ต๋ำนาน"น้ำพริกอ่อง"

[sasa]

         ขอบอกก่อนว่าหนมเส้นน้ำเงี้ยวนั้นมีมาเมินแล้วมีก่อนน้ำพริกอ่องแหมก่อน    เรื่องของเรื่องมีว่ามีจาวพม่าจื่อ”ปู่อ่องหม่อง” มันอยากกิ๋นหนมเส้นน้ำเงี้ยวมันจึงต๋ำน้ำพริก คั่วน้ำพริกกั๊บจิ้นหมูอย่างเปิ่นแป๋งหนมเส้นนั้น๊ะคั่วไปมามีกลิ่นห้อมหอม    ก๋ำลังคั่วน้ำพริกอยู่ลูกมันก็ไห้อยากกิ๋นข้าว..อยากกิ๋นข้าวอยู่ฮั้นน๊ะ   ปู่อ่องหม่องบอกหื้ออ๊ดเอาแป๋งหนมเส้นแล้วก่อน    ลูกมันก่าบ่าฟังไห้อยู่นั้นน๊ะปากก็ว่าอยากกิ๋นข้าว..อยากกิ๋นข้าว   ปู่อ่องหม่องใจ๋ขึ้นจึงบ่แป๋งบ่เปิ๋งมันน๊ะหนมเส้นบ่กิ๋นก็บ่ากิ๋นมันน๊ะ   จึงตั๊กน้ำพริกตี่คั่วจะแป๋งหนมเส้นนั้นหื้อลูกมันกิ๋นเหีย(ใจ๋ขึ้น)    ลูกมันหีวข้าวน่อเลยโอดเอา..โอดเอา  กิ๋นไปก็เผ็ดไปจึงไปเก็บผักมากั๊บ    ปู่อ่องหม่องหันลูกมันกิ๋นเป๋นดูดีดูลำจาอั้นจึงลองกิ๋นผ่อ     เออ ! ลำแต้นอ เข้าท่า..  เข้าท่า
          หลังจากนั้นปู่อ่องหม่องก็มีความคิดว่าถ้ามีก๋ารมีงานจลองะย๊ะสู่พี่น้องจาวบ้านผ่อลอว่าเป๋นจาใด   วันมีงานปู่อ่องหม่องก็ไปเป๋นป่อครัวไปย๊ะน้ำพริกลองเอาไปสู่จาวบ้านกิ๋นผ่อ   ปรากฏว่าจาวบ้านกิ๋นแล้วต่างก็บอกว่าลำแต้ลำว่า    แรกๆจึงปาฮ้องน้ำพริกอันนี้ว่า”น้ำพริกปู่อ่องหม่อง”  เมินเข้า...เมินเข้ากำว่าน้ำพริกปู่อ่องหม่องก็เพี้ยนหายไปเหลือแต่กำว่า “น้ำพริกอ่อง”  ตี่หมู่เฮากิ๋นกั๋นตึงวันนี้นั้นน๊ะ  นี่คือตี่มาของน้ำพริกอ่อง

 ( เอาไปเล่าสู่ลูกหลานฟังต่อๆไปเน้อว่า..นี่คือตี่มาของน้ำพริกอ่อง...หมูเฮาต้องขอบคุณปู่อ่องหม่องตี่มีน้ำพริกลำๆไว้กิ๋นกั๋น.....ขอบคุณเน้อหม่อง  )

[WH_Y]

ตี้มาตี้ไปเป็นจะอี้น่อเจ้า..ยินดีเจ้าตี้เอามาเล่าสู่กันฟังเจ้า..

[zapacr]

 

[Tanyarat Kummun]

ปี้อ่านไปไค่หัวไป มันก็ตลกดีเน๊าะ  ปี้อยู่สมุทรปราการ บ้านเกิดก็อยู่เจียงฮาย อำเภอเวียงป่าเป้าแหล่ะ  ก็ทำกิ๋นเป๋นประจ๋ำเน๊าะ แต่บ่อฮู้ตี้มาตี้ไปเน้อ ขอบคุณสำหรับข้อมูลเจ้า

[vitits]

อ้อ มันเป๋นจะอี้กะ 

[crcomputer]

หะหะ ลำดี

[mamaoui]

น้ำพริกอ่องกับขี้เหล็กนึ่งลำแต้ๆ

[jadaj]

แล้วน้ำพริกอ่องไปจดลิขสิทธิ์เป๋นของกิ๋นบ้านเฮาแล้วยังหา
เอามาเล่าแฮ๋มเน้อ  ยินดีจ้าดนัก ยินดีนักๆ

[ปิ๊กบ้านเมืองพาน]

เป็นมรดกตกทอดที่น่าชื่นชมจริงๆๆครับท่าน

[SemBe]

ฮ่า ๆ ๆ ไปเอามาจากไหน นิ 

[☺ (ต้นฟ้า1 อิดเหนื่อย) ☺]

อิอิ เป๋นอี้นิเอง

[ละอ่อนโบราณ]

 

[happiness'969]

ปี้อ่านไปไค่หัวไป มันก็ตลกดีเน๊าะ  ปี้อยู่สมุทรปราการ บ้านเกิดก็อยู่เจียงฮาย อำเภอเวียงป่าเป้าแหล่ะ  ก็ทำกิ๋นเป๋นประจ๋ำเน๊าะ แต่บ่อฮู้ตี้มาตี้ไปเน้อ ขอบคุณสำหรับข้อมูลเจ้า

ล้ำแต้ๆๆ อันนี้ลมเอาป่าวหรือตำนานมันแต้นี่

[nutjunior]

ขอบคุณปู่อ่องหม่องจ๊าดนักครับ

[AIT]

เข้าท่า ๆ อิอิ

[pikachu11]

ปี้อ่านไปไค่หัวไป มันก็ตลกดีเน๊าะ  ปี้อยู่สมุทรปราการ บ้านเกิดก็อยู่เจียงฮาย อำเภอเวียงป่าเป้าแหล่ะ  ก็ทำกิ๋นเป๋นประจ๋ำเน๊าะ แต่บ่อฮู้ตี้มาตี้ไปเน้อ ขอบคุณสำหรับข้อมูลเจ้า

ล้ำแต้ๆๆ อันนี้ลมเอาป่าวหรือตำนานมันแต้นี่

ก่อว่าเจ๊าอ่านไปอ่านมาก่าเหมือนแต๊ อ่ามแหมกำก่าอย่างกะลมเอา อิอิ

[tungkao08]

เอามาจุ๊ละอ่อนก้า 

[coconut]

 

[K€nGja1]

เอ่อนั้น

[เทพบุตรดาวเหนือ เคนชิโร่]

แต้ก๊ะนี่...