ถนนคนม่วนแห๋มกำลอ....

[HANGMAN]

ถนนคนม่วนเจียงฮายจัดขึ้นโดยเน้นของล้านนา  หรือของเมืองๆ บ้านเฮา
กับข้าวเมือง  ของกิ๋นของใจ้เมืองๆ  แต่งก๋ายชุดเมือง อีกหลายๆอย่าง
ตี้เป๋นของเมืองๆ  แต่เวลาเดินจับจ่ายซื้อของ ป้อก้า  แม่ก้า ส่วนใหญ่
จะบ่อู้กำเมือง  อู้แต่กำไทยทั้งนั้น (ยกเว้นป้อก้า แม่ก้า คนเฒ่า คนแก่)
แล้วจะหื้อหมู่เฮาคนแอ่วกึ๊ดจะฮือ?  จ้วยกำลอ......

[pit018]

คนเมือง กลายพันธุ์...

[เชียงรายพันธุ์แท้]

ถ้าผมได้ไปขายครัวตี้ขะถนนคนม่วนหรือขะหนนคนเตียว
ผมจะอู้เมืองครับ ป้ายสินก้าก็จะเขียนตั๋วเมืองเอาเจิง +ตั๋วอังกฤษ +ตั๋วไทย
เรียงลำดับจาอี้น่อ

ประเด็นเรื่องป้อก้าแม่ก้าตี้บ่ฮู้เมือง แต่อู้ไทย แยกได้เป๋น 2 ส่วนน่อครับ

1. แต้ๆแล้วเปิ้นอู้เมืองได้ แต่จำเป๋นต้องปากไทย ย้อนว่ากลุ่มลูกก้ามีหลากหลาย
แถมบ่าเดี่ยวคนใต้ / คนต่างจ้าด ยังอพยพมาอยู่บ้านเฮาจ้าดนัก
เลยต้องปากไทยไว้ก่อน จะได้ขายของง่าย

2. เปิ้นอู้กำเมืองบ่ได้ แต่ใคร่มาขายครัวในงาน
เซิ่งเปิ้นอาจจะเป๋น... คนใต้ตี้ย้ายมาอยู่บ้านเฮา / เป๋นคนเมืองตี้ป้อแม่บ่สอนอู้เมือง /
คนดอยตี้อู้ไทยชัดกว่าอู้เมือง / คนเมืองสลิดดก อายตี้จะอู้กำเมือง

[>:l!ne-po!nt:<]

ถนนคนม่วนเจียงฮายจัดขึ้นโดยเน้นของล้านนา  หรือของเมืองๆ บ้านเฮา
กับข้าวเมือง  ของกิ๋นของใจ้เมืองๆ  แต่งก๋ายชุดเมือง อีกหลายๆอย่าง
ตี้เป๋นของเมืองๆ  แต่เวลาเดินจับจ่ายซื้อของ ป้อก้า  แม่ก้า ส่วนใหญ่
จะบ่อู้กำเมือง  อู้แต่กำไทยทั้งนั้น (ยกเว้นป้อก้า แม่ก้า คนเฒ่า คนแก่)
แล้วจะหื้อหมู่เฮาคนแอ่วกึ๊ดจะฮือ?  จ้วยกำลอ......

ก่าจื่อมันกะบ๋อเมียงแล้วครับ  ถนนคนม่วน เปิ้นถนน กะถนนตวยเปิ้น ว่าแต้ๆตั้งแต่มีมานี่ผมยังบ๋อเกยไปเลยครับ พยายามหาเอกลักษณ์โดยก๋านใจ้กำเมียงมาเป๋นจื่อแต่กะบ๋อป๊นกำไทยอยู่ดี ผ่ออย่างถนนคนเดินกะเหมือนกั๋น กาดเจียงฮายรำลึก ถนนคนเดิน ยังบ๋อฮ้อง ตลาดเชียงรายรำลึกถนนคนเดิน บ๋อเข้าใจ ?

[DrDent]

อาจเป๋นเพราะว่าน่าจะมีนักท่องเที่ยวภาคอื่นมาแอ่วมั้ง

[☺ (ต้นฟ้า1 อิดเหนื่อย) ☺]

  ;Dอู้เมิงใส่เปิ่นไปก่อน ถ้าเปิ่นอู้ไทยมาก่อยอู้ไทยปิก

[แมงคอลั่น]

ถ้าผมได้ไปขายครัวตี้ขะถนนคนม่วนหรือขะหนนคนเตียว
ผมจะอู้เมืองครับ ป้ายสินก้าก็จะเขียนตั๋วเมืองเอาเจิง +ตั๋วอังกฤษ +ตั๋วไทย
เรียงลำดับจาอี้น่อ

ประเด็นเรื่องป้อก้าแม่ก้าตี้บ่ฮู้เมือง แต่อู้ไทย แยกได้เป๋น 2 ส่วนน่อครับ

1. แต้ๆแล้วเปิ้นอู้เมืองได้ แต่จำเป๋นต้องปากไทย ย้อนว่ากลุ่มลูกก้ามีหลากหลาย
แถมบ่าเดี่ยวคนใต้ / คนต่างจ้าด ยังอพยพมาอยู่บ้านเฮาจ้าดนัก
เลยต้องปากไทยไว้ก่อน จะได้ขายของง่าย

2. เปิ้นอู้กำเมืองบ่ได้ แต่ใคร่มาขายครัวในงาน
เซิ่งเปิ้นอาจจะเป๋น... คนใต้ตี้ย้ายมาอยู่บ้านเฮา / เป๋นคนเมืองตี้ป้อแม่บ่สอนอู้เมือง /
คนดอยตี้อู้ไทยชัดกว่าอู้เมือง / คนเมืองสลิดดก อายตี้จะอู้กำเมือง

+++

[Aikaew]

บะได้แวะไปสักวันเตื้อ อิอิ จื้อถนนคนม่วน มาจากข้อตกลงของตี้ประชุมคณะทำงานน่ะครับ มีอ้ายหนิ่งสะบันงาเป๋นเก๊า ร่วมทีมสาสุขเจียงฮาย ชมร้านอาหารฯ กับแหมหลายส่วน ภายใต้งบจังหวัดเชียงราย (จัดได้สัก 3-4 เตื้อก่อหา อิอิ) น่ะครับ หลังจากนั้นทีมชุมชนจัดก๋านกั๋นต่อมาครับ
เข้าใจ๋ว่าเพื่อสื่อสารกั๋นได้ฮู้เรื่องกว้างขวางน่ะครับ
กำว่าถนน ขะหนน กำตี้สื่อได้ตรงกั๋นกว้างกว่าน่าจะเป๋นกำว่าถนนน่ะครับ
ป้อก้าแม่ขาย ก็บะได้มีก้าคนเมืองน่ะครับ ยั่งว่าแหละไผปอมีโอกาสก็มาจ้วยกันทำมาหากิ๋น ถ้าจะรณรงค์หื้ออู้กำเมืองกั๋นในงาน ก็เริ่มต้นจากทีม ปชส น่ะครับ มีกำเมือง กำไท กำฝรั่ง และก็หาวิธีหื้อคนซื้อคนขายอู้เมือง เช่น ประกาศเกียรติคุณในงาน ในเวป เป๋นต้น ส่วนจะได้นักหน้อยยั่งใด ก็ก้อยๆปรับปรุงกั๋นไป
เป้าหมายของงานนี้ จะสนับสนุนหื้อเกิดโฮมสเตย์แบบล้านนาเจียงฮาย สำหรับนักท่องเที่ยวต่างประเทศยั่งใดได้ ก็ท่าจะต้องจ้วยกั๋นกึ๊ดทำหยังแหมหลายยั่ง เจ้าภาพจั๋งหวัดเจียงฮายอาจเป๋น ททท เจียงฮาย น่าเข้ามาเป๋นเจ้าภาพหลัก นักกว่าสาสุขนะครับ สาสุขควรเป๋นรอง มีหน้าที่สนับสนุนสินค้าเกี่ยวเนื่องพวก สัปปายะล้านนาสไตล์ สุขภาพปื้นบ้านกิ๋นหอมต๋อมม่วน บ้านพัก สว ฯลฯ

[batee8888]

เวลาไปแอ่วเปิ่นเอารถยนต์ไปจอดกั๋นตางใดเจ้า ข้าเจ้ายังบ่ได้ไปสักกำเตื่อ
กลัวเอารถเข้าไปถอยออกบ่ได้ เพราะข้าเจ้าถนัดขับรถไปตางหน้า ถ้าหื้อขับ
ถอยหลังบ่ถนัดเจ้า กั๋วปิ๊กบ่ถึงบ้านเจ้า

[หนุ่มวัยทอง]

ถ้าจะหื้อดี  เฮาตั๊กเปิ้นเป๋นกำเมืองก่อน เพราะกำเฮาเป๋าเก๊าบ้านเฮา
ถ้าเปิ้นอู้ไทยมาเฮาก่อยอู้ไทยกลับไป

[Theglockc]

อู้เมืองภาษาถิ่นไว้ก่อนครับ...อย่างผม ป้อยอง แม่เมือง อู้ได้ฟังฮู้เริ่ง  ครับ....

[Aikaew]

ก้าหาได้ไปเตวผ่อของผ่อคนบนถนนคนม่วน เมื่อวันติ๊ดตี้ 16 ตุลา ไผจะไปแอ่ว รถเครื่องเข้าได้ลึกน่อยไปลุ้นแทรกข้างถนนสันโค้งหน้อย ถ้ารถยนต์จอดข้างถนนใกล้อาชีวะจะดีกว่า ญ่าง(เตว)ย้อนเข้าถนนคนม่วนได้เลย ภาพรวมสินก้า(สินค้า)ก็หลากหลาย ส่วนใหญ่เป๋นสินค้าทั่วไป มีของชุมชน/จาวบ้านพ่อง เช่น ของกิ๋นเมือง/ปื้นบ้าน ของจั้ยพวกไม้กวาด แอ็บเข้า ผักไม้ไซ้หญ้าตี้กิ๋นได้ มีล่ะอ่อ่นเหล่นเครื่องดนตรีไท ดนตรี ซอ กิจกรรมอื่นๆแหมน่อย ไผมีเวลาว่างก็แวะไปแอ่วไปอู้กั๋นครับ