เรื่องขำใจ๋ขนาด

[natta2533]

ผมขอถามเรื่องการใจ้กำเมืองบ้านเฮาบ่าเดี่ยวนี้กำเตอะคับ    ว่าต่านตังหลายใจ้กั๋นแบบไดพ่องคับนี้  คืออย่างว่า  ถ้าต่านทังหลายอู้กำตี้มี รเรือ จ่างลั่นลิ้นกั๋นก่อนี้คับ 
  ปล. ปอดีว่าไปไล่ฟังๆมาหลายๆตี้ลั่นลิ้นกั๋นลุ้มๆๆเลยเลยไคร่ฮู้ว่าต่านอื่นลั่นลิ้นก่อ

[ละอ่อนโบราณ]

บ่ลั่นลอ
ลองอ่านเวยผ่อเน้อ

ลดลาก หล่อลงหลิ่ง หลังโลงเลียน แหลวแหล้แหลวแล็ด  ( อันนี้คนเมือง)

รถลาก หล่อลงหลิ่ง หลังโรงเรียน แหลวแหล้แหล้วแล็ด  (อันนี้เมืองเคิบ) 

[Toy88]

ตางบ้านผม บ้านในเมืองนี้ละ  อู้กำเมือง ตั๋ว" ร " จะจั้ยอู้ เป๋นตั๋ว "ฮ" แตนกั๋นเน้อคับ
เจ่นว่า โรงเรียน เป๋น โฮงเฮืยน  เรา เป๋น เฮา   จะอี้หนาคับ

[natta2533]

อออกะคับ     ปอดีผมจ่างได้ยินเขาบ่าเดี่ยวนี้จ่างอู้ลั่นลิ้นฟังแล้วมันแกนง่าว    ผมกะว่าเฮียนมาก่อนักกำบ้านเฮาบ่าออกเปน ล  กะ ฮ  นาเขาก่อลั่นลิ้นนึกว่าเหมือนกันไปหมดละ  ดีใจ๋เเต้แล้คับตี้ยังมีคนอู้แบบดั่งเดิมอยุ่  555+

[เชียงรายพันธุ์แท้]

ถ้าเป๋นกำเมืองแต้ๆก็ออกเสียง ร. เป๋น ฮ. น่อครับ
แต่ถ้ากำยืมก็เป๋นแหมอย่าง ล. ก็มี ฮ. ก็มี
อย่างเวลาเขียนเป๋นตั๋วเมือง บางกำใจ้ ร. น่อ แต่อ่านออกเสียง ฮ.

เรือ อ่านว่า เฮือ
เรา --- เฮา
รู --- ฮู
แร่น --- แฮ่น
ร่อง --- ฮ่อง
โรงเรียน --- โฮงเฮียน
แรม --- แฮม
รถ --- ลด

กำควบก็อ่านอย่างอี้น่อครับ อิงตั๋วเขียนภาษาล้านนา
พระเจ้า --- ผะ-เจ้า
คริสต์ --- คิด
พระยาว --- ผะ-ยาว
ดนตรี --- ดน-ถะ-หลี
ประโยชน์ --- ผะ-โหยด
ประตู --- ผะ-ตู๋
กระแจ --- ขะ-แจ๋
สรี --- สะ-หลี
กลาง --- ก๋าง

[nansom]

ก็ คนไทยเฮียนฮู้กำเมืองว่า ถ้า "ร" หื้อออก "ฮ" นี่นะ มันว่ามันจ๊าดแน่แล้ว ปอลงรถทัวร์มา ก็เอิ้นหารถสองแถวเลย "ฮถยี่แถวๆ" ไผก่บ่มาสักกัน อยากข้าวก็อยาก เลยเข้าร้านไปสั่ง "ฮาดหน้า" ก็บ่ได้กิ๋น นี่เขาว่าอวดหลวกล้ำไป
   กำใดภาษาใด มันบ่เป็นเอกเทศในตั๋ว ต้องมีป๋นกั๋นตลอด ไทยแต๊เหนือแต๊ๆ บ่มีเน้อ แล้วมันย่อมเปลี่ยนไปเรื่อยๆ ต๋ามสมัย

[Aikaew]

หน้า(น่า)จะเขียนหื้อ(ให้)ตรงกับเสียงเนาะ(นะ)
ผะ-ญาว พะเยา
หื้อฮู้ไผเป๋นไผพ่อง อิอิ
กำเมืองลูกผสมสื่อสารได้ดีต๋ามก๋าละเทศะน่ะอ้ายเหย

ลดลาก หล่อลงหลิ่ง หลังโลงเลียน แหลวแหล้แหลวแล็ด  ( อันนี้คนเมือง)

รถลาก หล่อลงหลิ่ง หลังโรงเรียน แหลวแหล้แหล้วแล็ด  (อันนี้เมืองเคิบ)

รถลาก หล่อลงหลิ่ง หลังโฮงเฮียน แหลวแหล้แหลวแล็ด
ผมว่ายั่งอี้สื่อสารได้ดีกว่าน่ะครับ

[ALPHA1]

หน้า(น่า)จะเขียนหื้อ(ให้)ตรงกับเสียงเนาะ(นะ)
ผะ-ญาว พะเยา
หื้อฮู้ไผเป๋นไผพ่อง อิอิ
กำเมืองลูกผสมสื่อสารได้ดีต๋ามก๋าละเทศะน่ะอ้ายเหย

ลดลาก หล่อลงหลิ่ง หลังโลงเลียน แหลวแหล้แหลวแล็ด  ( อันนี้คนเมือง)

รถลาก หล่อลงหลิ่ง หลังโรงเรียน แหลวแหล้แหล้วแล็ด  (อันนี้เมืองเคิบ)

รถลาก หล่อลงหลิ่ง หลังโฮงเฮียน แหลวแหล้แหลวแล็ด
ผมว่ายั่งอี้สื่อสารได้ดีกว่าน่ะครับ

"๕๕๕"