไป

อ่านแล้วอยากพบหน้าเนื้อคู่ขึ้นมาเลย 

เหมือนกันเลยค่ะ ^_^

อีลุงก็เหมือนกั๋น

[thaba]

ถ้าใจ้กำเมืองหมดม่วนขนาดเน้อครับ แต่ก็สะกดยากคับ

[►••• Natz. •••◄]

อ่านเข้า ๆ จนจะซอจ้างละหนานิ 

[civilroom]

หน่อไม้หลงปี๋ ยังหวังมีก้าน เพื่อผลิใบบาน ปกพื้น

ใต้พสุธา ใฝ่หาความชื้น ยามฝนเหือดแห้ง ครั้งคราว
ถ้วยคู่กับจ๊อน ฮ้อนคู่กับหนาว สั้นคู่กับยาว หนุ่มสาวคู่ห้อง
วัวมีคู่ขา ปล๋ายังคู้ข้อง เงินคู่กับทอง แม่นแล้ว
...
สักวันเต๊อะหนา อ้ายหนานบ่แคล้ว ต้องพบคู่แก้ว เตียมคิง
บุพเพฯบรรจบ หื้อพบเพื่อนหญิง คู่ซ้อนนอนอิง อยู่กั๋นจ๋นเถ้า
จะมีครอบครัว หวังมีลูกเต้า แผนชีวิตเอา วางไว้

คำหนาน ป่าแป๋ โฟสในเฟส ลุง มาลา คำจันทร์ เบิ้ลอดบ่าได้ตี๋หันคำหนานครองโสดไร้กู่มาเมินเลยค่าวสอนอ้ายคำหนานมาจะอี๊

"จะไปเลือกเมิน บ่านายน้องไท้ จักชวดเสียอั้นทางอิง เลือกนักล้ำ กินน้ำหันปลิง จ้ักหานางญิง ผู้ใดผ่องแผ้ว บ่มีด้วงแมง บ่เป็นป้าวแป้ว เสาะหาเจ็ดเดือนบ่พบ บ่าฮ้ายบ่าดี หื้อลองผ่อคบ ค่อยศึกษาเฝ้าโตยดู ระวังเน้อไท้ ได้เมียสัตถู ขนครัวมาชู อย่าเอาเน้ออ้าย เลือกสาวเลือกนาง แม่ฮ้างแม่หม้าย หื้อผ่อภายในเนื้อนั้น ถ้าเป็นคนดี เร็วไวน้องชั้น แต่งขันหมากห้างไปเลย หากเป็นแม่ฮ้าย บ่านายหื้อเฉย เกาะแกะกุ๊นเกย อย่าเอาอย่าอู้ มันม่อหื้อเฮา ก็ม่อทุกผู้ ไผต่างได้นอนแม่ฮ้าย จักกลายเป็นงัว เข้าสวนตัวท้าย เปิ้นจักผูกมัดฟันแทง กำเดวบ่านั้น ว่าเมียเทียมแฝง ของฅิงฮาแทง ปอหลุแหลกหล้ม กำเดวแห็มคน ว่าฮาเด้าด้ม พอก้ายพอแกนบ่าเฮ้ย แม่ญิงบ่าดี หื้อสะเม้ยเก๊ย อย่าลวนลื่นหน้าเนอนาย พ่อสอนชาย แต่เพียงเท่าอี้ เท่านี้ก็วาดวางลง ก่อนแหล่นายเฮย"

มาลา คำจันทร์

[Number9]

อ่านเข้า ๆ จนจะซอจ้างละหนานิ 

อ่านนักๆ ท่าจะแต่งจ่างเนาะ 

[civilroom]

อ่านเข้า ๆ จนจะซอจ้างละหนานิ 

อ่านนักๆ ท่าจะแต่งจ่างเนาะ 

ใคร๋ฟังค่าวจากอุ้ยผ่อง หั๋นไปสิงอยู่ห้องแต่งกลอน สงสัยจะค่าวเก่ง