เว็บบอร์ด เชียงรายโฟกัสดอทคอม สังคมออนไลน์ของคนเชียงราย

ไปปะหนังสือเก่าๆ เกี่ยวกับล้านนาเฮา หนังสือเล่มนี้พิมตึง พาสาไท และอังกิดก็เลยคัดลอกมาเก็บไว้ในห้องนี้ เผื่อปี้ น้อง จาวหมู่เข้ามาผ่อ...เป๋นปะหวัดสาดแห๋มอันของจาวล้านนาเฮา น่อคับ

เวียงเจียงแสน เป๋นเมืองตี้มี ปะหวัดสาด เก่าแก่ตี้สุด กาว่าจะฮ้องว่า...เวียงเก่า ก้อได้...
ความเป๋นมาของ เวียงเก่า  มีมายาวนับพันปี๋ เกยมีอานาจัก กว้างใหญ่ อยู่บนแผ่นดินนี้ได้มาถึง 8 อานาจัก เริ่มตั้งแต่ อาณาจักรน่านเจ้า อาณาจักรสุวรรณโคมคำ  อาณาจักรโยนก อาณาจักรขอม อาณาจักรล้านนา อาณาจักรพุกาม (พม่า)  อาณาจักรอยุทธยา และบ่าเดี่ยวนี้ล่าสุดคือ ราชอาณาจักรไทย........ บันพะบุหรุดของจาวเจียงแสน อบพะยบมาจากสิบสองปันนา (ยูนาน) ฮ้องกั๋นว่า ไทลื้อ....บางส่วนก้อมาจาก..เมืองเจียงตุ๋ง...ฮ้องตั๋วว่า..ไทใหญ่...มาอยู่ฮ่วมกั๋นอย่างมีความสุก...เพาะมีกำอู้เดียวกั๋น....ขะหนบทำเนียม ปะเวณีเดียวกั๋น..ตี้สำคัญเกยอยู่ร่วมอาณาจักรเดียวกั๋น (น้านเจ้า-ล้านนา-โยนก)......

ถิ่นกำเหนิดดั้งเดิมของคนไทย...ก่อนพุทธศักราช ปะมาน สามพันถึงสามพันห้าร้อยปี๋...คนไทยเฮาอาศัยอยู่บนแผ่นดินระหว่างสองประเทศใหญ่คือ จีน กับ อินเดีย เฮาก็ได้วัดทะนะทำสองอย่างมาประสมประสานกั๋น แต่ของ อินเดียจะมีนักกว่า เพาะเป๋นแหล่งก่ำเหนิดของ ศาสนาฮินดู และ พุทธ ตะก่อนคนไทยเฮามีอาณาจักรที่ใหญ่ ปื้นตี้กว้างใหญ่ตั้งอยู่ต๋อนใต้ของจีน บ่าเดี่ยวฮ้องว่า มณฑลยูนาน ว่ากั๋นว่าทิดเหนือจดแม่น้ำฮวงโห  ทิศใต้จดสิงคโปร์ ต่อมาก็ถูกชนเผ่าต่างๆรุกรานอยู่ตลอดเวลา ก็ถอยร่นลงมาทางทิดใต้ของแม่น้ำแยงซีเกียง คนไทยก็จ่ำเป๋นทิ้งแผ่นดินตี้อุดมสมบูรณ์ฮื้อคนจีนไป เพราะบ่สามารถทนต่อการุกรานได้ แม้จะยืนหยัดต่อสู้ถึงตี้สุดแล้ว หมู่ตี้อพยพมาตางใต้ตั้งอาณาจักรใหม่บริเวณมณฑลเสฉวน ก็มีบางส่วนบางพวกไปรวมชนชาติไท ที่ ฮกเกี้ยน - กวางตุ้ง - กุยจิว -ยูนาน คนจีนจะฮ้องคนไทยหมู่นี้ว่า ไทมุง -ไทต้ามุง - ไทปา - ไทลุง -ลาว และอื่นแหมแล้วแต่เขา ......แต่คนไทยเฮา...จะฮ้องตั๋วเก่าว่า คนไทย ตลอดเวลาจ๋นปัจจุบัน เพราะเฮาเกยเป๋นชนชาติที่เกยยิ่งใหญ่ในอดีต.........

มีมิชชันนารี คนอะเมริกันจื้อ ดร.วิลเลี่ยม  คริปตัน ได้เขียนหนังสือไว้ว่า "ชนชาติไทย คือ พี่ชายของคนจีน" (the thai race is the elder brother of chinese)

วันนี้..เอาเต้าอี้ก่อนหน้อ...วันพูก...วันฮือ..จะมาพิมพ์ต่อ...จะพิมพ์ไว้จ๋นจบ....

scan หนังสือเอามาลงตวยก่ได้ครับ ประกอบกัน

กำนี้...จะกล่าวถึง  อานาจักน่านเจ้า
...คนไทยที่ถูกจีนรุกราน จ๋นบ่สามารถอยู่ตี่เก่าได้ ปากั๋นถอยร่นมาดินแดนสุวรรณภูมิ แต่มีคนไทยกลุ่มหนึ่ง นำโดย "สินุโล" รวบรวมก๋ำลังคนสู้ชนชาติจี๋นมาเป๋นเวลาเมิน รวบรวมกั๋นตั้งเป๋นอาณาจักรอิสระขึ้น ฮ้องว่า "อาณาจักรน่านเจ้า" มีอาณาเขตตั้งแต่ ต๋อนใต้มณฑลยูนาน -ล่องลงมาคุมพื้นที่เมืองสิบสองปันนา - เจียงรุ้ง - เจียงตุง - เจียงฮาย - เจียงแสน - เจียงของ -เจียงใหม่ - เจียงขวาง และหลวงพระบาง เป๋นอาณาจักรตั้งขึ้นใหม่ ในช่วงพุทธศตวรรษตี่ 12-18
ต่อมาปี๋ พ.ศ.1796  กุลายข่าน(กุ๊บไลข่าน) จากมองโกล ยกทัพมาตี๋จีนได้ตึงหมด จากนั้นก็ยกทัพมาตี๋น่านเจ้าของเฮา เฮาสู้บ่าได้ ก็ปากั๋นอพยพล่องมาตางใต้แหม เป๋นครั้งตี่สาม นับครั้งนี้เป๋นครั้งสุดท้ายตี่คนไทยอยู่บนแผ่นดินจีน นับแต่ฮั้นมาถือว่าไทยเฮาบ่มีแผ่นดินอยู่ในเขตจีนแหมแล้วววว...........................

ดีขนาด ใจ้ภาษาง่ายๆ..ขอบคุณนักๆครับ

แนะนำให้อ่านเล่มนี้ด้วยครับ