เว็บบอร์ด เชียงรายโฟกัสดอทคอม สังคมออนไลน์ของคนเชียงราย

ศูนย์กลางข้อมูลเชียงราย => เรื่องล้านนา ภาษากำเมือง => ข้อความที่เริ่มโดย: Hong-Yok Airline ที่ วันที่ 15 ธันวาคม 2009, 19:42:36



หัวข้อ: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: Hong-Yok Airline ที่ วันที่ 15 ธันวาคม 2009, 19:42:36
สิบเลี้ยมซาวเลี้ยม บ่าเท่าเลี้ยมใบแขม
สิบแหลมซาวแหลม บ่าเท่าแหลมใบข้าว
สิบเหล้าซาวเหล้า บ่าเท่าเหล้าเดือนเกี๋ยง
สิบเสียงซาวเสียง บ่าเท่าเสียงแมงว้าง
สิบจ้างซาวจ้าง บ่าเท่าช้างเอราวัณ
สิบวัน ซาววัน บ่าเท่าวัน วันนี้




0.0 ใครมีกำจ้อย กำกลอน ม่วนๆเอามาแลกเปลี่ยนกันเจ้า0.0


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: WEBMASTER ที่ วันที่ 15 ธันวาคม 2009, 20:53:44
เกยอ่านไหนมาบ่ฮู้จ๋ำบ่ได้แล้ว

สิบเหล้าซาวเหล้า บ่เท่าเหล้าเดือนเกี๋ยง
สิบเถียงซาวเถียง  บ่ดีเถียงป่อแม่
สิบแผ่ซาวแผ่      บ่เท่าแผ่เมตตา

พอดีความจ๋ำสั้น นึกได้มอกอี้เนาะ   ;D ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ตาต้อม ที่ วันที่ 31 ธันวาคม 2009, 14:24:34
ชอบเขียนกลอนนะครับแต่เขียนเป็นคำเมืองบ่จ้าง ขออ่านอย่างเดียวก็แล้วกัน :D ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: itimaun ที่ วันที่ 01 มกราคม 2010, 11:08:18
อาสเปิ่งอาศัย น้ำเปิ่งเฮือ เสือเปิ่งป่า  สิงห์สาราสัตว์เปิ่งดอย แม้นแต่หอยยังเปิ่งนาโฮ้ง

ออกไปตางคำคมนิดๆแต่คงบ่เป๋นหยังน่อ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: itimaun ที่ วันที่ 01 มกราคม 2010, 11:53:40
อันนี้ไปเซาะมาเน้อเอามาปั๋นกันอ่าบ่อได้แต่งคนเดียว
ลั๊วะจ้อย.....

อันนี้อ่านเล่นเอาม่วนน่อ (จากหนังสือคู่มือประกอบการศึกษา
ดนตรีพื้นบ้านล้านนา ของท่านวรเชษฐ์ ศรีวงศ์พันธ์)


เจิญฟังก่อนสาน นิทานลั๊วะจ้อย ตั๋วข้าม่อนน้อย หนานใจลังก๋า
ได้ฟังค่าวลั๊วะ ม่วนคืนนักหนา จึงจ่ำเอามา เล่าจ๋าบอกอู้
เพื่ออ่านแก้เหงา หมู่เฮาทั่วผู้ ขอหื้อฟังดู ดั่งนี้

ก๋อนกำจ๋า หมาเล่นอุ่มลี้ แมงมะหนี้ จ๋ามไอ
อึ่งอ่างขี้ค้าน ปกก้อนขี้ไถ จ้างมาดักไซ ได้แผวจุ่งจี้
แมวไล่กิ๋นหมา มาหันเหียหนี้ หนูสูบมูลี ขี่แป๊ะ

มดลิ้นตั้งจ๋ำ มดดำส้อนแซะ เลยแวะแอ่วอู้ งูเปา
ไผเกยจ่าฮู้ ขี้คู้มีเขา จะเข็บแมงเวา ลักเมาหี่งห้อย
ฮิ้นยุงกิ๋นเกลื๋อ จ๋นปอเป็นด้อย จะเล้อดาปอย บวชพระ

จั๊กก่าหัวเขียว ฮากเลือดยาซะ จ๋นสุกบ่อได้ นอนกาง
ปวกกั้นกะทิ เอาใส่ยาขาง อี่ฮวกเป็นซาง ฮ่างผอมแก้งแด้ง
อี่โหวดเก้าผม ลิงลมตาแป้ง หอยเก็ดแดง แอ่นฟ้อน

คางคกนั่งเหง้า โศกเศร้าเดือดฮ้อน บ่มีกู้อ้อน นอนแยง
ก่ำเบ้อก่ำปุ้ง ไห้กิ่นบ่าแต๋ง แมงสาบแมงแกง จ่างแป๋งก่องเข้า
แมงเม่ากั๋วฝน แมงงนกิ๋นเหล้า จ๋นปอเมา ฮากต๊น

แฮ้งต๊กเก้าต๋าล ขาห้านแข้งโก้น ไปไหนบ่ได้ สามเดือน
กว่างแม่เขาโซ้ง หุงต้มข้าเปี๋ยน อิ่นดูขี้เดือน ผะเลิดต๊กห้วย
นกเอี้ยงขี้หมา จาต๋าแส้งส้วย ถูกหวยรางวัล เลขท้าย

ซ้ำอ้นกับเห็น ลักเล่นจั่วพ้าย ตี้ปอยจั๊กกิ้ม ต๋ายจอย
ป๋าค้าวป๋าเต๊าะ ก๊บเขียดปู๋หอย ไปจ้วยดาปอย ตี๋ก๊องโม้ง ๆ
วอกก้างเสือหมี นกจี๋แจ๊บโก้ง ฟ้อนกั๋นรำวง เยิบ ๆ

ป๋าปกป๋าขาว ตั๋วยาวเติ้บเปิ้บ ตั้งใจ๋อยู่หั้น ฟังซอ
จะเข้เลี๊ยะพ่ะ ป๋าลิ๊ดป๋าขอ ลูกหมาจ๊อกวอ เป๋นว้อกะด้าง
จี้หีดจั๊กแต๋น เต่าแลนคิดสร้าง จะแป๋งโฮงงาน แข่งมด

แมงม้าหางงอน เปิ้นได้เลื่อนยศ ติ๊ดใส่บั้ง สิ๊บโท
นกจอกนกเก๊า เป๋นเจ้าโมโห สับหัวโต๊กโต เอาปู๋นก่านหน้า
มดง่ามเสี้ยงใจ๋ ควายต๋ายเบื่อหญ้า เขียดอี่จา แก้นน้ำ

แมงพิ้งหลบภัย ไปไกล๋เจ้นล้ำ อยู่แผวตี้ถ้ำ ผาไท
หอยโข่งจ้ำบ๊ะ บ่ฮู้อายไผ งูน้ำงูไซ ดังไฟห่อหนี้ง
เผิ้งมิ้นต่อแต๋น หน้าแดงปึ้งลึ้ง ส่งเสียงเอ็ดอึง โห่ร้อง

แมงบ้งออกใส แมงใบ้ลุ๊ต้อง หมูแม่ด้อง ต๋ายมาน
อึ่งนิมนต์แย้ ไม่ส่งสะก๋าร เป็ดไก่กว๋างฟาน บวชจุ๋งตวยก้น
เต่าน้ำป๋าฝา ไห้หาจ้น ๆ ตื้บ ๆ โยน ๆ จ่มตุ๊ก

ฮอหสิกจุ่งจา ก๋าเล่นหมากรุก จ๋นลืมคาบข้าว แลงงาย
วอกเฒ่าพี่ทิด สลิดเหมียนต๋าย มีนโยบาย จะขายพริกแด้
ขี้กุ่งแมงจอน หอนดังแผดแผ้ นกเป้านกแล ก้าโล่

ป๋าหลาดป๋าเข็ม เป็นตุ่มขี้โม้ ถูกมัดใส่โซ่ นอนควาย
หมาโก้งเซ็งลี้ ก่ำไฮแสนป๋าย เปิ้นยับวัวลาย เป็นแนวที่ห้า
หนูปุ๊กกิ๋นไถ ขะตู้กิ๋นกล้า ปี้หนานแมงดา ฟ้อนเงี้ยว

กุ้งขายก้วยเตี๋ยว ป๋าทูขายเกี๊ยว ถ้วยสองบาทถ้วน ราคา
เสือเล่นพ้ายป๊อก มอดรับค่าต๋า ฟ้องศาลอาญา ถูกปรับซาวเก้า
ลูกคอกป๋าต๋อง ต๋ายละลูกเต้า แมงป่องแมงเวา รับเลี้ยง

ยาแฝดนางนี จ้าดดีเม็ดเฟื้อง ขายม่วนเสี้ยง หม๊ดเลย
ฮุ้งเอาอี่แฮ้ง มาเป๋นลูกเขย แมงโพงกะเทย ถูกมัดเจือกก้น
ขอจ๊บค่าวจ้อย ลั๊วะจ้อยสับสน ลำบากลำบน บ่เนาจะเสี้ยง

จะอู้ไปยาว สาวหื้อหม๊ดเสี้ยง บ่อเนาบ่อเนือง มากนัก
ขอยุติก่อน สุนทรยั้งพัก จบเต้าอี้ ปล๋งวาง........./


ยาวขนาดนักแกเน้อหมู่เฮาไผนับแมงได้มีกี่ตัวฝากท่าน wm เอามาเล่นเกมตายชื่อแมงแจกรางวัลกั๋นท่าจะม่วน.............ฮ่าอิ้ววววววววววววว


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 11 มกราคม 2010, 23:04:06
.....ฝากเสียงเรียงนาม คนบ่งามสักน้อย ฮื้อลองอ่านกอย ค่าวถ้อยวาจ๋า
เขียนผิดตั๊ดใด อย่าได้ถือสา จักขอสูมา เหียก่อน
มันเป็นกำค่าว บ่าวน้อยละอ่อน บ่มีครูสอน ครูสั่ง
อ่านบทค่าวแล้ว บ่ฮู้เป็นหยัง เหมือนมีพลัง อยากฝึกศึกษา
เมื่อเขียนมาแล้ว มันมีปัญหา เพราะว่าปัญญา มันตื้น
ขอแค่นี้ก่อน ยังบ่อยากฝืน เดวปิ๊กหวนคืน กลับมา
เขียนได้เต้าอี้ มันดีก่อหา อยากฮื้ออ้ายมา ไขจ๋าสักน้อย ไขจ๋าสักน้อย...
แอ๊ด 92MHz.


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: modtanoy ที่ วันที่ 12 มกราคม 2010, 10:48:36
 ;D เข้ามาอ่านกลอนของคนเก่ง เจ้า ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: taekeuk_poomse ที่ วันที่ 12 มกราคม 2010, 12:15:54
ฮักนายแต๊ตั๊ก บ่อมีห่างหาย ในใจ๋ของจาย แน่แท้เที่ยงหมั้น......แน่แท้เที่ยงหมั้น.........

(http://www.oknation.net/blog/home/blog_data/673/8673/images/Nan/WatPhuMin27.jpg)

ฮักบ่อฮัก บ่อเชื่อ กะแยงผ่อฮูปแต้มวันภูมินทร์ เมืองน่านนี้ผ่อก่าเอ๊าะ ฮักก่อ อิอิอิอิอิ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 26 มกราคม 2010, 04:35:41
....ยามดึกมาแล้ว เปื้อนแก้วตั้งหลาย ตึงยิงตึงจาย มากมายบ่าน้อย
นอนตึงบ่าหลับ ลุกขับค่าวสร้อย ตี๋สี่จอยวอย มาแล้ว
ตี๋สี่ป๋ายป๋าย อี่นายม่อนแก้ว หลับกันหมดแล้ว กาหา
บ่าฮู้จาใด ใจ๋มันถามหา คนจะเข้ามา ปรึกษาหารือ
....เจียงฮายโฟกัส ศูนย์พักดวงใจ๋ ขอบคุณปี้ไท้ จากใจ๋ดวงนี้
ขอบคุณเว็บไซท์ เว็บบอร์ดตี่นี้ เป็นสิ่งที่ดี เลิศล้ำ
แลกเปลี่ยนความฮู้ ได้อู้ได้จ๋ำ ขอบคุณแหมกำ  เจ้าของกระทู้
ต้องไปก่อนแล้ว หมู่เจ้าหมู่สู ใค่หลับหน้าดู ไว้อู้จ๋าใหม่...ไว้อู้จ๋าใหม่
[/color]
แอ๊ด ปันเกย

เอาไว้จะมาแต่งให้อ่านเรื่อยๆนะครับ ใครที่แต่งค่าวเป็นมาแลกกันอ่านบ้างนะครับ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 07 กุมภาพันธ์ 2010, 20:07:15
.....สองเฮาก่อนนั้น เธอฉันเพื่อนศรี เข้ากั๋นได้ดี ไมตรีใฝ่อ้าง
และแล้วเฮาสอง ต้องหนีจากข้าง เหินห่างกั๋นไป ไกล๋นัก
วันหนึ่งมาเจอ เธอมีคนฮัก เป๋นเงาแอบข้าง นั่งกู่
มาฮู้ว่าฮัก สายเกินจะสู้ กว่าจะได้ฮู้ น้ำปู๋ปอแห้ง.....
ดีเจแอ๊ด ปันเกย


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: WH_Y ที่ วันที่ 07 กุมภาพันธ์ 2010, 22:20:54
.แต่งค่าว กำจ๊อย เก่งดีเนาะเจ้า.. :)


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 11 กุมภาพันธ์ 2010, 18:44:43
....เดือนเป็งเป่งฟ้า ใจ๋ข้าง่อมเหงา แหงนผ่อดวงดาว แวววาวเจิดจ้า
ลมเหนือปั๊ดหวน จวนหื้อใจ๋ข้า ง่อมหาบ้านนา พี่น้อง
มาอยู่ตี้ไกล๋ หัวใจ๋ยังง่อม หัวอกจ๋ำต้อง เดียวดาย
พ่อแม่พี่น้อง เปื้อนป๊องตังหลาย อยู่ดีสบาย เหมือนกั๋นก่อเจ้าๆ.......
ดีเจ แอ๊ด ปันเกย


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: WH_Y ที่ วันที่ 11 กุมภาพันธ์ 2010, 19:23:30
ยินดีเจ้าเอาค่าวม่วนๆมาหื้อกันได้อ่านแหมล่ะเจ้า. :D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 12 กุมภาพันธ์ 2010, 14:40:30
....หัวใจ๋พี่นี้ ยังบ่มีไผ มานั่งอยู่ใน ห้องใจ๋กว้างกว้าง
บ่มีสาวไหน คนใดแนบข้าง มาเตียวฮ่วมตาง ฮ่วมซ้อน
อยากจะเจิญตั๋ว สายบัวยอดม้อน มาเป๋นกู้อ้อน นอนอิง
จะฮักน้องแต๊ แน่ในใจ๋จริ๋ง บ่จุหลอกญิง หื้อหมองหม่นเศร้าๆ .......
ดีเจแอ๊ด ปันเกย


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: yaya ที่ วันที่ 15 กุมภาพันธ์ 2010, 12:40:59
จะใข่หัวบ่าดีเหิดเห้อ
จะเง้อฮื่อผ่อตังหลัง
คนจังบ่าดีถามหา
จะอู้จะจ๋าฮื่อปากอ่อน
จะผ่อนฮื่อผ่อนตังนุ่งตังใบ
จะไปฮื่อพาของขาย
ใข่ฉิบหายฮื่อปากชวก
ใข่ฮื่อเปิ้ลอวดฮื่อซื่อใส


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 16 กุมภาพันธ์ 2010, 21:41:24
...เจ็บในใจ๋นี้ บ่มีวันหาย เจ็บในใจนาย หมองหมายหม่นไหม้
ตุ๊กข์แต๊ๆหนา โศก๋านั่งไห้ จะเยียะจ๊ะใด ใจ๋นี้
ย้อนน้องนั้นหนา มาลาหลีกลี้ มาละอ้ายหนี้ หมองดาย
ฮักเฮาก่อนนั้น มันหมดความหมาย บ่หันอี่นาย ใจ๋หายหม่นเศร้าๆ ........
ดีเจแอ๊ด ปันเกย


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ศิษย์ครูดุ๋ย (ภูซาง) ที่ วันที่ 17 กุมภาพันธ์ 2010, 16:40:37

เอากำอู้บ่าวสาว  มาฝากครับ

อ้าวมาแอ่วนี่ ข้ามน้ำมากี่แม่  ต๋ามแค่มากี่ก้าน

ประตู๋บ้านหับกาว่าไข ประตู๋คันใดไขกาว่าเปิ้ง


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ศิษย์ครูดุ๋ย (ภูซาง) ที่ วันที่ 17 กุมภาพันธ์ 2010, 16:51:10

ผู้ชายมีหลายประเภท

ป้อจาย                ป้อจ๊า
ป้อถ้ากิ๋นกับเมีย      ป้อต๋าเพียอุผลิ
ป้อถะหริแอ่วกาด    ป้อน้ำหยาดข้อนก้น
ป้อน้ำต้นปากกุด    ป้อสุดขี้เฮือด
ป้อเดือดเหมือนผี   ป้อหนีแสนเตี้อ
ป้อเผื่อขะกู๋ล        ป้อปู๋นหลายขีด
ป้อตี้ดหลายก๋อ     ป้อหอหลายจั้น
ป้อขั้นหลายต๋า     ป้อหามาเผื่อ   


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 23 กุมภาพันธ์ 2010, 03:04:00
....เกิดเมินไปน้อย สาวหน้อยบ่สน น้องสาวหน้ามน จังคนต่ำต้อย
บ่อยากสบต๋า อู้จ๋าฝากถ้อย ใจ๋อ้ายเลื่อนลอย แต๊ล้ำ
เกิดเป๋นคนจ๋น ต้องทนหมองจ๊ำ น้องเอินน้องอ้ำ บ่มอง
บ่าวเฒ่าคนนี้ มีแต่หม่นหมอง บ่มีไผจอง ไปเป๋นกู้ข้าง...
ออกแนวน้อยใจ๋นิสๆ อิอิ
ดีเจแอ๊ด ปันเกย


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 23 กุมภาพันธ์ 2010, 03:06:27
...เป๋นบ่าวเคิ้นจ๊อก มันม๊อกเจ็บใจ๋ เหลียวไปตังใด ไผบ่ผ่อหน้า
บ่หล่อบ่เหลา บ่เลาอย่างข้า ไผไหนจะมา ฮ่วมซ้อน
มันง่อมในใจ๋ ดวงทัยสะต๊อน บ่มีกู้อ้อน นอนอิง
หนาวในใจ๋นี้ บ่มีไฟผิง บ่มีเปื้อนปิง แม่ญิงบ่ข้อง
ได้หันสาวๆ แค่เมาแอบจ้อง แต่เปิ้นบ่มอง เฮานี้
เป๋นคนตุ๊กจ๋น คนปากันยี้ เมินมาปู๋นอี้ เนอเฮา
อ้ายเป๋นบ่าวเคิ้น ปอเมิน..ใจ๋เหงา ขอน้องนงเยาว์ เข้ามาจ้วยแก้ๆ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ละอ่อนโบราณ ที่ วันที่ 23 กุมภาพันธ์ 2010, 07:10:25
เจ้าบ่ติดใจ๋ บ่บอกหื้อข้า เมื่อเสียเวลา กล่าวแล้ว
นี้น้องมาจุ๊ วอกเถ้าถูกแฮ้ว ติดหวันโข่ข้าม เครือใย
นกตั้งขันซ้น นกป่าบินไกล๋ จุปี้ดังไฟ บ่ตั้งใหข้าว
ก่อนนั้นอู้กั๋น ข้าๆเจ้าๆ ตกเมื่อลูนไป ล่นละ
ถ้าน้องเป๋นคา ปี้ขอเป๋นป๊ะ ต๋ามใจ๋แห่งเจ้า จักมุง
น้องเป๋นเปลือกไม้ ปี้ขอเป๋นปู๋น น้องเกิดเป๋นปู ปี้เป๋นหมากเกี้ยว
บ่ได้เป๋นคำ ขอเป๋นทองเสี้ยว ปอเป๋นทองแดงไว้ไจ๊
ถ้าบ่ติดใจ๋ บ่มาเซาะไซ้ น้ำใจ๋ใคร่ได้ ตวยเมือ
ยามกึ๊ดรอดน้อง กู้ป้องแฝงเฝือ บ่กึ๊ดตางเมือ บ้านจายสักหน้อย....


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ศิษย์ครูดุ๋ย (ภูซาง) ที่ วันที่ 25 กุมภาพันธ์ 2010, 14:37:12

คำ บ่เก่ามาฝากครับ.......  คนแ่มีหลายประเภท


   แก่เหนียวหัวหวาย          แก่แดดดายดอก
        แก่หยอกลูกหลาน          แก่หาญแต่ป่า
        แก่ว่าแต่กิ๋น                   แก่บินค้างคาว
        แก่บ่าป๊าวเปลือกหนา       แก่ต๋าไม้ไผ่
        แก่ไก่แก่นกเขา              แก่ซอบดูเงามืด
        แก่ฝืดเห็ดลม                 แก่จมแต่โครต
        แ่ก่โผดนิพปาน               แก่ผายประโยชน์
        แก่โปรดสุรา                   แก่หามาเตื่อม
        แก่เหลื่อมตวยคน            แก่ขวั้นเหนียว...   


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: WH_Y ที่ วันที่ 25 กุมภาพันธ์ 2010, 21:05:08
..สรียินดีเจ้า คนบะเก่าเปิ้นจ้างเปรียบเทียบแต้ว่าเนาะเจ้า.. :)


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: TOP_AAD ที่ วันที่ 12 มิถุนายน 2010, 19:25:57
...ลุกมาเมื่อเจ๊า ฤทธิ์เหล้าเมาขำ กิ๋นสังบ่ลำ น้ำต๋าวาเบ้า
น้ำลายปอขม เหมือนลมจักเข้า ใจ๋หวิวเนอเฮา ปี้น้อง
ปั่นป่วนปายใน ลมไหลในต๊อง นอนงอหล้องหง้อง ตี้นอน
อาก๋ารจ้ะนี้ จั้งซี่ต้องถอน ลุกจากตี้นอน ถอนเหียสักหน้อย...
ปันเกยเรดิโอ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: เทพบุตรดาวเหนือ เคนชิโร่ ที่ วันที่ 14 มิถุนายน 2010, 16:26:47
เมื่อก่อนตัดกระดาษห่อข้าวแตนของลำปางไว้ บ่ฮู้เอาไว้ไหน ;D เปิ้นเขียนไว้ดีขนาด


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: งัวน้อย ที่ วันที่ 19 มิถุนายน 2010, 23:18:16
ฮักน้องมั้นทึ้ง  เหมือนเข้าเหนียวนึ่งติดหนืบติดหนาบ  ;D ;D ;D ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: blue dragon ที่ วันที่ 16 กรกฎาคม 2010, 15:22:08
ซิบแหลม ซาวแหลม บ่าเต้าแหลมใบข้าว
ซิบเหล้า ซาวเหล้า บ่าเต้าเหล้าเดือนเกี๋ยง
ซิบเสียง ซาวเสียง บ่าเต้าเสียงแมงว้าง
ซิบจ้าง ซาวจ้าง บ่าเต้าจ้างเอราวัณ

อายุซิบปี๋ อาบน้ำบ่าหนาว
อายุซาวปี๋ แอ่วสาวบ่าก่าย
สามสิบปี๋ บ่าหน่ายสงสาร
สี่สิบปี๋ ยะก๋านเหมือนฟ้าฝ่า
อายุห้าสิบปี๋ สาวด่าบ่าเจ็บใจ๋
หกสิบปี๋ ไอเหมือนฝ่านคอ
เจ็ดสิบปี๋ บ่าโหกเต็มตัว
แปดสิบปี๋ ไค่หัวเหมือนไห้
อายุเก้าสิบปี๋ ไข้ก็ต๋ายบ่าไข้ก็ต๋าย
จะเอาอันไดไปบ่าได้ซักอย่าง
บ่าเซาะ บ่าวาง บ่าหายหม่นเศร้า
คนบ่าเก่าเล่าไว้มาเมิน  เลยวาง...........

อาขยานล้านนา คับผม


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ละอ่อนโบราณ ที่ วันที่ 16 กรกฎาคม 2010, 16:48:33
หน้าบ้านก่ไถ หล่ายเหมืองก่ก๊าว เหมือนได้ต่อส้าวสิดาว
ลุกมาเมื่อเจ๊า เออะๆหาวๆ ใจ๋บ่ปอยาว น้ำเหมืองก่แห้ง


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: เทพบุตรดาวเหนือ เคนชิโร่ ที่ วันที่ 17 กรกฎาคม 2010, 11:34:35
จ้างเต๊อะบ่ใจ้ตี่ไผ ตี่หัวขั้นไดตี่นอนหมาโก้ง ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: SemBe ที่ วันที่ 17 กรกฎาคม 2010, 22:44:32
 :D เหน็ด ป๊าด โท๊ะ  ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: ILoVePaNgYa ที่ วันที่ 19 กรกฎาคม 2010, 18:20:48
หลั๊วกบ้านนอกบ่าเต้าซอกก้อกในเวียง
สิบในเวียงบ่าเปียงในคอก
สิบในคอกบ่าเต้าวอกขี้ยา
สิบขี้ยาบ่าเต้าฮาตึงจะฮื้อ
ฮาตึงจะฮื้อ...บ่าเต้าดักจื้อกิ้อเดินหนี


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: wat ที่ วันที่ 21 สิงหาคม 2010, 23:01:35
เดิกมาม่อยๆ น้ำหญ่อยป่ายก๋อน น้ำหยดบนตี้นอน ก๋ายเปนละอ่อนน้อย
หนุ่มจีบสาวก็ นั่งเตอะ ๆ อย่านั่งตั้ดต๋ง ฟากมันจะไหลลง ต๋งจะไหลข่อน


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: hoond8899 ที่ วันที่ 10 กรกฎาคม 2012, 11:28:03
:-*เดิ๊กมาม้อยๆ น้ำย้อยใบต๋อง เจ้าปี้นายน้อง แต่งจ๊อยโตยกั๋น ม่วนงันสันเล้า มีเศร้ามีเหงา สุขตี้จะเอา มาแต่งเจ่นล้ำ.... (มือใหม่อยู่ครับขอคำติชมโตยเน้อคับ) ::)


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: mark_yl33 ที่ วันที่ 10 กรกฎาคม 2012, 15:57:53
สุมาเต๊อะรับ ผมฟังมาจากคนเฒ่าม่ะยิ่งของผมน่อมันอาจจะฟังแล้ว ลามกๆแต่มันก่าเปน กำจ้อย กำกลอน
 สีรี่หาหมาขี้ใส่วัด ตุ๊พระกวาดเพี๊ยวตึ่งวัน
ลุกมาม่ะเจ้าครูบามาหั่น เป็นของสำคัญส่องหน้าพระเจ้า
เป็นหมาไผไหนไค่ฮู้จักเจ้า กำคอมาดาบปัด
เจ้าสุวัตเอาคว..แต่งฝา  แต่งไปแต่งมาจับใส่พริกดี
ย่าคำมีเอา ห. ไปแก้  ใจดีมาย่าวๆๆ


อันที่ 2 ครับ
เปิ้นว่าพร้า ตัวว่าเหล็กคม
เปิ้นว่านม  ตัวว่าจิ้นสวด
เปิ้นว่าหนวด ตัวว่าผมยาว
เปิ้นว่าสาว  ตัวว่าม่ะยิ่งหนุ่ม
เปิ้นว่าสุ่ม ตัวว่าไม้บงสาน
เปิ้นว่าขน่าน (อันนี้ลืมครับ )
เปิ้นว่าไก่ ตัวว่าสัตร์สองตีน
เปิ้นว่าปลิง ตัวว่าแมง แด้กแดว

ขำๆๆครับ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: PerZeus ที่ วันที่ 20 กรกฎาคม 2012, 09:13:59
....หัวใจ๋พี่นี้ ยังบ่มีไผ มานั่งอยู่ใน ห้องใจ๋กว้างกว้าง
บ่มีสาวไหน คนใดแนบข้าง มาเตียวฮ่วมตาง ฮ่วมซ้อน
อยากจะเจิญตั๋ว สายบัวยอดม้อน มาเป๋นกู้อ้อน นอนอิง
จะฮักน้องแต๊ แน่ในใจ๋จริ๋ง บ่จุหลอกญิง หื้อหมองหม่นเศร้าๆ .......
ดีเจแอ๊ด ปันเกย
ผมขอเอาไปลงเฟสบุ๊ค น้อยเน้อคับ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: แก้วยองแหวน ที่ วันที่ 30 กรกฎาคม 2012, 12:54:51
นรกนั้นไซร้ ไผได้ไปหัน ขอหื้อฟังกำ ข้าจักกล่าวได้
อเวจี๋ นรกต่ำไต้ บ่กั๋วได้ไป และน้อง
ละผัวนายเหีย เปี๋ยข้าเปื่อนป๊อง บ่ผิดแผกห้องบัวราณ
ตกหม้อนรก ข้าจักตกต่าง จ่ายมภิบาล เป๋นหลานป่อข้า
 :) :) :) :)
ละผัวน้องเหีย เปี๋ยเอาอ้ายเต๊อะ บ่ผิดแบบเบ้า บัวราณ
ตกหม้อนรก อ้ายจักตกต๋าง จ่ายมภิบาล เป๋นหลานป่ออ้าย ;D ;D ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: constantine ที่ วันที่ 07 สิงหาคม 2012, 19:31:25
เดิ๊กมาม้อยๆ หมาหน้อยไค้หอน อี่น้องงามงอน หลับแล้วกาเจ้า...(ลองผ่อบ่ดายครับ) ;D


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: แก้ววอก ที่ วันที่ 07 กันยายน 2012, 15:18:06
ความฮักความแปง      มันแฮงยิ่งนั๊ก
บ่สามารถเกิ้ง      เจิงจาย
เขาสูงส่งล้ำ      ดอยแดนหลวงหลาย
ยามคิดเถิงนาย      ปี้บุบุ่นได้
แม้นทะเลหลวง      ลึกหยั่งลงใต้
ชลาลัย         เจี้ยวเลิก
บ่มีไผ๋         ลงไปฮอดเติ๊ก
บ่สามารถเกิ้ง      ตัวจาย

ฝากเพจนี้ตวยครับ http://www.facebook.com/pages/%E0%B8%85%E0%B8%99%E0%B9%80%E0%B8%A1%E0%B8%B7%E0%B8%AD%E0%B8%87%E0%B8%AD%E0%B8%B9%E0%B9%89%E0%B8%81%E0%B8%B3%E0%B9%80%E0%B8%A1%E0%B8%B5%E0%B8%A2%E0%B8%87/335031429913598 (http://www.facebook.com/pages/%E0%B8%85%E0%B8%99%E0%B9%80%E0%B8%A1%E0%B8%B7%E0%B8%AD%E0%B8%87%E0%B8%AD%E0%B8%B9%E0%B9%89%E0%B8%81%E0%B8%B3%E0%B9%80%E0%B8%A1%E0%B8%B5%E0%B8%A2%E0%B8%87/335031429913598)


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: mattang07 ที่ วันที่ 24 กันยายน 2014, 21:43:49
น่าฮักอย่างน้อง บ่าต้องกลั๋วไผ่ โพสหยั๋งก่อดาย อ้ายตึงไลท์หื้อ อ้ายตึงไลท์หื้อ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: super-k ที่ วันที่ 27 กันยายน 2014, 21:31:51
    เมืองเจียงฮาย     บ้านหลายจองนัก     คนแอ่วคึกคัก       มาพักล้นหลาม
อยู่เหนือสุดแคว้น    ดินแดนสยาม         เมืองแห่งสาวงาม    ลือนามอย่างอั้น...


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: Number9 ที่ วันที่ 12 ตุลาคม 2014, 16:31:39

เดิมออนก่อนนั้นกิ๋นข้าวกับเกื๋อ
บ่าเด่วซ้ำเหลือกิ๋นเกื๋อกับข้าว

(จ๋ำกำอุ้ยมาว่า...แฮ่แฮ่)  :D



หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: Number9 ที่ วันที่ 12 ตุลาคม 2014, 16:33:48

เมียก็มาน ข้าวสารก็แปง กิ๋นแหนงได้เอา

(จ๋ำกำอุ้ยมาว่าเหมือนกั๋น)


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: kampabong ที่ วันที่ 27 พฤศจิกายน 2014, 19:29:41
ชอบเข้ามาผ่อครับ อยากหื้อลงกันนั้กๆม่วนดี กำเมืองบ้านเฮา


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: Kwangsong crutd ที่ วันที่ 04 กันยายน 2015, 11:36:18
ขอแบบ กล่าวทักทายตอนมาชุมนุมปะกัน กับ เลิกชุมนุมจะจากันคับ เอาไว้ใจ้ในงานอบรมคับ


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: rainakna ที่ วันที่ 28 กรกฎาคม 2016, 13:17:52
นี่ตุ๊ของตุ๊ลุง
      แม่ญิง...อ้ายข้ามน้ำกี่แม่
                 เสี้ยงแค่กี่ก้าน
                 ปะตู๋บ้านฮับกาว่าไข
                 ปะตู๋คันไดไขกาว่าเปิ้ง
     ป้อจาย...อ้ายบ่ข้ามน้ำซักแม่
                 บ่เสี้ยงแค่ซักก้าน
                 ปะตู๋บ้านบ่ฮับบ่ไข
                 ปะตู๋คันไดใส่แซ่ตังปิ้น
                 อ้ายขอนั่งนี่ซักตั๋ว
                 ขอหนัวนี่ซักวา
                 ถ้ายเปิ้นมาก้อยลุกหื้อเปิ้นใหม่
      แม่ญิง...นั่งเต๊อะนั่งเต๊อะบ่ใจ้ตี้ไผ
                 ตี้หัวคันได..ตี้นอนหมาโก้ง....


หัวข้อ: Re: มาแลกเปลี่ยน กำจ้อย กำกลอน กั๋นเจ้า
เริ่มหัวข้อโดย: JAMES ... ที่ วันที่ 21 มกราคม 2017, 11:40:46
กิ๋นเหล้าหงษ์ทอง  สาวมองบ่หัน  ขวดบ่ถึงปัน  น้องนั้นส่ายหน้า
สองร้อยห้าสิบ  ค่อยจิบน้องหล้า  ผสมโซดา  ต่ำต้อย
บ่มีเหล้าเรด  อัพเกรดสาวน้อย  รายวันสองร้อย  นอนาย
เหล้าขาวดองยา  อ้ายก่ามีหลาย  ถ้าน้องบ่อาย  เจิญส่ายสักแก้ว...บ๋อ..!!ei ei