เกยได้ยินจะอี๊ก่อ

[jungle28]

ผมได้ยินแม่เปิ้นอู้เมินแล้วเกี่ยวกับลักษณะการประกอบอาชีพของคนเจียงฮาย
"เด่นห้าก๊าหลัว สันโค้งก๊างัว หนองบัวก๊าข้าว"
เด่นห้าก๊าหลัว = น่าจะมีที่มาจากชุมชนเด่นห้า จะอาศัยอยู่ใกล้กับภูเขา ดอยป่าช้าเด่นห้าในปัจจุบัน จึงเก็บฟืนแล้วนำมาขาย
สันโค้งก๊างัว = น่าจะมีที่มาจากแต่เดิมชุมชนสันโค้งจะมีอาชีพค้าขายสัตว์พวกวัว/ควาย
หนองบัวก๊าข้าว = จากลักษณะภูมิประเทศของชุมชนบ้านหนองบัวจะเป็นทุ่งนาและที่พอจะเป็นที่สังเกตุชุมชนแห่งนี้จะมีโรงสีข้าวจำนวนมาก ปัจจุบันยังหลงเหลือร่องรอยโรงสีข้าวที่พัฒนาเป็นโรงสีข้าวขนาดใหญ๋ และปล่อยทิ้งร้างไว้หลายแห่ง
ผมว่า มันน่าจะมีนั๊กกว่านี้ ผมจำได้แค่นี้ ใผ่มีคนบ่าเก่าอยู่ในบ้านลองถามผ่อ แล้วเอามาต่อกับข้างบน ผมว่าน่าจะสืบค้นความเป็นมาของคนเจียงฮาย ได้แฮ๋มตางครับ

[batee8888]

จขกท อายุเต่าใดแล้วนิ  อันตี่ว่ามา บ่าเด่วมันบะปะสักอย่างเน้อเจ้า
แต่เด่นห้า มีขายก่าถ่านดำเน้อเจ้า อิ อิ

[jungle28]

จขกท อายุเต่าใดแล้วนิ  อันตี่ว่ามา บ่าเด่วมันบะปะสักอย่างเน้อเจ้า
แต่เด่นห้า มีขายก่าถ่านดำเน้อเจ้า อิ อิ

อายุบ่านั๊กเต่าได แห่มสองสามปี๋ก่อกึ่งศตวรรษบ่าดาย ยังบ่าเฒ่าเตื่อ

[HANGMAN]

มันเป๋นกำคล้องจองว่ากั๋นเอาเปิงบ่าดาย
ตั๋วอย่างมีแหม  เช่น
ยา บ้านหงาว
สาว  บ้านร้อง
ก้อง  หละปูน
ปู๋น  บ้านปี้
(ของดี)  อยู่ดอกคำใต้

[khonrafun]

มันเป๋นกำคล้องจองว่ากั๋นเอาเปิงบ่าดาย
ตั๋วอย่างมีแหม  เช่น
ยา บ้านหงาว
สาว  บ้านร้อง
ก้อง  หละปูน
ปู๋น  บ้านปี้
(ของดี)  อยู่ดอกคำใต้

555
ตวย บรรทัด สุดท้าย
แหม ซาว เล๊อะครับ
[/list]

[nansom]

ก๊าหลัวบ่ค่อยมี มีแต่กาดถ่าน อยู่ตางร้านเพชรบุรีหั้น ปดล้องัวล้อควายกั๋นแล้วขายถ่าน เสร็จก็แอ่วกาด ซื้อขนมโก๋ ขนมปลา ขนมไข่นก ปิ๊กบ้านกั๋น

[ny zom]

แล้ว กำตี่ว่า  หน้อย สิก ยะก๋าร 
                 หนาน สิก เอาเมีย
 อี้เลาะ รองหื้อความหมาย ผ่อเลาะ

[jungle28]

แล้ว กำตี่ว่า  หน้อย สิก ยะก๋าร 
                 หนาน สิก เอาเมีย
 อี้เลาะ รองหื้อความหมาย ผ่อเลาะ

หน้อย = ผู้ลาสิกขาบทจากการเป๋นสามเณร
หนาน = ผู้ลาสิกขาบทจากการเป๋นตุ๊เจ้า(พระสงฆ์)
ก็คงจะเป๋นการบวชของพุทธศาสนิกชน อายุน้อยก่อบวชเณร สิกออกมาก่อไปเยี๊ยะก๋านต่อ
แต่การบวชพระส่วนใหญ่จะบวชทดแทนพระคุณของบุพการี เพื่อบุญกุศ๋ลที่ได้จากการบวช
เป๋นอานิสงค์ต่อบุพการี หลังลาสิกขาบทก่อจะออกมาแต่งงาน

[>:l!ne-po!nt:<]

ก๋ำลังเกยได้ยินเนี่ยะครับนี่

[Jeekuk]

หนาน กำทีก็ว่าจะบวช จนได้เป๋นตุ๊หลวง เอ้อเอ๊ย โดนเสน่ห์สาว ๆอดบ่ได้ก็เลยสิก เอาเมีย จ้าดพ่องก็หันว่า ตุ๊ปี้ นิสัยดี อยู่วัดก็หมั่น เทศน์ก็เก่ง (สงสัยมีกาถามหานิยมนักพ่อง) ป้อเมืยหันเปิงใจ๋ก็เลยตะหล้อมหื้อสิกแล้วจะยกลูกสาวหื้อ ปั๋นนาหื้อแหมปั้น ก็เลยเรียบร้อย มันตึงเป็นจะอี้เน่อปี้น้องเหย กอนตุ๊เจ้าหน้าต๋าดีอู้ม่วนจ๋าหวาน สาวแก่แม่หม้ายตึงหุมขนาด ทีเฮาหัวดำยังบ่สนใจ๋กำแล้ว

[พีเจ]

หน้อย หนาน ตะหานเก่า กิ๋นเหล้าแล้วหลุ ...แต้ก่อหาคับ