|
หัวข้อ: กำสอนบ่าเก่า สุภาษิตกำเมือง เริ่มหัวข้อโดย: HANGMAN ที่ วันที่ 13 ธันวาคม 2010, 15:08:46 งัวตั๋วใด กิ๋นหญ้าแผกหมู่ กันว่าบ่าต๋ายเปิ้นฆ่า ก่า ต๋ายเสือขบ
คนโบราณเปิ้นสอนไว้ หมายถึงคนตี้มีพฤติก๋รรมแตกต่างจากคนอื่น บ่าเข้าเปื้อนเข้าฝูง เป๋นคนโดดเดี่ยว เมื่อมีปั๋ญหาเกิดขึ้นกับตั๋ว ตี้บ่าสามารถแก้ไขได้ ก่า จะได้ฮับความเดือดฮ้อนแสนสาหัส บ่ามีไผจ้วยเหลือ เมื่อป้อแม่มี กิ๋นขว้างโบ๊ะขว้างบ๊ะ กันป้อแม่ต๋ายละ เป๋นหมะห่อยหมะนอย กำอู้นี้ก่ะเป๋นกำอู้ตี้มองข้ามบ่าได้ แต่จะโต้ษลูกอย่างเดวก่าบ่าได้ เพราะเวลาป้อแม่ยังมีอยู่ ความฮักลูก กอยดูแลลูกจ๋นบ่าได้จ้วยตั๋วเก่าเลย แล้วปอป้อแม่ต๋าย บ่ามีไผผ่อกอยดูแล เลยจ้วยตั๋วเก่าบ่าได้ บ่าว่าก๋านเป๋นอยู่ กาว่าก๋านเยียะก๋าน เซาะว่าหากิ๋น บ่าจ้างทั้งนั้น ปอเงินเก่าตี้ป้อแม่หาไว้หื้อหมด ก่า เป๋นบ่าห่อยบ่านอย หรือบ่าห่อยนอยจา อย่างว่า เสียมบ่า คม หื้อใส่ด้ามหนักๆ ความฮู้บ่านักหื้อหมั่นฮ่ำหมั่นเฮียน เป๋นจาไดพ่อง กำคนเฒ่าเปิ้นว่าไว้ เฮาเถียงบ่าได้น่อเจ้า เป๋นกำตี้เปิ้นเตื๋อนไว้ หยั่งป้าฮู้น่อยต้องหมั่นเฮียนหมั่นฝึก แต่อย่างว่า ได้หน้าลืมหลังสะลวด เฮ้อ ของกิ๋นลำ อยู่ตี้คนมัก ของฮัก อยู่ตี้คนเปิงใจ๋ เปิ้นอู้ของเปิ้นไว้ดีนาเจ้า อ้ายหมู่เฮาคนเมือง เปิ้นมักลาบ แต่ลองเอาไปหื้อน้องอ้อย เปิ้นก่า ตึงบ่ากิ๋น เปิ้นบ่ามัก เอามาแลกผักกับน้ำพริกของเปิ้นก่า คงบ่าเอา ของฮัก อยู่ตี้คนเปิงใจ๋ ก่า แต๊แห๋ม กอนบ่าอั้นก่า คงจะบ่ามีของร้อยแปดปันเก้ามาวางขาย หื้อเลือก คนนั้นว่า อันนี้งาม คนนี้ก่า เปิงใจ๋อันนั้น มันตึงเป๋นจะนี้นา กำอู้เข้าหู จะไปถูออกปาก จักยากใจ๋ปายลูน คนบ่าเก่าเปิ้นสอนนักสอนหนา เรื่องตี้เฮาได้ยินกำอู้ บ่าถูกใจ๋ จะไปฟั่งโต้ตอบโดยบ่าได้ตั้งสติ กึ้ดหื้อดีก่อน มันจะเป๋นเรื่องเป๋นราวไปใหญ่ บางเตื้อก่า เป๋นเรื่องเข้าใจ๋ผิดเพราะหูเฮาหาเรื่องแต๊ ๆจะแก้ไขยากกำลูน บางทีก่า เสียเปื้อนไปเลย เพราะมันสะแม๊งใจ๋กั๋นไปเหียละ มีนึ่งแล้วจะแอมแถมสอง ขี่เฮือน้ำนองซ้อนสองจั้งล่ม กำบ่าเก่าเปิ้นว่าไว้จ๊าดดีเน้าะเจ้า เตื๋อนใจ๋หมู่เฮา คนตี้ซอบผ่อสาว ๆ งาม ๆ ถ้ายังบ่ามี๋ไผอยู่แอมข้างก่า แล้วไป แต่ถ้าตั๋วเก่าเฮามีแล้วคนนึ่ง ก่า จะไปเซาะผ่อตังอื่นแห๋ม กำเดวจะเป๋น ขี่เฮือน้ำนอง ซ้อนสอง กะเดวมันจะล่มเน่อเจ้า เปิ้นบ่าถาม จะไปกล่าว เปิ้นบ่าป่าว จะไปไป กำบ่าเก่าเปิ้นว่าไว้จะอี้ แต่วันนี้เฮาชักจะกั๋งขา เพราะป้าตั้งใจ๋ป่าวประกาศ ทีแรกก่ จะมีไผ ๆ ปากั๋นมา แต่เอาแต๊ ๆ แล้ว ก่ หมะมากั๋นเหียซื่อ ๆ หยั่งอั้นแหละ แล้วจะหมะฮื่อป้ากั๋งขาจะได ก่ ต้องปิ้กมาผ่อตั๋วเก่า อาจจะมีอะหยังตี้เยียะฮื่อเปิ้นเปลี่ยนใจ๋เจ้า ใจ๋บ่ แข็ง บ่ ได้ขี่จ๊างงา ใจ๋บ่ กล้า บ่ ได้เป๋นป้อเลี้ยง เปิ้นสอนฮื่อเป๋นคนเก่งคนกล้า แต่ต้องเป๋นไปในตางตี้ถูก บ่าไจ้หื้อเป๋นนักเลงอันธพาลนาเจ้า หันเปิ้นมี จะไปไค่ได้ หันเปิ้นยากไร้ จะไปดูแควน เปิ้นสอนหื้อมีใจ๋เป๋นก๋าง หันเปิ้นมี จะไปขอย กาว่าอยากได้ของเปิ้น และถ้าหันคนยากคนจ๋น ก่า จะไปดูแควนเปิ้น บางครั้งบางเตื้อ คนตี้เฮาดูหมิ่นดูแควน ก่า อาจจะได้ดิบได้ดีซักวันนึ่งก่า ได้ หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ©®* ที่ วันที่ 13 ธันวาคม 2010, 16:16:56 คนเฮาใหญ่แล้ว บ่อถ้ามาสอน จี้ฮีดแมงจอน ไผสอนมันเต้น ไผสอนมันเต้น ;D ;D
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: sudsud ที่ วันที่ 28 ธันวาคม 2010, 19:37:00 ก็ ป้อแม่ จิ้ฮีดแมงจอน นะกะคับ ;D
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: April Lady ที่ วันที่ 14 มกราคม 2011, 22:53:42 ชอบ : ) ขอบคุณที่เอาความรู้มาแบ่งกันค่า
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: watinta ที่ วันที่ 15 มกราคม 2011, 16:12:28 สอนเปิ้นไต่ขัว ตั๋วกั๋วตกน้ำ
หลับลุกขวาย ฉิบหายเมื่อลูน กำปากเหมือนผีสอน ตี่นอนเหมือนโม้งกะต่าย ;D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: watinta ที่ วันที่ 15 มกราคม 2011, 16:38:21 ตางไปวัดหม๋อง ตางไปหนองเหลื้อม
ลุกเจ๊าได้กิ๋นผักยอดป๋าย ลุกขวายได้กิ๋นผักยอดเก๊า เจ๊าก็ว่างาย ขวายก็ว่าแดด ;D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: WH_Y ที่ วันที่ 15 มกราคม 2011, 21:08:46 ..บะตันนั่งฟั่งเหยียดแข้ง..
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: aek_j ที่ วันที่ 18 มกราคม 2011, 16:17:24 อู้ฮื้เปิ้นฮัก ยากนัก จั๊กหวัง อู้ฮื้อเปิ้นจัง กำเดวก็ได้
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Singhakara ที่ วันที่ 22 มกราคม 2011, 23:23:01 -กล้าขี้ครั่ง นั่งขี้ควาย บ่ากอกยายหัว
-บ่ดีกิ๋นก่อนตาน บ่ดีมานก่อนแต่ง -ผีบ้าได้ฆ้อน -ควักแก่นตาตั๋วออก เอาบ่ากอกเข้ายัด -อดส้มกิ๋นหวาน อดสานได้ซ้า หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: evilgang ที่ วันที่ 24 มกราคม 2011, 09:01:59 ;Dตกต่าเปิ้น...เป็นดีไค่หัว
ตกต่าตั๋ว.......เป็นดีไค่ไห้ หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: watinta ที่ วันที่ 24 มกราคม 2011, 09:36:37 บ่ดีตี๋ก๋องแข่งฟ้า บ่ดีขี้มาแข่งตะวัน
เก็บผักลวดหักหลัว ตกขัวลวดอาบน้ำ คนเฒ่าปากม่วนลูกหลานฮัก คนเฒ่าปากนักลูกหลานจัง ;D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Alcohol_man ที่ วันที่ 03 พฤศจิกายน 2011, 12:38:51 งัวควายจ้างม้า ต๋ายแล้วเหลือหนัง ดูกขนเขายัง เอาใจ้ก๋านได้
นับตั้งแต่ปุ๋มและใส้ ยังกิ๋นลำอิ่มต้อง มนุษย์เฮาต๋าย สหายปี้น้อง ไผบ่ห่วงข้องอาลัย เหลือแต่ดูกผั๊วะ ยังเอาขว้างไก๋ กั๋วจะเป๋นภัย ผีจักหลอกได้ ความชั่วฮีบหนี ความดีฮีบไก้ ต๋ายแล้ว จื่อหากตึงยัง หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ลีโอ ที่ วันที่ 03 พฤศจิกายน 2011, 13:06:02 ละอ่อนหันก่ากำเป๊า คนเฒ่าหันก่ากำกิ๋น
น้ำบ่าไหลเจี้ยวปื้น ป้อแม่ฮักลูกเต้ากั๋น นิ้วใดกกขว้างก่เจ็บเหมือนกั๋นหมด เถียงใผก็เถียงใด้ ห้ามเถียงป้อแม่ ห้ามเถียงพระ ห้ามเถียงครูบาอาจ๋าน ข้ามขัวบ่าตันป้นฟั่งห่มเยาะๆ ปอละกึ๊ดบ่าออก เมาข้าวเหนียว ;D ;D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ALPHA1 ที่ วันที่ 07 พฤศจิกายน 2011, 18:23:38 "ตุ๊กบะได้กิ๋นบะหมีไผต๋ามไฟส่องต๊อง ตุ๊กบะได้หย้องปี้น้องดูแควน" หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ILoVePaNgYa ที่ วันที่ 09 พฤศจิกายน 2011, 19:12:44 อู้กับคนง่าว เหมือนผ่าไม้ตั๊ดต๋า
อู้กับคนผะหยา กำเดียวก็ฮู้เรื่อง ::) ::) :o :o :o หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nansom ที่ วันที่ 09 พฤศจิกายน 2011, 23:34:36 ขี้นักหมาบ่กิ๋น หมายถึง ยะอะหยังนักไปมันก็บ่ดี ปัจจุบันเอามาใช้บ่ได้ เพราะหมาบ่าเดี่ยวมันบ่กิ๋นขี้แล้ว ขนาดไข่ดาวมันยังบ่าดมเลย ถอดเสื้อหื้อเหียดีก้าหา
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: aem071 ที่ วันที่ 09 พฤศจิกายน 2011, 23:40:08 บ่าดีนอนกิ๋น เด๋วจะกล๋ายเป็นงู เน้อ..... คนใหญ่เปิ้นบอก
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ILoVePaNgYa ที่ วันที่ 04 ธันวาคม 2011, 22:48:53 ขอ...จะไปเอานัก ลัก...บ่าดีเอาน้อย ??? ???
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: MP.CR.Suttishoke ที่ วันที่ 13 ธันวาคม 2011, 23:04:00 อู้กับคนง่าว เหมือนผ่าไม้ตั๊ดต๋า อู้กับคนง่าว เหมือนผ่าไม้ตั๊ดต๋าอู้กับคนผะหยา กำเดียวก็ฮู้เรื่อง ::) ::) :o :o :o อู้กับคนผะหยา เหมือนผ่าไม้ตั๊ดปล้อง หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: beepeed ที่ วันที่ 26 ธันวาคม 2011, 02:30:57 ;Dตกต่าเปิ้น...เป็นดีไค่หัว ตกต่าตั๋ว.......เป็นดีไค่ไห้ แต้ๆเลย หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nG__ ที่ วันที่ 12 มกราคม 2012, 17:32:58 สอนเปิ้นไต่ขัว ตั๋วกั๋วตกน้ำ หลับลุกขวาย ฉิบหายเมื่อลูน กำปากเหมือนผีสอน ตี่นอนเหมือนโม้งกะต่าย ;D ตลก อ่า โม้งกระต่าย 5555 ;D ;D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Very sabai ที่ วันที่ 13 มกราคม 2012, 15:42:03 ของบ่ะกิ๋น ฮู่เน่า..
ของบ่ะเล่า ฮู่ลืม.. ;) หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: สบายแมน ที่ วันที่ 13 มกราคม 2012, 21:48:28 จับใจ๋แฮ้ง บ่ะจับใจก๋า
จับใจ๋ครูบา บ่ะจับใจ๋พระหน้อย หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Very sabai ที่ วันที่ 16 มกราคม 2012, 10:34:46 ..เกิดเป็นคนเข้าห้วยใดหื้อมันสุด ขุดห้วยใดหื้อมันตึ๊ก...
(เกิดเป็นคนต้องมีความพยามยามทำอะไรต้องให้สำเร็๋จ เปรียบเหมือนจะเข้าห้วยก็ต้องให้มันถึงที่สุดจะขุดก็ขุดให้ถึงที่) :D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ..หวานหวาน.. ที่ วันที่ 16 มกราคม 2012, 10:43:43 กำกึ๊ดดี ขายสลี นอนสาด กำกึ๊ดฉลาด ขายสาด นอนสลี.... ;D ;D .. หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Very sabai ที่ วันที่ 16 มกราคม 2012, 16:52:53 ลักเข้ามาผ่อ คนเดียว เจ้า :D :D
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ตั๋วแทนขี้เหล้า ที่ วันที่ 16 มกราคม 2012, 16:58:12 อยากใหญ๋..ใจต้องถึง..
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Neo_G ที่ วันที่ 18 มกราคม 2012, 11:09:59 จะได้ยินกะยากไปติกๆ หน้อยคนตี่จะมาอู้กั๋นจะอี้ ทั้งตี่ฟังม่วนดีแต้ๆ
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: Very sabai ที่ วันที่ 20 มกราคม 2012, 14:12:45 ..ลูกใป๊กับแม่ผัว เหมือนดุ้นหลัวกับไม้ก้อม (ลูกสะใภ้ เหมือนฟืนกับท่อนไม้-กระแทกกันเสมอ) :D :D :D ::) ::) ::) หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nantong ที่ วันที่ 06 มิถุนายน 2012, 17:32:18 ผมหนานธง ขอเอา มาเปาะ ในกระทู้นี้ ตวยคับ
ไม้ก้ด เอาไว้ แป๋งขอ เหล็กงอ เอาไว้แป๋ง เกียว คนก้ด อย่างเดียว ใจ้ก๋าร บ่ ได้ คือ คนก้ด บ่มีประโยชน์ เก้าไม้ใหญ่ เอาไว้ ฮ่มเงา คือ การ บ่ ทำลายสิ่ง ตี่ดี มีประโยชน์ ฮู้ฮักษา ไว้ใจ้อาศัยเปิ่งอิง น้อยนอนจาน หนานนอนขี้หม่า คือ คนเป๋นน้อย ว่า ใจ๋เย็นแล้ว แต่ หนาน ใจ๋เย็นยิ่งกว่า ใจ๋เย็นๆ ปั๋น น้ำลวกไก่ คือ หื้อ ฮ้อน ปอประมาณ บ่ หื้อฮ้อนเกิ๋นไป จ๋นเสียประโยชน์ น้ำต้มไว้ลวกไก่จะประมาณ ต่ำ กว่า 100 องศาเซลเซียส ลงมา หรือ เอาน้ำเย็นเข้าตัด หลังยกน้ำเดือดๆลงมา คาดว่า ถ้าเอา เทอร์โมมิเตอร์วัด ไถ้ หยะ สัก 85 องศาเซลเซียส ถ้าฮ้อนล้ำไป หยะหลกขน บ่ไค่ได้ หนังมันหยะฮ้าว(ยึด)ขนไก่ ยิ่งกว่าเดิม หลกยาก ใผเกยลวกไก่หมั่น น่าหยะปอฮู้ หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nantong ที่ วันที่ 07 มิถุนายน 2012, 19:31:36 อู้ บ่ จ่าง ป่างง่าง ใส่หัว
เป๋นไทย ว่า พูดเรื่องไม่ถูกต้อง เรื่องนั้น วกกลับมาทำร้าย ตนเอง ตลอดจนพูดไม่เข้าหูคนอื่นก็เช่นกัน ถึง บ่ แป๋ไทย หมู่เฮา กะเอาใจ๋ไปสัมผัสได้ อยู่ ก้า น๊อ หม่าหิน เกิด กับ ต่า หินเกิดที่ท่าน้ำนั้น คือ คนเจ้าถิ่น ย่อมได้ฮับ ก๋ารยอมฮับกว่า คนจากต่างถิ่น โดยปกติอยู่แล้ว คนขาว ยะกิ๋น ลำ คนดำ สำ..ี เหมาะ เป๋นกำเปียบเทียบ หมายถึง คนเฮา ต่าง มีดี อยู่ใน ตั๋วต๋น ปี้ ฮู้ สอง น้อง ฮู้ หนึ่ง คือ ต้องหื้อ เกียรติ คนใหญ่ กว่าเฮา ด้วย วัยวุฒิ คุณวุฒิ ปอ ก่อนน๊อ ไหว้สาคับ หนานธง ปะ หมู่เฮา 2555 หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: allway ที่ วันที่ 11 มิถุนายน 2012, 15:12:23 แม่ผมสอนตอนเป็นละอ่อน = กำจ่ม..กำเจ่ง ฮื้อฟังดีๆ เป็นกำสั่งกำสอน.
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: kruFleurs ที่ วันที่ 11 มิถุนายน 2012, 19:51:33 "ฝนตกซิซิ นานเอื้อน หมาขี้เฮือน นานตาย"
" ของกิ๋นลำอยู่ตี้คนมัก ของฮักอยู่ตี้คนเปิงใจ๋ " หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: mana. ที่ วันที่ 11 มิถุนายน 2012, 21:00:40 เสียมบ่าคมหื้อใส่ด้ามหนัก ๆ คนบ่าหลั๊วกหื้อหมั่นฮ่ำหมั่นเฮียน
คนขาวยะกิ๋นลำ คนดำสำ....ม่วน ของหนานธง ม่วนแต้อี้????? หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: myiza ที่ วันที่ 03 กรกฎาคม 2012, 21:04:26 แม่ผมสอนตอนเป็นละอ่อน = กำจ่ม..กำเจ่ง ฮื้อฟังดีๆ เป็นกำสั่งกำสอน. แต้อ่ะเนอะ สอนฮื้อกึ๊ดบวก ^^` หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: thetetae ที่ วันที่ 05 กรกฎาคม 2012, 21:19:48 เปิ้นเป๋นคนใต้(ภูเก็ต) แต่มาเหียนตี้เหนือ เพราะชอบ ขออภัยโตยถ้าพิมพ์ผิด
คนเหนือน่าฮัก ใจ๋ดีแต้ๆๆๆ :D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: A@Y~OnLy LoVe~ ที่ วันที่ 12 กรกฎาคม 2012, 11:30:15 ++ตดก่อยคนจัง ตดดังคนฮัก++
คนเฒ่าเกยอู้หื้อฟังเจ้า ;D หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: ronin09 ที่ วันที่ 19 กรกฎาคม 2012, 18:38:41 กลั๋วล้ำจ่างต๋าย อายล้ำจ่างต่าว คับปี่น้อง
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: bookbeg01 ที่ วันที่ 31 สิงหาคม 2012, 22:28:43 ของลำกิ๋นตึงดูก ของถูกกิ๋นตึงบ่ลำ
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nen_o ที่ วันที่ 01 กันยายน 2012, 10:13:11 ของกิ๋นบ่มัก บ่จ่างขั๊บจ๋ำ ของกิ๋นบ่ลำ บ่จ่างก๋ำป้อน
หมายถึง คนเราถ้าไม่ชอบแ้ล้วไม่ตัองไปบังคับ หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nongss1 ที่ วันที่ 01 กันยายน 2012, 19:17:33 ขอบ่าดีเอานัก ลักบ่าดีเอาน้อย
หลับลุกเจ้ากินผักตังหป่าย หลับลุกขวายกินผักตังเก๊า >:( >:( หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: nen_o ที่ วันที่ 02 กันยายน 2012, 09:08:58 ลองจามผ่อ บ่าฮู้ถูกก่อ
หัวข้อ: Re: กำสอนบ่าเก่า สุภาษิตกำเมือง เริ่มหัวข้อโดย: HARLEY DAVIDSON ที่ วันที่ 02 กันยายน 2012, 17:25:24 แป๋งเฮือนต๋ามใจ๋คนอยู่ แป๋งอู๋ต๋ามใจ๋คนนอน ;D
|