เว็บบอร์ด เชียงรายโฟกัสดอทคอม สังคมออนไลน์ของคนเชียงราย

ไม้พะยูง กำเมืองเรียกว่า ไม้อะไรครับ

ใคร่ฮู้ตวยคน กับ"ไม้เกล็ดแดง เกล็ดดำ หรือไม้ก๋อเก็ด

  พะยูงเป็นชื่อพื้นเมืองทางการของไม้ชนิดนี้ แต่ก็มีการเรียกขานที่แตกต่างกันไป ตามท้องถิ่นต่าง ๆ เช่น กระยง กระยุง (เขมร – สุรินทร์) ขะยุง (อุบลราชธานี) ประดู่ลาย (ชลบุรี) พะยูงไหม (สระบุรี) ประดู่เสน (ตราด) ประดู่ตม (จันทรบุรี) หีวสีเมาะ (จีน) เป็นต้น (เต็ม สมิตินันท์ 2523)

บ้านเฮา(เจียงฮาย)น่าจะเป๋นไม้ดู่น้ำ

ชิงชัน

สรียินดีเน่อ

เด็กนักเรียนบางรุ่น นำเศษไม้มาเป็นสิบอย่าง และทำป้ายชื้อติดไว้  นั่งมองเพลินเลย ไม้เมืองไทย สวยๆ สีแดง น้ำตาลอมส้ม สารพัด
---มีคนนึงเขาเอากระบองสองท่อนมาให้ดู บอกว่า ชาวเขาทำมาให้ มีส่วนที่เป็นไม้ สีดำ แข็งมาก (ในบรรดาไม้คงแข็งที่สุด)เรียกว่า "ไม้เลือดควาย"
--ไม้ประดู่ที่เขาทำกบไสไม้ ก็ชอบนะ แข็งดี และมีกลิ่นแปลกๆ
---เขาว่าในโลกนี้มีไม้ที่มีปุ่มเกิดกลางต้น สองอย่าง มี มะค่า หรืออีกอย่างอะไรจำไม่ได้ (ต้นสักหรือเปล่า)  พอแปรรูป จะเห็นปุ่มไม้เกิดเป็นตากลมๆ ซึ่งสวยมากๆ และไม้ก็แข็งมาก--จะหายากแล้ว เหลือแต่ในพม่า(บ้าง) ในไทยหายากพอๆกับทองคำ

ดำ ๆเหม็นๆ ดู่ขี้ควาย
แดงๆ เสี้ยนงาม ดู่แดง
สีเจ็บแหมน่อย ดู่ส้ม
ใคร่หันต้น พะยูงไปผ่อ ในสำนักงานป่าไม้(เดิม)

ไม้พะยุง นี่ห้ามซื้อขาย ผิดกฏหมาย

เพราะเป้นไม้โตช้ามาก

ต้นสักสูง 2 เมตร ใช้เวลา 4 ปี
ต้นประดู่สูง 2 เมตร ใช้เวลา 8 ปี
ต้นพะยูงสูง 2 เมตร ใช้เวลา 16 ปี

ปลูกสิบปีเด็ดยอดได้ ปลูกวันนี้ ห้าสิบปี๋วันหน้าหลานเอามาแปล๋งด้ามมีด

ตางบ้านลุง (เจียงใหม่) ฮ้องว่า  "ไม้เก็ด"  กำเดียว

สุมาเตอะครับ สนง.ป่าไม้เดิม มันอยู่ไหนนะครับ (ขอบคุณครับ)

ไม้เก็ด ผมเอามาแป๋งด้ามฆ้อนใจ้ถึงตึงวันนี้อยู่ครับ  :D

ผมเกยไปซื้อไม้เก่าที่ห้วยลาน ดอกคำใต้ ถามเปิ้นก็บ่มีไผฮู้จัก เปิ้นว่าไม้เก็ดก่อ บ่าใจ่แน่ตี่ว่ากันมานี่ มันเป็นไม้ชิงชัน แต่ผมหันตี่บ้านเพื่อนร่วมงาน เปิ้นเอาลุกไหนมาบ่ฮู้จำบ่ได้ลายมันคล้ายไม้เก็ดนี่ละ ตัวเปิ้นก็ยังเจื่อว่าไม้เก็ดนี่แล้ว ที่เปิ้นฮ้องว่าไม้พะยูง ถ้าเป็นผมผมเจื่อ ตวยคนว่าอาจเป็นไม้ดู่น้ำ เพราะผมก็บ่เกยหันดู่ชนิดนี้

ผมเกยถามอีป้อ ว่าไม้พะยูง กับไม้เก็ด เป็นไม้เดี่ยวกันก่อ ป้อบอกว่า มันไม้ตะกูลเดี่ยวกันนะ เป็นไม้ชนิดเดี่ยวกัน บ้านผมป้อกะเอามาแปงเป็นขั๋นได ป้อบอกใค่หันกะไปผ่อที่บ้านได้เลยว่าอั้น เดี่ยวผมมีรูปใบมันมาหื้อผ่อเน้อ พร้อมกับต้นมันเน่อ

ป้อบอกว่า ทางอีสาน ฮ้องว่า ไม้ยูง บ้านเฮาฮ้อง ว่า ไม้เก็ด (ป้อเป็นคนอีสาน)
ป้อบอกว่า ต้นมันบ่ใจ๋บ่ใหย๋เต๊าใด อี้ว่า ผ่อรูปเอาเต๊อะ ครับ

โค๊ะ งงไปติ๊กหนานิ

ไค้ฮู้เหมือนกั๋น จะเสาะไปขาย 555

หันเปิ้นว่าที่ลักขายกั๋น เขาจะเอาไปซ่อมพระราชวังต้องห้ามครับ บ่าฮู้ว่าแต้ก่อ

แหมน่อย มันจะสูญพันธุ์ ย้อนกฎหมายนี้ ไผจะไปใคร่ปลูก เหมือนไม้สักเมื่อก่อน ก็เกือบไปแล้ว
ควรจะเพาะพันธุ์แล้วแจกจ่ายหื้อคนปลูก ถึงจะเป็นเจ้นหลานก็ยังดีกว่ามันเสี้ยงป่า
เปิงเปิ้นว่า ปลูก สิบปี๋ เด็ดยอดเติงอยู่

รู้แค่ในชื่อ ไม้พะยูน เอง อะ

ป้อผมก่อบอกว่าเป๋นไม้เก็ดครับ บ่าก่อนเจียงฮายมีนักเหมือนกั๋น ป้อเอามาแป๋งแอกควาย แป๋งล้อ
ควาย เป๋นไม้แข็งแล้วก็สีไม้มันก่องามโตย

ไม้เก็ด เป๋น ผญาไม้ ใหญ่ กว่า ไม้ตึงมวล ตังหลาย
ห้ามเอาไป แป๋ง แม่คันได ใจ๊ย่ำ มันหยะขึด สิบหาย
คนหม่าเก่า เปิ่นห้าม

ไม้เก็ด คือ ไม้ชิงชัน กำไทยใต้

 บ่ใจ่ ไม้ พะยูง อย่างแน่นอน

แต่ ไม้พะยูง ไปคล้องจอง กับคำ ว่าพยุง เสียงเป๋น มงคล
จึงจัดเป๋น ไม้มงคล

ใผ หาฮูปมาอวด เปรียบเทียบ เป๋น วิทยาทาน เจ่มคับ

หันตวย หันตวย แต่ขอแก้ กำว่า ผญา น้อยเน้อครับ ผญา แปลว่า ปัญญา หรือความฉลาดหล๊วก น่าจ๊ะไจ้กำว่า พญา มากกว่า น้อครับเพราะแปลว่า เป๋นใหญ่ ญินดีหลายครับ

ญินดีคับตี่ มีเตวดา มา ต้วง คือ ผีอี่ฆ้อญ
ผมฟั่งไปหน้อย เลยพิมพ์ผิด พ.พาน หัวสดไปแหมป่าง ก๋ายเป๋น ผ.เพิ้ง(กำไทย ว่า ผึ้ง)

กำว่าผี ฮีตเหนือ แป๋เป๋นไทยมันกว้าง เปาะเอาจั้น พรหมโลก ลงมา สวรรคโลก ก๋ายติพย์ ตึงหมด น่อ

 วันนี้ 8 พฤษภาคม 2555  ผมเปิด กูเกิล เข้า วิกิพีเดีย สารานุกรมเสรี
ขออนุญาต ย่อมา แจ๋งกันฮู้ ณโอกาสนี้ตวย

พะยูง(Siamese  rosewood ไซแอมมิส  โรสวูด จื่อ วิทยาศาสตร์ ตาง พฤกษ์ศาสตร์)

จื่อ อื่นๆ: ขะุยุง แดงจีน ประดู่เสน
เป๋นไม้พระราชทาน ปูกเป๋น มังกะละ(มงคล) แก่เมืองหนองบัวลำภู

ส่วน ไม้เก็ด กะคือ
 ชิงชัน(Dalbergia  oliveei ดาลเบอเจีย  โอลีวีอี้) เป๋นไม้มังกะละ เมืองหนองคาย

ไม้เก็ด เป๋นไม้ในวงศ์เดียวกับ ไม้ดู่ (ประดู่)(วงศ์Eleguminosae อีลีกูมิโนเซ่)

หมายเอา ไม้เก็ด ไม้ดู่ เป๋น ปี้น้องกั๋น กำบ้านเฮา ว่า ถือ ผีเดียวกั๋น(ผีปู่ย่า)

ไหว้สาตุ๊ คับ

หนานธง 8พ.ค. 2555

สาตุ๊คับขอสมมา นามแฝงผีอี่ฆ้อญ แหมกำ
ผมมากึ๊ดใจ๋ได้ ว่า ตั้งใจ๋พิมพ์ เป๋น ตั๋ว  ผ นั้นเนาะ

ย้อนเอาก๋าร ออกเขียนของ กำไทยใต้ ว่า  พญา 
   ปอ  ออกเสียงเมือง พ.พาน
 หยะ เป๋น ผะ ญา เลยฟั่ง พิมพ์ เป๋น ผญา

       จ๋าว่า ใผ ออกเสียงผญา (ผะ ญ๋า ) กะหยะ แป๋เป๋น ว่า สติปัญญา

แต่ ถ้า ออกเป๋น ผะ ญา บ่ มี เสียง จัตวา
กะเป๋น ผญา (ผญา) ตั๊ด กำไทย
เขียน พญา กำไทย ว่า พญา (พะ ญา) กำเมือง ว่า ผญา(ผะ ญา เสียงสาม้ญ)
 แป๋ ว่า ผู้เป๋นใหญ่
 เปิ้น ว่า มาจาก ตำแหน่ง เจ้านายใน สมัยขอม

 ไทยใต้ ใจ้ กำว่า พระยา
กำเหนือ ว่า ผญา เขียน ไทยก๋าง ว่า พญา


เฮา เอา กำไทย มา สูน เมือง
 
กำเมืองไป สูนไทย

หนานธง ขออู้ สูนกำไทย ว่า

ถ้าไม่ผิดพลาด โปรด อย่าอภัย
 ผิดถูก จะใด กะ ขออภัย เจ่ม เด้ออออ

ตี่แน่ ๆ ขอขอบคุณ นามแฝง ผีอี่ฆ้อญ จ้าดนัก ที่สนใจ๋อ่าน แล้ว สนับสนุนข้อความ ไม้พะยูง

ไม้เก็ด คือ ชิงชัน บ่ไจ่ ไม้พะยูง  แต่ อยู่ วงศ์ไม้ดู่ ตวยกั๋น นั้นเนาะ


ถ้ามีเวลา โทรไปอู้กับผม ได้ครับ  0 8 1   8 7  5 4  2 0 9

หนานธง

ท่านพิมพิ์ได้ถูกต้องแล้วครับ กำเหมียง
ผญา แปลว่า ผู้เป็นใหญ่ หรือ ผู้เป็นนาย
ผญ๋า แปลว่า หลวก หรือ ผู้มีปัญญา ฉลาด

เมาหัวดีน้อ กำไทสูนกำเมือง ขอสูมาตวยครับตี้หายไปเมิน งานนักไปน้อย
คือว่าถ้าเป็นภาษากลาง เอาตัว ผ ผึ้ง(อักษรเสียงสูง)นำหน้า ญ ยอหญิง ซึ่งเป๋นอักษรเสียงต่ำเสียงตี้ออกมาจะเป็นเสียง + โดยหลักภาษาครับ ถ้าผิดพลาดก็สุมาตวยเน้อครับ

ไปจ๊ะใดมาจะใดสดไปเรื่องผีปู้นนิ
ไหนๆ ก็อู้กั๋นเรื่อง เก้าพะยุงแล้วผมมีข่าวดีจ๊ะบอกครับ ผมมีต้นพะยุงตี้ทุกท่านกำลังอู้กั๋นอยู่นี้แจกฮื้อท่านตี้ฮักต้นไม้จำนวน 1 ต้น ขอเพียงท่านบอกว่าท่านจ๊ะเอาไปปลูกตี้ไหน แล้วคาดว่ามันจะรอดตายเต้าอั้น ยินดีฮื้อฟรีครับ มีเพียงเก้าเดียวเน้อ

ตึงบ๋มีไผสนใจเอาไปปลูกผ้องกะครับ จะหมดหน้าฝนแล้วเน้อ

ตะก่อน เจียงฮายท่าจะมีนัก
หันมีจื่อหมู่บ้านแถว ต.ดอยลาน อ.เมือง จื่อ "บ้านป่าเก็ด"
อาจเป๋นไปได้ว่ามีไม้เก็ด ตามหมู่นั้น

ตะก่อนเมื่ออุ้ยยังอยู่เปิ้นเอาไม้เกล็ดมาแป๋งด้ามเคียวพับงามขนาดกลิ่นหอมโตย

ท่าจะแต้ เกยหัน เก้าอี้ไม้พยูง ลายแบบนี้แหละ

(http://www.chiangraifocus.com/forums/index.php?action=dlattach;topic=93090.0;attach=630863;image)

ไม้เก็ด ตี่เปิ้นเอาแป๋งไม้ปั่นจนกว่างนั้นแม่นก่อ

ผมได้มาเป็นเสาหน่อ ยังบ่อได้แปรรูปเตื่อคับ

ลายเค้าสวยสะดุดตาครับ

นี่ได้มาแหมแล้ว บันได งามๆชิงชัน